Aˇ dahˬ 42:28 - Akha

²⁸ “Ngaˬ-euˬ pyuˇ ngaˬ-ahˇ paˇ biꞈ kʼoꞈ nehˬ laꞈ-euˬ nga. Heu gaˇ ngaˬ-euˬ cehˇ pehˇ zeuˇ laꞈ kʼoeˇ dawˆ ahˇ kʼoꞈ taˬ ngaˬ” lehˇ aˬ ha mehˇ nmˇ-ahˇ aˬ yawꞈ guˇ gaˬ nehˬ ngeh, aˬ yawꞈ maꞈ zahˬ leˇ-awˇ guˆ-eu laꞈ kʼoeˇ, “Aˬ dui mehˇ nmˇ-ahˇ Miˬyehˇ aˬ jeˬ paˇ jahˇ nehˬ laꞈ-euˬ maˬ siˬ miˇ-a” lehˇ, tiˬ gʼaˬ tiˇ gʼaˬ ehˇ-eu meh.

Aˇ dahˬ 42:28 ပူးပေါင်းရင်းမြစ်များ

Aˇ dahˬ 27:33

Kʼoeˇ ngeh, Iˇtsaˆ tsawˬ guˆ-iˇ-awˇ, yaw dzuˬ dzuˬ-eu laꞈ kʼoeˇ ehˇ-eu, “Toˆ-ehˇ maˇ-iˬ, uˬ soe shaˬ jiˇ sehꞈ-awˇ ngaˬ-ahˇ dzaˇ jahˇ ha laˇ-euˬ kʼoeˇ gʼaˬ aˬ suˇ gʼaˬ-a. Nymˬ-mˇ nawˇ uˇ laˇ ngeh, shaˬ jiˇ kʼoeˇ ngaˇ dzaˬ gʼaˬ-euˬ tiˬ dehˬ tehꞈ te siˬ. Aˬ yawꞈ-ahˇ ngaˇ dawˬ ngehˬ gʼeh nehˬ gʼaˬ dzeuˇ-euˬ ma. Aˬ yawꞈ-aˬ, mˬ maˬ maˬ byaˆ zaˇ ziˇ guiˬ lahˬ za-euˬ tsawˇ haˬ pyeuꞈ laˇ gʼaˬ-euˬ meh” lehˇ, Iˇsawˇ-ahˇ ehˇ nehˬ-euˬ meh.

Aˇ dahˬ 42:29

Kaˬnaˬ miˇ kʼahˬ-ahˇ aˬ da Yaˬkoˆ jawˇ gaˇ aˬ ha mehˇ nmˇ gʼoꞈ keuˆ leˇ ngeh, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, aˬ yawꞈ maꞈ-euˬ aˬ da-ahˇ heu loꞈ-ehˇ dzawˇ nehˬ-euˬ meh.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Aˇ dahˬ 43:23

Zaˬ kʼaˆ kʼoeˇ gʼaˬ ehˇ-eu, “Taˬ noeˬ shaˬ. Taˬ guˆ. Nawˬ ha mehˇ nmˇ aˬ da-euˬ Miˬyehˇ pyeuꞈ-eu naw maꞈ-euˬ Miˬyehˇ neh naw maꞈ gʼaˇ duˬ shaˇ noeˬ-awˇ, naw maꞈ-euˬ cehˇ pehˇ zeuˇ laꞈ kʼoeˇ pyuˇ kʼoeˇ deuˬ paˇ dawˆ ahˇ kʼoꞈ nehˬ laꞈ-euˬ tehꞈ-a. Naw maꞈ neh cehˇ aˇ poeˬ biꞈ laꞈ-euˬ pyuˇ kʼoeˇ-aˬ, kʼoeˇ ngeh neh ngaˇ yuˇ-euˬ ma lehˇ ehˇ-eu meh. Kʼoeˇ naˇ, zaˬ kʼaˆ kʼoeˇ gʼaˬ neh, Suˇmoˬ-ahˇ aˬ yawꞈ maꞈ jawˇ gaˇ sheuˬ laꞈ-euˬ meh.

1 Sahˬpaˬ 10:5

Sawˇlaˬmoˬ-euˬ hawˬ jeh kʼoeˇ taˆ laˆ saˆ taˬ-euˬ dzaˬ dzaˬ dawˇ dawˇ deuˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ-eu nymˇ deuˬ-ahˇ maˬ ehˇ, sahˬ paˬ-euˬ hawˇ nymˇ-ahˇ gaˇ mˇ-eu deuˬ hawˇ-eu aˬ yawꞈ maꞈ dm luꞈ-eu dm gʼaˬ dm lmˇ deuˬ-ahˇ maˬ ehˇ, aˬ yawꞈ dzaˬ ngeh dawˇ ngeh hawˬ lahˬ dzaˇ lahˬ lahˬ-eu zaˬ kʼaˆ deuˬ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ neh lawˇ-euˬ shehˇ-euˬ jeˬ-ahˇ maˬ ehˇ, Sheˬba sahˬ paˬ ma ya mawˇ ngeh, saꞈ maˬ gʼawˇ doˆ coeˇ-ehˇ tsoˆ leˇ gaˇ keuˆ ni zahˬ leˇ dui dui-euˬ meh.

Jaceuq 61:2

Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Dawˬ caˇ 5:6

Ngaˇ gaˬ-eu gʼaˬ bi uˇ laˇ-eu lehˇ laˇ gʼoˆ dehˬ pah ngeh, aˬ yawꞈ maˬ jawˇ ni iˇ dzeuˇ-euˬ meh. Aˬ yawꞈ-euˬ teˇ saˇ-ahˇ gaˬ mawꞈ dui dui nya. Aˬ yawꞈ-ahˇ ngaˇ poˆ kʼawꞈ, maˬ poˆ mawˇ nya nya. Aˬ yawꞈ-ahˇ kuˇ kʼawꞈ oˬ maˬ toˬ-a.

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Luˇkaꞈ 21:26

Miˇ tsaˬ kʼoeˇ taˆ keuˆ le teuˇ le-eu lehˇ gʼeh-eu jeˬ-ahˇ tsawˇ haˬ zaˬ deuˬ noeˬ mawˇ-awˇ, myaꞈ leˇ tehꞈ-a. Aˬ jeˬ miˇ neh ehˇ naˇ, mˬ taˆ-euˬ baoˬ deuˬ luˆ laˇ nyeh laˇ jiˇ tehꞈ-a.

Dawˬmehˬ 28:65

Nui saˇ za-eu jeˬ-ahˇ tiˬ gaˇ-iˬ maˬ poˆ mawˇ nya-ehˇ, nawˬ-euˬ jawˇ duˬ lehˇ myahˇ-eu gʼaˇ duˬ, pehˇ tsahˇ maˬ jaˆ ni pyeuꞈ-iˇ tehꞈ-a. Ehˇ kʼawꞈ, noeˬ shaˬ noeˬ zahˬ-eu jeˬ, noeˬ tmˬ duˬ maˬ jaˆ-eu jeˬ hawˇ-eu, nui ma cawˆ-eu jeˬ, Sahˬpaˬ Miˬyehˇ nawˬ-euˬ kʼoeˇ taˆ paˇ baꞈ daˆ nehˬ laꞈ tehꞈ-a.