Aˇ dahˬ 42:13 - Akha

¹³ Aˬ ha mehˇ nmˇ ehˇ-eu, “Ngaˬ ha mehˇ nmˇ tseˇ nyiꞈ gʼaˬ jawˇ-awˇ, dawˬ tawˆ luꞈ Kaˬnaˬ miˇ kʼahˬ-ahˇ jawˇ-eu tsawˇ haˬ tiˬ gʼaˬ-euˬ zaˬ tehꞈ ma. Ngaˬ ha mehˇ nmˇ-euˬ aˬ nyiˇ tiˬ gʼaˬ shiˇ dzeuˇ-awˇ, aˬ nyiˇ nyiˇ saˬ gʼaˬ aˬ da nehˬ-ehˇ jawˇ yaꞈ-euˬ meh.”

Aˇ dahˬ 42:13 ပူးပေါင်းရင်းမြစ်များ

Aˇ dahˬ 37:30

Aˬ yawꞈ-euˬ aˬ nyiˇ deuˬ jawˇ gaˇ aˬ yawꞈ iˇ-awˇ, “Aˬ dui-euˬ aˬ nyiˇ kʼoeˇ gaˇ maˬ paˇ jawˇ ngaˇ. Ngaˬ-ahˇ noeˬ maˬ paˇ doˆ miˇ-a” lehˇ ehˇ nehˬ-euˬ meh.

Aˇ dahˬ 42:11

Nga maꞈ dawˬ tawˆ luꞈ tiˬ mehˇ nmˇ tehꞈ ma. Nga maꞈ kʼoeˬ sho haw le-euˬ tsawˇ haˬ maˬ ngeuˇ. Tsawˇ haˬ yaw muiˬ pyeuꞈ-eu ma.”

Aˇ dahˬ 42:12

Yoˇsehˆ ehˇ-eu, “Maˬ ngeuˇ luꞈ-a. Nga maꞈ miˇ kʼahˬ gʼaˬ baˬ duˬ-ahˇ pyehˆ tseˇ haw-eu lehˇ oe-euˬ ngaˇ.”

Aˇ dahˬ 42:14

Ehˇ kʼawꞈ, Yoˇsehˆ paˇ ehˇ-eu, “Ngaˬ neh kʼaˇ ehˇ-euˬ loꞈ-ehˇ ngaˇ. Naw maꞈ-aˬ, kʼoeˬ sho haw le-euˬ tsawˇ haˬ deuˬ tehꞈ ngaˇ.

Aˇ dahˬ 42:32

Ngaˬ ha mehˇ nmˇ tseˇ nyiꞈ gʼaˬ jawˇ-awˇ, dawˬ tawˆ luꞈ aˬ da tiˬ da-euˬ zaˬ tehꞈ ma. Ngaˬ ha mehˇ nmˇ-euˬ aˬ nyiˇ tiˬ gʼaˬ shiˇ dzeuˇ-awˇ, aˬ nyiˇ nyiˇ saˬ gʼaˬ-aˬ, aˬ da nehˬ-ehˇ Kaˬnaˬ miˇ kʼahˬ-ahˇ jawˇ yaꞈ-euˬ meh’ lehˇ ehˇ nehˬ-euˬ ma.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 43:29

Aˬ yawꞈ-euˬ aˬ nyiˇ Beˬyaˬmiˬ-ahˇ Yoˇsehˆ ya mawˇ ngeh, “Naw maꞈ ehˇ-eu aˬ nyiˇ nyiˇ saˬ kʼoeˇ gʼaˬ heu gʼaˬ meh loˇ” lehˇ, aˬ ha mehˇ nmˇ-ahˇ naˇ haˬ-awˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ li-oˇ” lehˇ, Beˬyaˬmiˬ-ahˇ aˬ yawꞈ ehˇ nehˬ-euˬ meh.

