Aˇ dahˬ 43:28 - Akha

²⁸ Aˬ ha mehˇ nmˇ ehˇ-eu, “Nawˬ-euˬ zaˬ kʼaˆ pyeuꞈ-eu ngaˬ ha mehˇ nmˇ-euˬ aˬ da-aˬ, nymˬ-mˇ keuˆ ni dehꞈ luꞈ-awˇ, jawˇ saˇ kʼawꞈ doˆ luꞈ meh.” Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Yoˇsehˆ-ahˇ yaw zeu paˇ baw nehˬ-euˬ meh.

Aˇ dahˬ 43:28 ပူးပေါင်းရင်းမြစ်များ

Aˇ dahˬ 37:7

Aˬ dui mehˇ nmˇ yawˬ gʼaˬ na luꞈ deh yaˇ-ahˇ cehˇ dzahˬ dzahˬ luꞈ ngeh, ngaˬ-euˬ cehˇ cehˇ dzahˬ gawˬ yawꞈ yawꞈ laˇ-euˬ meh. Kʼoeˇ ngeh, naw maꞈ-euˬ cehˇ cehˇ dzahˬ dawˬ tawˆ luꞈ ngaˬ-euˬ cehˇ cehˇ dzahˬ dawˬ peh uiˬ laˇ jiˇ-awˇ, ngaˬ-euˬ cehˇ cehˇ dzahˬ-ahˇ uˬ duˬ tahˬ laˇ-euˬ meh.”

Aˇ dahˬ 43:26

Yoˇsehˆ iˇ kahˇ gʼoꞈ keuˆ laˇ ngeh, aˬ ha mehˇ nmˇ nymˇ laꞈ kʼoeˇ paw Yoˇsehˆ jawˇ gaˇ laꞈ sawˬ yuˇ gʼeh nehˬ-awˇ, pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

2 Saˬmeuˬlaˆ 1:2

Yawˬ nah yawˬ, Sawˇluˆ-euˬ taˆ-ahˇ jawˇ-eu zaˬ guˬ tiˬ gʼaˬ aˬ yawꞈ jawˇ gaˇ oe keuˆ-euˬ meh. Zaˬ guˬ kʼoeˇ gʼaˬ yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, noeˬ shaˬ dui dui-eu gaˇ kawˆ bi siˬ bi mawˇ le-euˬ meh. Daˬbiˇ jawˇ gaˇ aˬ yawꞈ le-awˇ, miˇ tsa awˆ byaˆ-eu laꞈ kʼoeˇ yaw zeu baw nehˬ-euˬ meh.

2 Saˬmeuˬlaˆ 14:4

Zaˬ miˬ zaˬ kʼoeˇ gʼaˬ sahˬ paˬ jawˇ gaˇ le-awˇ, miˇ tsa awˆ byaˆ-awˇ yaw zeu baw nehˬ-eu laꞈ kʼoeˇ, “Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ caw ba nehˬ laꞈ-awˬ” lehˇ ehˇ nehˬ-euˬ meh.

1 Sahˬpaˬ 1:16

Sahˬ paˬ-euˬ mehˬ shi Baˬsheˬba awˆ byaˆ-awˇ yaw zeu baw nehˬ ngeh, “Aˬ jeˬ loˬ-eu nya” lehˇ, aˬ yawꞈ-ahˇ sahˬ paˬ naˇ haˬ-euˬ meh.

2 Laˬsaˬbaˬ 24:17

Ehˇ kʼawꞈ, Yeˬhawˇyaˬdaˬ shiˇ dzeuˇ ngeh jawˇ, Yuˇdaˆ miˇ kʼahˬ-euˬ aˬ yuiꞈ aˬ tsu deuˬ-aˬ, sahˬ paˬ Yawˇshaˆ-ahˇ aˬ yawꞈ maꞈ-euˬ ehˇ dawˬ naˇ haˬ ni muˇ-euˬ meh.

Doˆ-iˇ 18:7

Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.