Aˇ dahˬ 43:8 - Akha

⁸ Aˬ yawꞈ-euˬ aˬ da-ahˇ Yuˇdaˆ ehˇ nehˬ-eu, “Aˬ li-ahˇ ngaˬ-euˬ mehˬ nah bi caw teh le-awˬ. Aˬ dui pehˬ tiˬ gʼaˬ-iˬ hawˬ mehꞈ ya mehꞈ sehꞈ gaˇ maˬ keuˆ mi naˆ-ehˇ, ngaˬ ha mehˇ nmˇ cehˇ zeuˇ laˬ-iˇ ma.

Aˇ dahˬ 43:8 ပူးပေါင်းရင်းမြစ်များ

Aˇ dahˬ 42:2

Iˇjiˇtuˆ miˇ kʼahˬ laꞈ kʼoeˇ cehˇ jaˆ meh lehˇ aˬ cawˬ ehˇ-eu ngaˇ ya gaˬ-euˬ ma. Aˬ dui pehˬ hawˬ mehꞈ maˬ ya dzahˬ sehꞈ-eu gʼaˇ duˬ, kʼoeˇ gaˇ iˇ-awˇ cehˇ zeuˇ dzaˬ-iˇ-awˬ” lehˇ ehˇ nehˬ-euˬ meh.

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 44:20

Nawˇ kʼoeˇ loꞈ-ehˇ naˇ haˬ ngeh, ‘Ngaˬ ha mehˇ nmˇ-euˬ aˬ da jawˇ ma. Aˬ yawꞈ mawˬ laˇ ngeh hawˇ-eu dehꞈ le-euˬ ngaˬ ha mehˇ nmˇ-euˬ aˬ nyiˇ jiˇ tiˬ gʼaˬ jawˇ ma. Aˬ li kʼoeˇ gʼaˬ-euˬ aˇ doˆ gʼaˬ shiˇ dzeuˇ-awˇ, aˬ yawꞈ nehˬ-ehˇ tiˬ uˇ pyehˆ zaˬ aˬ yawꞈ tiˬ gʼaˬ dehꞈ-eu tehꞈ meh. Kʼoeˇ miˇ neh aˬ da aˬ yawꞈ-ahˇ gaˬ dui dui-eu meh’ lehˇ, ngaˬ ha mehˇ nmˇ nawˬ-ahˇ ehˇ kʼoꞈ nehˬ-euˬ ma.

Aˇ dahˬ 44:26

Ngaˬ ha mehˇ nmˇ aˬ yawꞈ-ahˇ heu loꞈ-ehˇ ehˇ nehˬ-euˬ ma. ‘Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ gʼeh naˇ, miˇ kʼahˬ kʼoeˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu gʼaˬ jawˇ gaˇ maˬ paˇ iˇ mawˇ nya meh. Aˬ nyiˇ nyiˇ saˬ gʼaˬ-ahˇ bi sheuˬ gʼeh laꞈ naˇ iˇ ma’ lehˇ ehˇ nehˬ-euˬ ma.

Aˇ dahˬ 45:19

Aˬ yawꞈ maꞈ-euˬ aˬ da hawˇ-eu aˬ yawꞈ maꞈ-euˬ miˬ sawˇ zaˬ deuˬ sheuˬ laˬ leˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ jaˆ-eu mahˬ laˆ lawˬ deuˬ teh-awˇ gʼoꞈ leˇ-awˬ lehˇ, aˬ yawꞈ maꞈ-ahˇ ehˇ nehˬ-awˬ.

Aˇ dahˬ 50:21

Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

Aˇ dahˬ 50:8

Aˬ yawꞈ-euˬ miˬ sawˇ zaˬ deuˬ maˬ ehˇ, aˬ yawꞈ-euˬ mehˇ nmˇ deuˬ maˬ ehˇ, aˬ yawꞈ aˬ da-euˬ zaˬ kʼaˇ ngeuˇ-eu deuˬ dawˬ tawˆ luꞈ, aˬ yawꞈ nehˬ-ehˇ le-euˬ meh. Aˬ yawꞈ maꞈ-euˬ zaˬ nahˬ deuˬ hawˇ-eu, yawˇ, ciꞈ myehꞈ, mawˇ neˇ deuˬ tehꞈ-ehˇ, Goˬsheˬ-ahˇ bi jawˇ yaꞈ-euˬ meh.

2 Sahˬpaˬ 7:13

Aˬ yawꞈ-euˬ yaw huiˬ yaw mahˇ tiˬ gʼaˬ ehˇ-eu, “Nymˬ-mˇ meuˬ laꞈ kʼoeˇ jawˇ luꞈ-eu tsawˇ haˬ deuˬ kʼawꞈ, shiˇ dzeuˇ jiˇ-euˬ deuˬ loꞈ-ehˇ paˇ ya shiˇ-eu keuˆ laˇ-eu ngaˇ. Dzeˇ luꞈ-eu mahˬ ngaˬ mawˇ-ahˇ tsawˇ haˬ heu myaˆ gʼaˬ bi dziˬ-awˇ, gaˇ kawˆ bi pyehˆ tseˇ duˬ haw-iˇ kaˇ-euˇ.”

2 Sahˬpaˬ 7:4

Meuˬ laꞈ kʼoeˇ uˇ leˇ naˇ kʼawꞈ, ya mehꞈ sehꞈ gaˇ keuˆ tehꞈ-a. Heu gaˇ dzuˇ dzuˇ-ehˇ paˇ jawˇ naˇ kʼawꞈ, shiˇ gaˇ keuˆ-eu ngaˇ. Teu miˇ neh Suˇliˆ tsawˇ haˬ-euˬ taˆ-ahˇ le kaˇ-euˇ. Aˬ yawꞈ-maꞈ aˬ dui-ahˇ sehꞈ laˇ naˇ kʼawꞈ, ehˬ-ehˇ sehꞈ luꞈ-uˇ. Nymˬ-mˇ aˬ dui maꞈ -ahˇ maˬ sehꞈ ni taˬ nehˬ laꞈ-eu maˬ siˬ.”

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Jaceuq 118:17

Ngaˇ maˬ shiˇ byoˆ ni dehꞈ-awˇ, Sahˬpaˬ Miˬyehˇ neh mˇ-euˬ jeˬ gaˇ kawˆ ja ma.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Bawˇtsahˬ 14:31

Naw maꞈ-euˬ zaˬ deuˬ aˬ cawˬ neh bi nyehꞈ jiˇ tehꞈ-a lehˇ naw maꞈ ehˇ-eu meh. Ehˇ kʼawꞈ, naw maꞈ neh byehˇ dzeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ ngaˇ sheuˬ gʼeh-awˇ, aˬ yawꞈ maꞈ-euˬ nymˇ jiˇ kʼoeˇ gaˇ jaˆ laˇ tehꞈ-a.

Dawˬmehˬ 33:6

Luˇbeˬ gaˇ kawˆ Moˇseˬ ehˇ-eu, “Luˇbeˬ tsawˇ jeuˬ tsawˇ haˬ cuiˆ kʼawꞈ, maˬ shiˇ tsehˆ ni dehꞈ gʼeh luꞈ-uˇ.”