Aˇ dahˬ 43:7

Aˬ ha mehˇ nmˇ ehˇ-eu, “Ngaˬ ha mehˇ nmˇ-euˬ gaˇ kawˆ hawˇ-eu, ngaˬ ha mehˇ nmˇ-euˬ aˬ yuiꞈ aˬ nyiˇ aˇ jeuˬ aˇ ca deuˬ gaˇ kawˆ-ahˇ, tsawˇ haˬ kʼoeˇ gʼaˬ pyehˆ tseˇ naˇ haˬ-eu meh. Nawˬ ha mehˇ nmˇ-euˬ aˬ da dehꞈ te siˬ loˇ. Nawˬ ha mehˇ nmˇ-euˬ aˬ nyiˇ jawˇ te siˬ loˇ lehˇ, tiˬ jeˬ saˇ-iˬ tiˬ jeˬ aˬ yawꞈ naˇ haˬ-eu meh. Kʼoeˇ miˇ neh, ngaˬ ha mehˇ nmˇ kʼaˇ ehˇ nya-eu loꞈ-ehˇ ehˇ kʼoꞈ nehˬ-euˬ ma. Naw maꞈ-euˬ aˬ nyiˇ-ahˇ ngaˇ jawˇ gaˇ ya sheuˬ laꞈ meh lehˇ aˬ yawꞈ ehˇ laˇ tehꞈ-a lehˇ, ngaˬ ha mehˇ nmˇ tiˬ duˇ-iˬ maˬ duˇ-aˬ.”

Aˇ dahˬ 44:20

Nawˇ kʼoeˇ loꞈ-ehˇ naˇ haˬ ngeh, ‘Ngaˬ ha mehˇ nmˇ-euˬ aˬ da jawˇ ma. Aˬ yawꞈ mawˬ laˇ ngeh hawˇ-eu dehꞈ le-euˬ ngaˬ ha mehˇ nmˇ-euˬ aˬ nyiˇ jiˇ tiˬ gʼaˬ jawˇ ma. Aˬ li kʼoeˇ gʼaˬ-euˬ aˇ doˆ gʼaˬ shiˇ dzeuˇ-awˇ, aˬ yawꞈ nehˬ-ehˇ tiˬ uˇ pyehˆ zaˬ aˬ yawꞈ tiˬ gʼaˬ dehꞈ-eu tehꞈ meh. Kʼoeˇ miˇ neh aˬ da aˬ yawꞈ-ahˇ gaˬ dui dui-eu meh’ lehˇ, ngaˬ ha mehˇ nmˇ nawˬ-ahˇ ehˇ kʼoꞈ nehˬ-euˬ ma.

Aˇ dahˬ 44:28

Kʼoeˇ nyiˬ gʼaˬ tehꞈ-ehˇ paˇ gʼeh gaˇ, tiˬ gʼaˬ paˇ shiˇ cawˆ-euˬ maˬ ngeuˇ-a loˇ. Aˬ yawꞈ-ahˇ bawˇ tsahˬ jeˬ zaˬ deuˬ neh laˆ sehꞈ-awˇ, cehˬ pyaˬ cehˬ shaˇ jiˇ nehˬ-euˬ miˇ neh, aˬ yawꞈ doˆ-iˇ ngeh tiˬ nah neh aˬ yawꞈ-ahˇ tiˬ jawˇ-iˬ maˬ paˇ ya mawˇ-euˬ maˬ ngeuˇ-a loˇ.

Aˇ dahˬ 45:26

Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Ngoeˇ dawˬ 5:7

Aˬ poeˬ ziˇ-ahˇ mˇ-euˬ iˬ baˇ, nga maꞈ kʼoeˇ taˆ keuˆ le-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:18

“Tsawˇ ngoeˇ ngoeˇ dui dui-eu teˇ saˇ, Laˬmahˇ meuˬ-ahˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Zaˬ bi shiˇ byoˆ jiˇ-euˬ miˇ neh, maˬ muˇ taˬ nya ni ngoeˇ luꞈ meh.”