Aˇ dahˬ 42:21 - Akha

²¹ Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

Aˇ dahˬ 42:21 ပူးပေါင်းရင်းမြစ်များ

Aˇ dahˬ 41:9

Kʼoeˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ sahˬ paˬ jawˇ gaˇ le-awˇ, heu loꞈ-ehˇ ehˇ nehˬ leˇ-euˬ meh. “Ngaˬ-euˬ yaw lehˬ iˬ nah ngaˇ noeˬ poˆ-awˇ, nawˬ-euˬ mehˬ shi ehˇ doˆ-eu ma.

Aˇ dahˬ 44:16

Yuˇdaˆ ehˇ-eu, “Sahˬ paˬ-oˇ, nga maꞈ nawˬ-ahˇ aˬ joˆ-ehˇ dawˬ poˆ poˆ nya nmˇ. Nga maꞈ aˬ joˆ-ehˇ paˇ pyehˇ nmˇ. Nga maꞈ-euˬ iˬ baˇ-ahˇ aˬ joˆ-ehˇ jahˇ-awˇ paˇ dehˬ kaˬ nya nmˇ. Nga maꞈ-euˬ iˬ baˇ-ahˇ Miˬyehˇ neh pah mehˬ nehˬ gʼaˬ-euˬ meh. Nymˬ-mˇ poˆ jawˇ-aˬ, pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ maˬ ngeuˇ ni, ngaˬ ha mehˇ nmˇ dawˬ tawˆ luꞈ nawˬ-euˬ zaˬ kʼaˆ geuꞈ jiˇ ma.”

Aˇ dahˬ 45:3

“Ngaˇ Yoˇsehˆ ma. Ngaˬ da yaw dehꞈ dehꞈ luꞈ-a siˬ loˇ” lehˇ, aˬ ha mehˇ nmˇ-ahˇ Yoˇsehˆ ehˇ nehˬ-euˬ meh. Ehˇ kʼawꞈ, dawˬ kʼoeˇ dawˬ-ahˇ aˬ ha mehˇ nmˇ ya gaˬ ngeh, guˆ dui dui-eu laꞈ kʼoeˇ tsoˆ leˇ jiˇ-awˇ, tiˬ gʼaˬ-iˬ dawˬ maˬ ngehˬ doˆ nya-a.

Aˇ dahˬ 50:15

Aˬ yawꞈ ha mehˇ nmˇ-euˬ aˬ da shiˇ dzeuˇ ngeh jawˇ, “Aˬ dui mehˇ nmˇ-ahˇ Yoˇsehˆ iˬ nah keuˆ ni bye-awˇ, aˬ dui maꞈ neh aˬ yawꞈ-ahˇ jahˇ nehˬ-euˬ loꞈ-ehˇ paˇ jahˇ kʼoꞈ nehˬ laꞈ naˇ, aˬ dui mehˇ nmˇ aˬ joˆ-ehˇ jahˇ nmˇ” lehˇ, Yoˇsehˆ-euˬ aˇ doˆ deuˬ bawˬ dzaˬ-euˬ meh.

2 Saˬmeuˬlaˆ 12:13

Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

Dawqdaq 21:13

Zaˬ coeˬ zaˬ-euˬ ngoeˇ dawˬ-ahˇ nawˇ maˬ naˇ haˬ naˇ, nawˬ-euˬ shaˇ dawˬ aˬ cawˬ-ahˇ maˬ gaˬ leˇ-a.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬlaˬmiˇ 4:18

Yuˇdaˆ miˇ kʼahˬ-oˇ, nawˬ neh dehꞈ dzeuˇ mˇ dzeuˇ-euˬ jeˬ baˬ da, nawˬ-euˬ kʼoeˇ taˆ heu loꞈ-ehˇ gʼeh-eu jeˬ keuˆ le-euˬ meh. Nawˬ-euˬ iˬ baˇ baˬ da shaˬ zahˬ heu keuˆ le-awˇ, nawˬ-euˬ nui ma-ahˇ teˇ tsoˆ nehˬ-euˬ meh.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Maˬkuˆ 9:48

Shiˬ buiˇ lah ma laꞈ kʼoeˇ, aˬ yawꞈ maꞈ-ahˇ dzaˬ-eu luˆ tahˬ tiˬ jawˇ-iˬ maˬ shiˇ-ehˇ, aˬ yawꞈ maꞈ-ahˇ puiˆ-eu miˬ dzaˬ tiˬ jawˇ-iˬ maˬ miˆ-iˇ-a.

Luˇkaꞈ 16:28

Ngaˬ-euˬ mehˇ nmˇ ngaˬ gʼaˬ jawˇ-eu ma. Kʼehˬ-eu kʼaˆ-eu jeˬ-ahˇ ya daˬ dui dui-eu jawˇ duˬ heu tsahˇ-ahˇ, aˬ ha mehˇ nmˇ maˬ ya laˇ keuˆ ni yahˇ-eu gʼaˇ duˬ tiˬ poˆ bi ehˇ gaˬ-iˇ sheˇ.’

Gʼaˬkʼehˇ 19:18

Jah-eu tsawˇ haˬ deuˬ kʼawꞈ gʼawˬ mya ni laˇ-awˇ, yawˬ ha neh kʼaˇ mˇ lehˬ dzeuˇ-euˬ jeˬ maˬ zaꞈ taˬ ni aˬ cawˬ mehˬ shi ja doˆ laˇ-euˬ meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.