Aˇ dahˬ 42:6 - Akha

⁶ Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

Aˇ dahˬ 42:6 ပူးပေါင်းရင်းမြစ်များ

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 19:1

Mˬ taˆ gʼaˬ kʼehˇ kʼoeˇ nyiˬ gʼaˬ uˬ ciꞈ uˬ taw paw Sawˇdoˬ meuˬ-ahˇ oe ngeh, meuˬ-euˬ lahˇ kʼehˬ-ahˇ Lawˇtaˬ nuiˇ luꞈ-eu meh. Aˬ yawꞈ nyaꞈ-ahˇ aˬ yawꞈ ya mawˇ ngeh, tsawˬ tuˇ-awˇ ha laˬ-iˇ-euˬ meh. Aˬ yawꞈ nyaꞈ-euˬ mehˬ shi Lawˇtaˬ pawˬ tsuiꞈ pawˬ dmˬ dmˬ-awˇ, awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 33:3

Yaˬkoˆ gʼaˬ mehˬ hu hu saˬ cah-awˇ, Iˇsawˇ-euˬ dawˬ peh iˇ keuˆ ngeh, pawˬ tsuiꞈ pawˬ dmˬ dmˬ-awˇ, shiꞈ poˆ keuˆ ni uˬ duˬ miˇ tsa tuˆ ni awˆ byaˆ-eu laꞈ kʼoeˇ, yaw zeu baw nehˬ-euˬ meh.

Aˇ dahˬ 41:43

Sahˬ paˬ-euˬ mahˬ laˆ lawˬ nyiˬ laˇ tiˬ laˇ kʼawꞈ, Yoˇsehˆ-ahˇ biꞈ-awˇ bi dziˬ-euˬ meh. Yoˇsehˆ-ahˇ loꞈ piˇ-eu guiˇ maꞈ deuˬ mahˬ laˆ lawˬ kʼoeˇ laˇ-euˬ mehˬ hu paw cah-awˇ, “Gaˇ pawˇ pawˇ-awˬ. Gaˇ pawˇ pawˇ-awˬ” lehˇ guˇ guˇ-ehˇ cah-euˬ meh. Yoˇsehˆ-aˬ, kʼoeˇ loꞈ-ehˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ pyeuꞈ laˇ-euˬ meh.

Aˇ dahˬ 41:54

Kʼoeˇ ngeh, Yoˇsehˆ neh ehˇ taˬ-euˬ loꞈ-ehˇ, mehꞈ-eu shuꞈ-eu aˇ yamˬ shiꞈ kʼoꞈ paˇ keuˆ le-euˬ meh. Miˇ kʼahˬ yawˬ kʼahˬ na luꞈ laꞈ kʼoeˇ, mehꞈ-eu shuꞈ-eu jeˬ keuˆ le-euˬ meh. Ehˇ kʼawꞈ, Iˇjiˇtuˆ miˇ kʼahˬ laꞈ kʼoeˇ dzaˬ dzaˬ dawˇ dawˇ tiˬ byah tiˬ loꞈ jaˆ luꞈ-eu meh.

Aˇ dahˬ 41:57

Mehꞈ dui shuꞈ dui dui-eu jeˬ miˇ tsaˬ kʼoeˇ taˆ byah jiˇ-euˬ miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ Yoˇsehˆ jawˇ gaˇ cehˇ zeuˇ dzaˬ le-euˬ meh.

Aˇ dahˬ 44:14

Yuˇdaˆ aˬ ha mehˇ nmˇ Yoˇsehˆ-euˬ nymˇ-ahˇ gʼoꞈ keuˆ-iˇ ngeh, Yoˇsehˆ iˇ kahˇ jawˇ luꞈ-eu meh. Aˬ yawꞈ maꞈ Yoˇsehˆ mehˬ shi pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, yaw zeu baw nehˬ-euˬ meh.

Aˇ dahˬ 45:26

Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Aˇ dahˬ 45:8

Teu baˬ da neh, ngaˬ-ahˇ heu gaˇ bi oe-euˬ gʼaˬ-aˬ, naw maꞈ maˬ ngeuˇ-a. Miˬyehˇ meh. Sahˬ paˬ-euˬ gaˇ mˇ-eu yaw huiˬ yaw mahˇ deuˬ kʼoeˇ taˆ, Miˬyehˇ neh ngaˬ-ahˇ aˬ cawˬ naˆ maˬ tseˇ huiˬ dzehˬ-eu gʼaˬ bi geuꞈ laꞈ-euˬ meh. Ngaˇ-aˬ, miˇ kʼahˬ heu kʼahˬ kʼahˬ lah ni-ahˇ ya haw ya pyaˆ-awˇ, Iˇjiˇtuˆ miˇ kʼahˬ-ahˇ ya uˆ lahˇ-eu gʼaˬ pyeuꞈ-eu ma.

Aˇ dahˬ 48:12

Kʼoeˇ ngeh, aˬ yawꞈ-euˬ aˬ li kʼoeˇ nyiˬ li-ahˇ, aˬ yawꞈ aˬ da-euˬ bawˇ kʼahˇ laꞈ kʼoeˇ neh Yoˇsehˆ ciˬ doˆ-awˇ, aˬ yawꞈ aˬ da-euˬ mehˬ shi pawˬ tsuiꞈ pawˬ dmˬ dmˬ-awˇ, miˇ tsa awˆ byaˆ-euˬ meh.

Dawqdaq 11:26

Cehˇ poeˬ kʼaˆ laˇ gaˇ dawˬ-awˇ cehˇ maˬ ahˬ-eu gʼaˬ-ahˇ aˬ cawˬ yaˬ kʼehˇ yaˬ-awˇ, cehˇ ahˬ nehˬ-eu gʼaˬ-ahˇ aˬ cawˬ ja ceuˬ-eu meh.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.