Aˇ dahˬ 42:19 - Akha

¹⁹ Naw maꞈ muiˬ-eu tsawˇ haˬ ma lehˇ ngeuˇ naˇ, nymˬ-mˇ naw maꞈ uˇ luꞈ-eu paꞈ kuˆ laꞈ kʼoeˇ tiˬ gʼaˬ uˇ yaꞈ-awˇ, nui deuˬ dawˬ tawˆ luꞈ mehꞈ-eu shuꞈ-eu jeˬ-ahˇ ya daˬ luꞈ-eu naw maꞈ-euˬ miˬ sawˇ zaˬ deuˬ jawˇ gaˇ, cehˇ tawˬ kʼoꞈ ha nehˬ leˇ-awˬ.

Aˇ dahˬ 42:19 ပူးပေါင်းရင်းမြစ်များ

Aˇ dahˬ 40:3

Kʼoeˇ miˇ neh, aˬ yawꞈ nyaꞈ-ahˇ kʼawꞈ, sahˬ paˬ-euˬ nymˇ-ahˇ loꞈ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ-euˬ nymˇ-ahˇ jaˆ-eu, Yoˇsehˆ-ahˇ nyehꞈ uˇ taˬ-euˬ paꞈ kuˆ kʼoeˇ kuˆ -ahˇ dawˆ-euˬ meh.

Aˇ dahˬ 41:56

Mehꞈ-eu shuꞈ-eu jeˬ tiˬ nah saˇ-iˬ tiˬ nah kʼaˆ dzehˬ laˇ-awˇ, miˇ kʼahˬ kʼahˬ lah ni byah-iˇ-euˬ meh. Kʼoeˇ ngeh, cehˇ tawˬ ahˇ taˬ-euˬ cehˇ jiˇ jiˇ ma dawˬ tawˆ luꞈ-ahˇ Yoˇsehˆ pah-awˇ, Iˇjiˇtuˆ miˇ kʼahˬ zaˬ deuˬ-ahˇ cehˇ ahˬ nehˬ-euˬ meh.

Aˇ dahˬ 42:11

Nga maꞈ dawˬ tawˆ luꞈ tiˬ mehˇ nmˇ tehꞈ ma. Nga maꞈ kʼoeˬ sho haw le-euˬ tsawˇ haˬ maˬ ngeuˇ. Tsawˇ haˬ yaw muiˬ pyeuꞈ-eu ma.”

Aˇ dahˬ 42:18

Smˬ nah byah laˇ ngeh, aˬ ha mehˇ nmˇ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Ngaˇ-aˬ, Miˬyehˇ-ahˇ guˆ-eu tsawˇ haˬ ma. Teu miˇ neh, ngaˬ neh kʼaˇ ehˇ-euˬ loꞈ-ehˇ naw maꞈ jahˇ naˇ, shiˇ gaˇ maˬ keuˆ ni bi dzeuˇ-iˇ ma.

Aˇ dahˬ 42:20

Kʼoeˇ naˇ, nawˬ ha mehˇ nmˇ-euˬ aˬ nyiˇ nyiˇ saˬ gʼaˬ-ahˇ ngaˇ jawˇ gaˇ sheuˬ leꞈ-awˬ. Naw maꞈ kʼoeˇ loꞈ-ehˇ jahˇ-awˇ, naw maꞈ neh kʼaˇ ehˇ-euˬ loꞈ-ehˇ ngeuˇ ngaˇ lehˇ ngaˇ ya siˬ duˬ naˇ, naw maꞈ-ahˇ shiˇ gaˇ maˬ keuˆ ni bi dzeuˇ-iˇ ma.” Yoˇsehˆ neh kʼaˇ ehˇ nehˬ-euˬ loꞈ-ehˇ mˇ-eu gʼaˇ duˬ, aˬ ha mehˇ nmˇ nui ma tsaˬ-euˬ meh.

Aˇ dahˬ 42:26

Aˬ ha mehˇ nmˇ-aˬ, aˬ yawꞈ maꞈ neh zeuˇ-euˬ cehˇ kʼoeˇ deuˬ mahˬ tahˬ laˆ kʼoeˇ taˆ baꞈ daˆ-awˇ gʼoꞈ leˇ-euˬ meh.

Aˇ dahˬ 42:33

Kʼoeˇ ngeh, tsawˇ haˬ kʼoeˇ gʼaˬ heu loꞈ-ehˇ paˇ ehˇ-eu meh. ‘Naw maꞈ tsawˇ haˬ yaw muiˬ nga loˇ lehˇ, ngaˇ naw maꞈ-ahˇ heu loꞈ-ehˇ lawˬ haw ma. Naw maꞈ laꞈ kʼoeˇ tiˬ gʼaˬ bi jawˇ yaꞈ-awˇ, nui deuˬ dawˬ tawˆ luꞈ mehꞈ-eu shuꞈ-eu jeˬ-ahˇ ya daˬ luꞈ-eu naw maꞈ-euˬ miˬ sawˇ zaˬ deuˬ jawˇ gaˇ cehˇ tawˬ kʼoꞈ ha leˇ nya tehꞈ-a.

Aˇ dahˬ 45:23

Aˬ yawꞈ aˬ da gʼaˇ duˬ kʼawꞈ, Iˇjiˇtuˆ miˇ kʼahˬ laꞈ kʼoeˇ jaˆ-eu muiˬ dui dui-eu myawˬ deuˬ tawˬ luꞈ-eu mahˬ tahˬ laˆ tseˇ mawˇ hawˇ-eu, cehˇ hawˇ-eu dzaˬ dzaˬ dawˇ dawˇ tawˬ luꞈ-eu mahˬ tahˬ laˆ tseˇ mawˇ bi teh gʼeh-euˬ meh.

Iˇsaˬyaˇ 42:22

Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Iˇsaˬyaˇ 42:7

Myaˆ behꞈ-ahˇ nawˇ myaˆ nuiˆ bi dahˇ laˇ-awˇ, yaw zahˇ laꞈ kʼoeˇ paꞈ kuˆ-ahˇ uˇ-eu tsawˇ haˬ deuˬ-ahˇ, nawˇ puiˇ pyehˬ nehˬ tehꞈ-a.

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.