Aˇ dahˬ 41:43 - Akha43 Sahˬ paˬ-euˬ mahˬ laˆ lawˬ nyiˬ laˇ tiˬ laˇ kʼawꞈ, Yoˇsehˆ-ahˇ biꞈ-awˇ bi dziˬ-euˬ meh. Yoˇsehˆ-ahˇ loꞈ piˇ-eu guiˇ maꞈ deuˬ mahˬ laˆ lawˬ kʼoeˇ laˇ-euˬ mehˬ hu paw cah-awˇ, “Gaˇ pawˇ pawˇ-awˬ. Gaˇ pawˇ pawˇ-awˬ” lehˇ guˇ guˇ-ehˇ cah-euˬ meh. Yoˇsehˆ-aˬ, kʼoeˇ loꞈ-ehˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ pyeuꞈ laˇ-euˬ meh. အခန်းကိုကြည့်ပါ။ |
Aˇ dahˬ 41:43
16 ပူးပေါင်းရင်းမြစ်များ
Kʼoeˇ ngeh, tsawˇ haˬ kʼoeˇ gʼaˬ heu loꞈ-ehˇ paˇ ehˇ-eu meh. ‘Naw maꞈ tsawˇ haˬ yaw muiˬ nga loˇ lehˇ, ngaˇ naw maꞈ-ahˇ heu loꞈ-ehˇ lawˬ haw ma. Naw maꞈ laꞈ kʼoeˇ tiˬ gʼaˬ bi jawˇ yaꞈ-awˇ, nui deuˬ dawˬ tawˆ luꞈ mehꞈ-eu shuꞈ-eu jeˬ-ahˇ ya daˬ luꞈ-eu naw maꞈ-euˬ miˬ sawˇ zaˬ deuˬ jawˇ gaˇ cehˇ tawˬ kʼoꞈ ha leˇ nya tehꞈ-a.
Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.
Teu baˬ da neh, ngaˬ-ahˇ heu gaˇ bi oe-euˬ gʼaˬ-aˬ, naw maꞈ maˬ ngeuˇ-a. Miˬyehˇ meh. Sahˬ paˬ-euˬ gaˇ mˇ-eu yaw huiˬ yaw mahˇ deuˬ kʼoeˇ taˆ, Miˬyehˇ neh ngaˬ-ahˇ aˬ cawˬ naˆ maˬ tseˇ huiˬ dzehˬ-eu gʼaˬ bi geuꞈ laꞈ-euˬ meh. Ngaˇ-aˬ, miˇ kʼahˬ heu kʼahˬ kʼahˬ lah ni-ahˇ ya haw ya pyaˆ-awˇ, Iˇjiˇtuˆ miˇ kʼahˬ-ahˇ ya uˆ lahˇ-eu gʼaˬ pyeuꞈ-eu ma.
Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.
Sahˬ paˬ-euˬ gaˇ kʼaˇ mˇ-eu yaw huiˬ yaw mahˇ dawˬ tawˆ luꞈ, Haˬmaˬ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu laꞈ kʼoeˇ, Haˬmaˬ-ahˇ yaw zeu ya baw nehˬ meh lehˇ sahˬ paˬ dawˬ biꞈ-euˬ meh. Mawˬdaˬkehˇ tiˬ gʼaˬ maˬ ngeuˇ naˇ, dawˬ tawˆ luꞈ kʼoeˇ loꞈ-ehˇ jahˇ-awˇ yaw zeu baw nehˬ-euˬ meh.
shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.
ကြော်ငြာတွေ