Aˇ dahˬ 41:54 - Akha

⁵⁴ Kʼoeˇ ngeh, Yoˇsehˆ neh ehˇ taˬ-euˬ loꞈ-ehˇ, mehꞈ-eu shuꞈ-eu aˇ yamˬ shiꞈ kʼoꞈ paˇ keuˆ le-euˬ meh. Miˇ kʼahˬ yawˬ kʼahˬ na luꞈ laꞈ kʼoeˇ, mehꞈ-eu shuꞈ-eu jeˬ keuˆ le-euˬ meh. Ehˇ kʼawꞈ, Iˇjiˇtuˆ miˇ kʼahˬ laꞈ kʼoeˇ dzaˬ dzaˬ dawˇ dawˇ tiˬ byah tiˬ loꞈ jaˆ luꞈ-eu meh.

Aˇ dahˬ 41:54 ပူးပေါင်းရင်းမြစ်များ

Aˇ dahˬ 41:27

Jeˬ nah doˆ laˇ-euˬ mawˇ neˇ mawˇ ma yaw jeh kʼoeˇ shiꞈ ma hawˇ-eu, kʼaˇ shuiꞈ deh paw neh baw gʼeh leꞈ-euˬ jaˬ lehˇ zaw leˇ-euˬ miˇ neh cehˇ kʼawꞈ kʼawꞈ-iˇ-euˬ cehˇ nmˇ kʼoeˇ shiꞈ nmˇ-euˬ dawˬ tsuiꞈ-aˬ, shiꞈ kʼoꞈ keuˆ ni mehꞈ-eu shuꞈ-eu jeˬ keuˆ le gaˇ ehˇ mawꞈ-eu meh.

Aˇ dahˬ 41:30

Kʼoeˇ ngeh, baw le za le-eu aˇ kʼoꞈ kʼoeˇ deuˬ-ahˇ tsawˇ haˬ dawˬ tawˆ luꞈ ya ngehˇ jiˇ tehꞈ-a. Aˬ jeˬ miˇ neh ehˇ naˇ, mehꞈ-eu shuꞈ-eu kʼoeˇ aˇ dzehˬ dzeuˇ-eu miˇ neh, miˇ kʼahˬ kʼahˬ lah ni ya cawˆ-iˇ gaˇ keuˆ tehꞈ-a.

Aˇ dahˬ 41:53

Iˇjiˇtuˆ miˇ kʼahˬ laꞈ kʼoeˇ baw le za le-eu aˇ yamˬ kʼoeˇ shiꞈ kʼoꞈ dzeuˇ-iˇ-euˬ meh.

Aˇ dahˬ 42:2

Iˇjiˇtuˆ miˇ kʼahˬ laꞈ kʼoeˇ cehˇ jaˆ meh lehˇ aˬ cawˬ ehˇ-eu ngaˇ ya gaˬ-euˬ ma. Aˬ dui pehˬ hawˬ mehꞈ maˬ ya dzahˬ sehꞈ-eu gʼaˇ duˬ, kʼoeˇ gaˇ iˇ-awˇ cehˇ zeuˇ dzaˬ-iˇ-awˬ” lehˇ ehˇ nehˬ-euˬ meh.

Aˇ dahˬ 43:1

Kaˬnaˬ miˇ kʼahˬ laꞈ kʼoeˇ, mehꞈ-eu shuꞈ-eu jeˬ yaw beh naˆ maˬ tseˇ paˇ kʼaˆ dzehˬ laˇ-euˬ meh.

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

Aˇ dahˬ 47:13

Mehꞈ-eu shuꞈ-eu jeˬ kʼaˆ dui dui laˇ-awˇ, dzaˬ-eu dawˇ-eu jeˬ tiˬ gaˇ-iˬ yuˇ doˆ laˬ-iˇ kʼaˇ maˬ za ni pyeuꞈ laˇ taˬ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ hawˇ-eu, Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ gʼaˬ juˬ laˇ jiˇ-euˬ meh.

2 Sahˬpaˬ 8:1

Eˇliˇshehˇ neh bi gʼoꞈ dehꞈ laˇ-euˬ aˬ li kʼoeˇ li-euˬ aˬ ma pyeuꞈ-eu Suˇneˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ-ahˇ Eˇliˇshehˇ ehˇ nehˬ-eu,, “Nawˬ-euˬ nymˇ kʼahˬ zaˬ deuˬ sheuˬ-awˇ tiˬ gaˇ paw jawˇ-iˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh-eu meh.”

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Gʼaˬkʼehˇ 7:11

Kʼoeˇ naˇ, Iˇjiˇtuˆ miˇ kʼahˬ kʼahˬ lah ni hawˇ-eu Kaˬnaˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le-awˇ, shaˬ dui dui laˇ taˬ-euˬ meh. A dui-euˬ aˬ poeˬ deuˬ kʼawꞈ, dzaˬ-eu jeˬ maˬ jaˆ-ehˇ shaˬ laˇ taˬ-euˬ meh.