Aˇ dahˬ 42:9 - Akha

⁹ Kʼoeˇ ngeh, Yoˇsehˆ-aˬ, aˬ ha mehˇ nmˇ gaˇ kawˆ aˇ hu aˬ yawꞈ neh yuꞈ maˆ maˆ mawˇ-euˬ gaˇ paˇ noeˬ doˆ leˇ-awˇ, “Naw maꞈ kʼoeˬ sho haw le-euˬ tsawˇ haˬ ngaˇ. Nga maꞈ-euˬ miˇ kʼahˬ gʼaˬ baˬ duˬ-ahˇ pyehˆ tseˇ haw le-euˬ ngaˇ” lehˇ, aˬ ha mehˇ nmˇ-ahˇ ehˇ nehˬ-euˬ meh.

Aˇ dahˬ 42:9 ပူးပေါင်းရင်းမြစ်များ

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

Aˇ dahˬ 42:16

Naw maꞈ laꞈ kʼoeˇ tiˬ gʼaˬ gʼoꞈ leˇ-awˇ, naw maꞈ-euˬ aˬ nyiˇ nyiˇ saˬ gʼaˬ-ahˇ ya sheuˬ laˬ leˇ meh. Naw maꞈ neh kʼaˇ ehˇ-euˬ loꞈ-ehˇ tsaˬ nga loˇ maˬ tsaˬ nga loˇ lehˇ maˬ siˬ duˬ laˇ kʼoeˇ keuˆ ni, aˬ nyiˇ nyiˇ saˬ gʼaˬ-ahˇ bi sheuˬ laˬ leˇ-euˬ kʼoeˇ gʼaˬ maˬ ngeuˇ naˇ, naw maꞈ dawˬ tawˆ luꞈ paꞈ kuˆ laꞈ kʼoeˇ ya uˇ tawˬ yaꞈ tehꞈ-a. Kʼoeˇ loꞈ-ehˇ maˬ ngeuˇ naˇ, sahˬ paˬ yaw dehꞈ kʼaˇ dehꞈ kʼoeˇ keuˆ ni, kʼoeˬ sho haw le-euˬ tsawˇ haˬ lehˇ sawˇ-eu ma.”

Aˇ dahˬ 42:34

Naw maꞈ kʼoeˬ sho haw le-euˬ tsawˇ haˬ maˬ ngeuˇ-ehˇ, tsawˇ haˬ yaw muiˬ pyeuꞈ-eu duˬ laˇ ni, naw maꞈ-euˬ aˬ nyiˇ nyiˇ saˬ gʼaˬ-ahˇ heu gaˇ sheuˬ leꞈ-awˬ. Kʼoeˇ ngeh jawˇ, naw maꞈ-euˬ mehˇ nmˇ heu gʼaˬ naw maꞈ-ahˇ paˇ biꞈ kʼoꞈ nehˬ ma. Naw maꞈ kʼawꞈ, miˇ kʼahˬ heu kʼahˬ-ahˇ jeˬ gaꞈ taꞈ nya tehꞈ-a’ lehˇ ehˇ-eu meh.”

2 Saˬmeuˬlaˆ 10:3

Aˬmoˬ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh aˬ yawꞈ nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ neh pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, tsawˇ haˬ pyehˬ leꞈ-awˇ meuˬ heu meuˬ-ahˇ bi kʼoeˬ sho haw le-euˬ meh.”

Doˆ-iˇ 32:35

Kʼoeˇ naˇ, Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ kʼoeˇ taˆ naˇ-eu gawˇ-eu jeˬ bi keuˆ le-euˬ meh. Aˬ jeˬ miˇ neh ehˇ naˇ, shuiˇ mawˇ neˇ mawˇ kawˇ maˬ tehˆ kʼoeˇ maˬ juˬ ni, Aˬloˬ-ahˇ aˬ yawꞈ maꞈ kaˬ naˬ-euˬ meh.

Bawˇtsahˬ 13:2

“Iˇsaˬleˬlaˆ tsawˇ haˬ deuˬ-ahˇ ngaˇ biꞈ nehˬ-eu lehˇ gʼeh-eu Kaˬnaˬ miˇ kʼahˬ-ahˇ bi pyehˆ tseˇ haw leˇ-eu gʼaˇ duˬ, tsawˇ jeuˬ tseˇ nyiꞈ jeuˬ, aˬ yawꞈ jeuˬ yawꞈ laꞈ kʼoeˇ, aˬ yuiꞈ aˬ tsu tiˬ gʼaˬ tseˇ doˆ-awˇ bi le-awˬ.”

Luˇkaꞈ 20:20

Kʼoeˇ miˇ neh, aˬ myah yehꞈ laˇ nga lehˇ aˬ yawꞈ maꞈ jawˬ luꞈ-eu meh. Kʼoeˬ sho-eu tsawˇ haˬ kʼehˇ-awˇ, tsawˇ haˬ yaw muiˬ bi geuꞈ-awˇ bi iˇ-euˬ meh. Yeˬsuˇ dawˬ ngehˬ bahˬ gaˇ nyehꞈ-awˇ, miˇ kʼahˬ kʼoeˇ kʼahˬ-ahˇ uˆ lahˇ-eu Loˇmaˆ sahˬ paˬ-euˬ laꞈ-ahˇ bi a nehˬ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Yawˇshuˆ 6:23

Kʼoeˇ ngeh, aˬ yawꞈ nyaꞈ iˇ-awˇ, Laˬhaˇ hawˇ-eu aˬ yawꞈ-euˬ aˬ ma aˬ da maˬ ehˇ, aˬ yawꞈ-euˬ aˬ mahˇ aˬ da deuˬ maˬ ehˇ, aˬ yawꞈ-euˬ nymˇ kʼahˬ zaˬ deuˬ maˬ ehˇ, tiˬ kawˆ loꞈ-ehˇ sheuˬ doˆ laꞈ-euˬ meh. Aˬ ha pehˬ hawˇ-eu aˬ ha pehˬ-euˬ zaˬ kʼaˆ dawˬ tawˆ luꞈ-ahˇ, Iˇsaˬleˬlaˆ tsawˇ haˬ deuˬ-euˬ sehˬ gʼawˆ dawˬ peh, guˆ kʼaˇ maˬ za gaˇ sheuˬ taˬ-awˇ bi jawˇ-euˬ meh.

Yaˇ kʼaˬ daˇ 1:24

Kʼoeˬ sho haw-iˇ-euˬ tsawˇ haˬ kʼoeˇ deuˬ, tsawˇ haˬ tiˬ gʼaˬ meuˬ laꞈ kʼoeˇ neh doˆ le luꞈ-eu ya mawˇ-awˇ, “Nga maꞈ-ahˇ meuˬ-ahˇ uˇ le-eu gaˇ ma mehˬ nehˬ laꞈ-awˬ. Nga maꞈ nawˬ-ahˇ tiˬ jeˬ-iˬ maˬ jahˇ” lehˇ ehˇ nehˬ-euˬ meh.

1 Saˬmeuˬlaˆ 26:4

Kʼoeˇ ngeh, Daˬbiˇ tsawˇ haˬ pyehˬ gʼeh-awˇ bi kʼoeˬ sho haw-iˇ-eu laꞈ kʼoeˇ, aˬ diˇ aˬ maˇ Sawˇluˆ kʼoeˇ gaˇ oe keuˆ taˬ-euˬ gaˇ kawˆ ya siˬ duˬ-euˬ meh.