Aˇ dahˬ 43:1 - Akha

¹ Kaˬnaˬ miˇ kʼahˬ laꞈ kʼoeˇ, mehꞈ-eu shuꞈ-eu jeˬ yaw beh naˆ maˬ tseˇ paˇ kʼaˆ dzehˬ laˇ-euˬ meh.

Aˇ dahˬ 43:1 ပူးပေါင်းရင်းမြစ်များ

Aˇ dahˬ 12:10

Kaˬnaˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le-euˬ miˇ neh, Iˇjiˇtuˆ miˇ kʼahˬ laꞈ kʼoeˇ tiˬ kʼehˬ tiˬ yamˬ cehˆ jawˇ-iˇ-eu gʼaˇ duˬ, laꞈ oˆ paw Aˬbyaˬ iˇ ka gʼeh-euˬ meh.

Aˇ dahˬ 18:13

Aˬbyaˬhaˬ-ahˇ Sahˬpaˬ Miˬyehˇ ehˇ nehˬ-eu, “Aˬ jeˬ miˇ neh Saˬlaˇ uiˇ uiˇ-ehˇ, ‘Ngaˇ loꞈ-ehˇ gʼeh-eu tsawˇ mawˬ tiˬ gʼaˬ zaˬ paˇ jawˇ le nya ta siˬ loˇ’ lehˇ ehˇ ta. Sahˬpaˬ Miˬyehˇ maˬ jahˇ nya-eu jeˬ jaˆ ta loˇ.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 42:5

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-euˬ miˇ neh, Yaˬkoˆ-euˬ aˬ li kʼoeˇ deuˬ cehˇ zeuˇ dzaˬ-iˇ-eu lehˇ, aˬ cawˬ nehˬ-ehˇ iˇ gʼeh-euˬ meh.

Aˇ dahˬ 43:2

Yaˬkoˆ-euˬ zaˬ deuˬ neh Iˇjiˇtuˆ miˇ kʼahˬ-ahˇ zeuˇ laˬ-iˇ-euˬ cehˇ kʼoeˇ deuˬ dzaˬ jiˇ ngeh, “Aˬ dui dzaˬ-eu gʼaˇ duˬ cehˇ ui cuiˆ paˇ zeuˇ laˬ-iˇ siˬ” lehˇ, aˬ yawꞈ-euˬ aˬ li deuˬ-ahˇ Yaˬkoˆ paˇ ehˇ nehˬ-euˬ meh.

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

Ngoeˇ dawˬ 5:10

Mehꞈ-eu baˬ da gʼawˇ mawˇ lahˇ-eu, miˬ dzaˬ tsawˬ bu-ahˇ duˇ leˇ nya.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.