Aˇ dahˬ 41:55 - Akha

⁵⁵ Iˇjiˇtuˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ kʼoeˇ taˆ mehꞈ-eu shuꞈ-eu jeˬ keuˆ le ngeh, sahˬ paˬ jawˇ gaˇ le-awˇ, dzaˬ dzaˬ dawˇ dawˇ shaˇ leˇ-euˬ meh. Kʼoeˇ ngeh, Yoˇsehˆ jawˇ gaˇ iˇ-awˇ, Yoˇsehˆ neh kʼaˇ ehˇ nehˬ laꞈ-euˬ loꞈ-ehˇ jahˇ-iˇ-awˬ lehˇ, aˬ yawꞈ maꞈ-ahˇ sahˬ paˬ ehˇ nehˬ-euˬ meh.

Aˇ dahˬ 41:55 ပူးပေါင်းရင်းမြစ်များ

Aˇ dahˬ 41:56

Mehꞈ-eu shuꞈ-eu jeˬ tiˬ nah saˇ-iˬ tiˬ nah kʼaˆ dzehˬ laˇ-awˇ, miˇ kʼahˬ kʼahˬ lah ni byah-iˇ-euˬ meh. Kʼoeˇ ngeh, cehˇ tawˬ ahˇ taˬ-euˬ cehˇ jiˇ jiˇ ma dawˬ tawˆ luꞈ-ahˇ Yoˇsehˆ pah-awˇ, Iˇjiˇtuˆ miˇ kʼahˬ zaˬ deuˬ-ahˇ cehˇ ahˬ nehˬ-euˬ meh.

Aˇ dahˬ 42:6

Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

Gawˇlawˇsehˇ 1:19

Aˬ yawꞈ-euˬ laꞈ kʼoeˇ Miˬyehˇ-euˬ seuˆ dzeuꞈ aˇ gʼehˇ tiˬ byah ni bi ahˇ-eu gʼaˇ duˬ, Miˬyehˇ neh noeˬ tsehˆ taˬ-euˬ meh.