Aˇ dahˬ 43:23 - Akha

²³ Zaˬ kʼaˆ kʼoeˇ gʼaˬ ehˇ-eu, “Taˬ noeˬ shaˬ. Taˬ guˆ. Nawˬ ha mehˇ nmˇ aˬ da-euˬ Miˬyehˇ pyeuꞈ-eu naw maꞈ-euˬ Miˬyehˇ neh naw maꞈ gʼaˇ duˬ shaˇ noeˬ-awˇ, naw maꞈ-euˬ cehˇ pehˇ zeuˇ laꞈ kʼoeˇ pyuˇ kʼoeˇ deuˬ paˇ dawˆ ahˇ kʼoꞈ nehˬ laꞈ-euˬ tehꞈ-a. Naw maꞈ neh cehˇ aˇ poeˬ biꞈ laꞈ-euˬ pyuˇ kʼoeˇ-aˬ, kʼoeˇ ngeh neh ngaˇ yuˇ-euˬ ma lehˇ ehˇ-eu meh. Kʼoeˇ naˇ, zaˬ kʼaˆ kʼoeˇ gʼaˬ neh, Suˇmoˬ-ahˇ aˬ yawꞈ maꞈ jawˇ gaˇ sheuˬ laꞈ-euˬ meh.

Aˇ dahˬ 43:23 ပူးပေါင်းရင်းမြစ်များ

Aˇ dahˬ 42:24

Kʼoeˇ ngeh, aˬ yawꞈ maꞈ jawˇ gaˇ neh Yoˇsehˆ doˆ-iˇ-awˇ, ngoeˇ-euˬ meh. Aˬ yawꞈ ngoeˇ taˬ gʼaˬ ngeh, aˬ yawꞈ maꞈ jawˇ gaˇ paˇ gʼoꞈ laˇ-awˇ, aˬ yawꞈ maꞈ-euˬ mehˬ shi Suˇmoˬ-ahˇ gʼeu doˆ-awˇ, paꞈ cuꞈ-euˬ meh.

Aˇ dahˬ 42:28

“Ngaˬ-euˬ pyuˇ ngaˬ-ahˇ paˇ biꞈ kʼoꞈ nehˬ laꞈ-euˬ nga. Heu gaˇ ngaˬ-euˬ cehˇ pehˇ zeuˇ laꞈ kʼoeˇ dawˆ ahˇ kʼoꞈ taˬ ngaˬ” lehˇ aˬ ha mehˇ nmˇ-ahˇ aˬ yawꞈ guˇ gaˬ nehˬ ngeh, aˬ yawꞈ maꞈ zahˬ leˇ-awˇ guˆ-eu laꞈ kʼoeˇ, “Aˬ dui mehˇ nmˇ-ahˇ Miˬyehˇ aˬ jeˬ paˇ jahˇ nehˬ laꞈ-euˬ maˬ siˬ miˇ-a” lehˇ, tiˬ gʼaˬ tiˇ gʼaˬ ehˇ-eu meh.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 43:22

Kʼoeˇ uˬ taꞈ, cehˇ zeuˇ-eu gʼaˇ duˬ pyuˇ aˇ dzehˬ kʼawꞈ pi luꞈ-eu ma. Cehˇ zeuˇ poeˬ biꞈ gʼaˬ dzeuˇ-euˬ pyuˇ kʼoeˇ deuˬ-ahˇ, aˬ suˇ gʼaˬ neh nga maꞈ-euˬ cehˇ pehˇ zeuˇ deuˬ laꞈ kʼoeˇ paˇ dawˆ ahˇ kʼoꞈ taˬ-euˬ maˬ siˬ. Gaˇ kawˆ heu ngaˬ ha mehˇ nmˇ tiˬ pawꞈ-iˬ maˬ ya siˬ-aˬ.”

