Aˇ dahˬ 41:51 - Akha

⁵¹ Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 41:51 ပူးပေါင်းရင်းမြစ်များ

Aˇ dahˬ 41:30

Kʼoeˇ ngeh, baw le za le-eu aˇ kʼoꞈ kʼoeˇ deuˬ-ahˇ tsawˇ haˬ dawˬ tawˆ luꞈ ya ngehˇ jiˇ tehꞈ-a. Aˬ jeˬ miˇ neh ehˇ naˇ, mehꞈ-eu shuꞈ-eu kʼoeˇ aˇ dzehˬ dzeuˇ-eu miˇ neh, miˇ kʼahˬ kʼahˬ lah ni ya cawˆ-iˇ gaˇ keuˆ tehꞈ-a.

Aˇ dahˬ 41:50

Mehꞈ-eu shuꞈ-eu aˇ yamˬ maˬ keuˆ laˇ mi naˆ-ehˇ, Yoˇsehˆ gʼaˇ duˬ Aˬseˇnaˆ aˬ li nyiˬ li ciˬ-euˬ meh.

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 48:1

Aˇ nah aˇ yamˬ ui cuiˆ myahˇ laˇ ngeh, aˬ yawꞈ aˬ da jawˇ saˇ maˬ doˆ-eu gaˇ kawˆ Yoˇsehˆ ya gaˬ-euˬ meh. Kʼoeˇ miˇ neh, aˬ yawꞈ-euˬ aˬ li Maˬnaˇseˬ hawˇ-eu Eˇpaˬleˬ aˬ nyaꞈ nmˇ-ahˇ sheuˬ-awˇ, aˬ yawꞈ-euˬ aˬ da Yaˬkoˆ-ahˇ haw le-euˬ meh.

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Yawˇbaˆ 11:16

Iˇ jeuˬ oe-euˬ myahˇ laˇ ngeh ngehˇ-eu loꞈ-ehˇ, nawˬ-euˬ shaˬ zahˬ nawˇ ngehˇ byoˆ jiˇ tehꞈ-a.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.

Dawqdaq 31:7

Aˬ yawꞈ maꞈ dawˇ-awˇ, shaˬ zahˬ hawˇ-eu nui ma cawˆ-eu jeˬ ngehˇ byoˆ jiˇ luꞈ-uˇ.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Bawˇtsahˬ 26:28

Maˬnaˇseˬ hawˇ-eu Eˇpaˬleˬ aˬ nyaꞈ nmˇ-euˬ aˬ da pyeuꞈ-eu Yoˇsehˆ-euˬ zaˬ deuˬ uˆ deuˬ pyeuꞈ-eu Yoˇsehˆ tsawˇ jeuˬ deuˬ-aˬ, heu deuˬ meh.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”

Yawˇshuˆ 14:4

Yoˇsehˆ-euˬ zaˬ deuˬ uˆ deuˬ laꞈ kʼoeˇ, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ heu nyiˬ jeuˬ jawˇ-eu miˇ neh, Leˬbiˇ tsawˇ jeuˬ-ahˇ miˇ kʼahˬ maˬ biˇ nehˬ-ehˇ, aˬ yawꞈ maꞈ jawˇ-eu gʼaˇ duˬ meuˬ deuˬ, jeˬ zaˬ gaˆ kʼahˬ deuˬ hawˇ-eu, myawˬ taˬ duˬ tehꞈ-ehˇ biꞈ taˬ-euˬ meh.

Yawˇshuˆ 17:1

Yoˇsehˆ-euˬ aˬ li aˬ yuiꞈ gʼaˬ pyeuꞈ-eu Maˬnaˇseˬ-euˬ zaˬ deuˬ uˆ deuˬ-ahˇ, Yawˇdaˬ lawˇ baˬ nahˇ ma ga kʼehˬ paw miˇ kʼahˬ biˇ nehˬ-euˬ meh. Giˇlaˆ-euˬ aˬ da Maˬkiˬlaˇ-aˬ, Maˬnaˇseˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-awˇ, guiˇ deuˆ-eu kʼaˆ dui dui-eu tsawˇ haˬ pyeuꞈ-eu miˇ neh, Yawˇdaˬ lawˇ baˬ nahˇ ma doˆ kʼehˬ paw jaˆ-eu Giˇlaˆ hawˇ-euˬ Baˬshaˬ meuˬ aˬ yawꞈ-ahˇ biˇ oꞈ nehˬ-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.