Aˇ dahˬ 41:40 - Akha

⁴⁰ Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.

Aˇ dahˬ 41:40 ပူးပေါင်းရင်းမြစ်များ

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Aˇ dahˬ 44:18

Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.

Aˇ dahˬ 45:26

Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Iˇsaˬtaˆ 10:3

Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Iˇsaˬtaˆ 3:1

Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Yawˇbaˆ 31:27

Kʼoeˇ deuˬ-ahˇ taˬ huiˬ-awˇ yaw zeu baw-eu laꞈ kʼoeˇ, yawˬ ha-euˬ aˬ laꞈ-ahˇ mehˬ cuˇ cuˇ-eu jeˬ mˇ-awˇ, gaˇ ma maˬ cah bahˬ haw-aˬ.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Daˬyeˬlaˇ 5:29

Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.

Daˬyeˬlaˇ 6:3

Kʼoeˇ smˇ gʼaˬ laꞈ kʼoeˇ, Daˬyeˬlaˇ gʼaˬ aˬ cawˬ naˆ maˬ tseˇ gaˇ mˇ nya dzehˬ-eu meh. Aˬ yawꞈ bym dui nya dui dui-eu miˇ neh, miˇ kʼahˬ kʼahˬ lah ni kʼoeˇ taˆ bi haw bi pyaˆ-eu gʼaˇ duˬ sahˬ paˬ shaˇ noeˬ-euˬ meh.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.