Aˇ dahˬ 43:15 - Akha

¹⁵ Kʼoeˇ ngeh, aˬ ha mehˇ nmˇ laꞈ sawˬ lehˬ hmˬ-awˇ, yaw beh poˆ myaˆ maˬ tseˇ pyuˇ nyiˬ myaˆ ni pi-awˇ, Beˬyaˬmiˬ gʼaˬ-ahˇ gʼeh sheuˬ-awˇ, Iˇjiˇtuˆ miˇ kʼahˬ-ahˇ Yoˇsehˆ jawˇ gaˇ iˇ-euˬ meh.

Aˇ dahˬ 43:15 ပူးပေါင်းရင်းမြစ်များ

Aˇ dahˬ 42:35

Kʼoeˇ naˇ, mahˬ kʼaˆ daˬ puiˇ-awˇ cehˇ pehˇ zeuˇ shehˆ ngehꞈ haw ngeh, aˬ yawꞈ maꞈ yawˬ gʼaˬ na luꞈ yawˬ ha-euˬ pyuˇ paꞈ toeˆ-ahˇ yawˬ ha ya mawˇ-euˬ meh. Kʼoeˇ ngeh, aˬ da Yaˬkoˆ hawˇ-eu aˬ yawꞈ ha mehˇ nmˇ dawˬ tawˆ luꞈ guˆ dui dui-euˬ meh.

Aˇ dahˬ 43:11

Aˬ da gʼaˬ aˬ ha mehˇ nmˇ-ahˇ ehˇ nehˬ-eu, “Kʼoeˇ loꞈ-ehˇ maˬ jahˇ naˇ maˬ geuꞈ nya-eu jeˬ maˇ-iˬ, aˬ dui-euˬ miˇ kʼahˬ-ahˇ doˆ-eu aˇ poeˬ kʼaˆ-eu mˇ myawˬ deuˬ pyeuꞈ-eu, tsiˇ yaw saw jeˬ ui cuiˆ, byaˬ byaˬ uiˇ ui cuiˆ, dzaˇ muiˇ dzaˇ sawˇ, tsuiꞈ siˬ tsuiꞈ shehˇ hawˇ-eu, aˬlaˬmoˬ aˇ siˬ heu deuˬ yuˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu kʼoeˇ gʼaˬ-ahˇ biꞈ nehˬ-iˇ-awˬ.

Aˇ dahˬ 43:21

Nga maꞈ cehˇ zeuˇ-awˇ gʼoꞈ leˇ ngeh, uˬ ciꞈ paw gaˇ pehˇ yaꞈ-euˬ ma. Nga maꞈ-euˬ cehˇ pehˇ zeuˇ puiˇ haw ngeh, aˬ yawꞈ gʼaˬ yawꞈ-euˬ cehˇ pehˇ zeuˇ laꞈ kʼoeˇ, cehˇ aˇ poeˬ biꞈ-euˬ pyuˇ kʼoeˇ deuˬ tiˬ pehˆ-iˬ maˬ teˬ-iˇ ni ahˇ jiˇ gaˇ ya mawˇ-euˬ ma. Pyuˇ kʼoeˇ deuˬ nymˬ-mˇ poˆ nga maꞈ paˇ pi leꞈ-euˬ ma.

Aˇ dahˬ 43:25

Aˬ ha mehˇ nmˇ-aˬ, nah gʼahˇ paw Yoˇsehˆ gʼoꞈ laˇ ngeh biꞈ-eu gʼaˇ duˬ, aˬ yawꞈ maꞈ neh yuˇ leꞈ-euˬ laꞈ sawˬ deuˬ lehˬ hmˬ taˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yoˇsehˆ nehˬ-ehˇ hawˬ ya dzaˬ taꞈ tehꞈ-a lehˇ, aˬ cawˬ aˬ yawꞈ maꞈ-ahˇ ehˇ nehˬ taˬ-euˬ meh.

2 Laˬsaˬbaˬ 28:7

Ziˇkaˬliˇ lehˇ myahˇ-euˬ Iˇsaˬleˬlaˆ yehˇ tiˬ gʼaˬ neh, sahˬ paˬ Aˬkaˆ-euˬ aˬ li Mawˇseˬyaˇ-ahˇ maˬ ehˇ, sahˬ paˬ-euˬ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˬliˇkmˬ-ahˇ maˬ ehˇ, sahˬ paˬ-euˬ laꞈ oˆ teˬ ni gʼeh-eu gʼaˬ pyeuꞈ-eu Eˇlaˬkaˬnaˬ-ahˇ maˬ ehˇ, sehꞈ-euˬ meh.

Dawqdaq 19:6

Yawˬ gʼaˬ na luꞈ yaw huiˬ yaw mahˇ-ahˇ myaˆ pyawˬ naˇ mehˇ jahˇ-awˇ, bi dzaˬ bi dawˇ nya-eu tsawˇ haˬ-ahˇ cawˬ cawˬ mawꞈ-eu meh.