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

1 Laˬsaˬbaˬ 12:19

Sahˬ paˬ Sawˇluˆ-ahˇ guiˇ deuˆ-iˇ-eu lehˇ iˇ luꞈ-eu Piˇliˇtiˆ tsawˇ haˬ deuˬ mehˬ nah Daˬbiˇ caw teh luꞈ ngeh, Maˬnaˇseˬ tsawˇ haˬ yehˇ tiˬ paˆ na deuˬ aˬ yawꞈ jawˇ paw cehˆ uˇ le-euˬ meh. Daˬbiˇ-aˬ, Piˇliˇtiˆ tsawˇ haˬ deuˬ jawˇ paw pyawˬ-awˇ sahˬ paˬ Sawˇluˆ-ahˇ guiˇ deuˆ-eu tsawˇ haˬ maˬ ngeuˇ-a. Daˬbiˇ nui ma paˇ laˇ-awˇ, aˬ yawꞈ-euˬ sahˬ paˬ pyeuꞈ-eu Sawˇluˆ jawˇ paw pyawˬ-awˇ aˬ yawꞈ maꞈ-ahˇ deuˆ laˇ gaˇ guˆ-eu miˇ neh, Piˇliˇtiˆ sahˬ paˬ deuˬ bawˬ dzaˬ-awˇ, aˬ yawꞈ-ahˇ Ziˇkaˬlehˆ meuˬ-ahˇ bi gʼoꞈ-iˇ-euˬ meh.

Eˇzaˬlaˬ 4:17

Sahˬ paˬ Daˬliˇ gʼaˬ heu loꞈ-ehˇ paˇ boꞈ kʼoꞈ nehˬ-euˬ meh. “Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Leˬhamˬ, jaˇ laˇ yuˇ-eu paw aˬ yuiꞈ geuꞈ-eu Shmˇshehˆ hawˇ-eu, Saˬmaˬliˆ meuˬ hawˇ-eu Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ jawˇ-eu naw nyaꞈ-euˬ cawˬ deuˬ-ahˇ ngaˇ sahˬ boꞈ boꞈ ahˇ laꞈ-eu ma. Naw maꞈ dawˬ tawˆ luꞈ yaw muiˬ jawˇ saˇ doˆ luꞈ-uˇ.

Luˇkaꞈ 10:5

Naw maꞈ nymˇ aˬ geu nymˇ-ahˇ daˆ leˇ-eu maˬ kaˬ, ‘Nymˇ heu nymˇ kʼoeˇ taˆ nui saˇ oꞈ-eu jeˬ keuˆ le luꞈ-uˇ’ lehˇ jeˬ huˬ ehˇ-awˬ.

Luˇkaꞈ 24:36

Aˬ yawꞈ maꞈ kʼoeˇ loꞈ-ehˇ ja luꞈ ngeh, Yeˬsuˇ aˬ yawꞈ maꞈ-euˬ gʼahˇ ceh yawꞈ le-awˇ, “Naw maꞈ kʼoeˇ taˆ nui saˇ oꞈ-eu jeˬ jaˆ luꞈ-uˇ” lehˇ ehˇ-eu meh.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Yaˇ kʼaˬ daˇ 19:20

Aˬ bawˇ tsawˇ mawˬ kʼoeˇ gʼaˬ ehˇ-eu, “Ngaˬ-euˬ nymˇ-ahˇ daˆ laˇ-awˬ. Naw maꞈ-ahˇ ngaˇ ha-eu ma. Pu kaˬ lehˆ kawˆ-ahˇ ya yaꞈ gaˇ maˬ keuˆ-aˇ.”

Yaˇ kʼaˬ daˇ 6:23

Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ ehˇ-eu, “Taˬ guˆ. Nawˇ maˬ ya shiˇ-aˇ.”

1 Saˬmeuˬlaˆ 25:6

Aˬ yawꞈ maꞈ-ahˇ aˬ yawꞈ mehˬ duˬ nehˬ-awˇ, heu loꞈ-ehˇ bi ehˇ-iˇ-euˬ meh. “Cawˬ-oˇ, nawˇ maˬ ehˇ, nawˬ-euˬ nymˇ jiˇ maˬ ehˇ, nawˬ-ahˇ kʼaˇ taꞈ-eu deuˬ dawˬ tawˆ luꞈ maˬ ehˇ, yaw muiˬ jawˇ saˇ doˆ luꞈ-uˇ.