Aˇ dahˬ 43:5 - Akha

⁵ Ehˇ kʼawꞈ, aˬ nyiˇ nyiˇ saˬ gʼaˬ-ahˇ nga maꞈ nehˬ-ehˇ maˬ bi iˇ te lehˇ ngeuˇ naˇ, nga maꞈ cehˇ maˬ zeuˇ-iˇ nya-a. Aˬ jeˬ miˇ neh ehˇ naˇ, aˬ nyiˇ nyiˇ saˬ gʼaˬ maˬ sheuˬ leꞈ naˇ aˬ yawꞈ jawˇ gaˇ taˬ oe lehˇ, tsawˇ haˬ kʼoeˇ gʼaˬ neh ehˇ tsehˆ taˬ-euˬ dawˬ jaˆ-eu meh.”

Aˇ dahˬ 43:5 ပူးပေါင်းရင်းမြစ်များ

Aˇ dahˬ 42:15

Ngaˇ naw maꞈ-ahˇ heu loꞈ-ehˇ lawˬ haw ma. Sahˬpaˬ-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ ehˇ tsehˆ nehˬ-eu ma. Nawˬ ha mehˇ nmˇ-euˬ aˬ nyiˇ nyiˇ saˬ gʼaˬ heu gaˇ maˬ oe keuˆ kʼoeˇ keuˆ ni, naw maꞈ-ahˇ maˬ bi gʼoꞈ leˇ.

Aˇ dahˬ 42:20

Kʼoeˇ naˇ, nawˬ ha mehˇ nmˇ-euˬ aˬ nyiˇ nyiˇ saˬ gʼaˬ-ahˇ ngaˇ jawˇ gaˇ sheuˬ leꞈ-awˬ. Naw maꞈ kʼoeˇ loꞈ-ehˇ jahˇ-awˇ, naw maꞈ neh kʼaˇ ehˇ-euˬ loꞈ-ehˇ ngeuˇ ngaˇ lehˇ ngaˇ ya siˬ duˬ naˇ, naw maꞈ-ahˇ shiˇ gaˇ maˬ keuˆ ni bi dzeuˇ-iˇ ma.” Yoˇsehˆ neh kʼaˇ ehˇ nehˬ-euˬ loꞈ-ehˇ mˇ-eu gʼaˇ duˬ, aˬ ha mehˇ nmˇ nui ma tsaˬ-euˬ meh.

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 43:3

Yuˇdaˆ ehˇ-eu, “Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ leꞈ naˇ, aˬ yawꞈ jawˇ gaˇ taˬ paˇ oe lehˇ, Iˇjiˇtuˆ miˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu tsawˇ haˬ kʼoeˇ gʼaˬ neh ehˇ duˬ taˬ-euˬ dawˬ jaˆ-eu meh.

Aˇ dahˬ 43:4

Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ-ahˇ, ngaˬ ha mehˇ nmˇ nehˬ-ehˇ bi iˇ-eu gʼaˇ duˬ nawˇ nui ma tsaˬ naˇ, nawˬ-euˬ gʼaˇ duˬ cehˇ zeuˇ laˬ-iˇ ma.

Aˇ dahˬ 43:6

Yaˬkoˆ ehˇ-eu, “Aˬ jeˬ miˇ neh ngaˬ-euˬ nui ma shaˬ zahˬ bi mˇ-eu lehˇ, nawˬ ha mehˇ nmˇ-euˬ aˬ nyiˇ tiˬ gʼaˬ jawˇ-eu gaˇ kawˆ tsawˇ haˬ kʼoeˇ gʼaˬ-ahˇ ehˇ nehˬ yaꞈ teˬ.”

Aˇ dahˬ 44:23

Kʼoeˇ ngeh, ‘Nawˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ leꞈ naˇ, ngaˇ jawˇ gaˇ taˬ paˇ oe’ lehˇ nawˇ ehˇ-eu meh.

Aˇ dahˬ 44:25

Kʼoeˇ naˇ, ‘Tiˬ poˆ paˇ iˇ-awˇ cehˇ paˇ zeuˇ laꞈ-iˇ-awˬ’ lehˇ, ngaˬ ha mehˇ nmˇ-ahˇ aˬ yawꞈ kʼehˇ-eu meh.

Aˇ dahˬ 44:26

Ngaˬ ha mehˇ nmˇ aˬ yawꞈ-ahˇ heu loꞈ-ehˇ ehˇ nehˬ-euˬ ma. ‘Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ gʼeh naˇ, miˇ kʼahˬ kʼoeˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu gʼaˬ jawˇ gaˇ maˬ paˇ iˇ mawˇ nya meh. Aˬ nyiˇ nyiˇ saˬ gʼaˬ-ahˇ bi sheuˬ gʼeh laꞈ naˇ iˇ ma’ lehˇ ehˇ nehˬ-euˬ ma.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.