Aˇ dahˬ 41:37 - Akha

³⁷ Yoˇsehˆ neh ehˇ nehˬ-euˬ loꞈ-ehˇ mˇ-eu gʼaˇ duˬ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma tsaˬ-euˬ meh.

Aˇ dahˬ 41:37 ပူးပေါင်းရင်းမြစ်များ

Aˇ dahˬ 41:36

Jeˬ hmˬ taˬ-euˬ cehˇ kʼoeˇ deuˬ-aˬ, aˬ kaˇ keuˆ le-eu mehꞈ dui shuꞈ dui dui-eu aˇ kʼoꞈ kʼoeˇ shiꞈ kʼoꞈ gʼaˇ duˬ lehˬ hmˬ taˬ-euˬ jeˬ pyeuꞈ tehꞈ-a. Kʼoeˇ loꞈ-ehˇ jahˇ naˇ, mehꞈ-eu shuꞈ-eu baˬ da neh, miˇ kʼahˬ cawˆ gaˇ maˬ keuˆ-aˇ.”

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 45:16

Yoˇsehˆ-euˬ mehˇ nmˇ deuˬ oe-euˬ gaˇ kawˆ sahˬpaˬ-ahˇ gaˬ keuˆ leˇ ngeh, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ laˬ kʼaˬ cehˇ-eu meh.

2 Saˬmeuˬlaˆ 3:36

Aˬ yawꞈ maꞈ kʼoeˇ gaˇ haw siˬ-awˇ, nui saˇ za-euˬ meh. Aˬ diˇ aˬ maˇ sahˬ paˬ neh kʼaˇ mˇ-euˬ jeˬ-ahˇ, miˇ kʼahˬ zaˬ deuˬ nui kʼahˇ shiˇ-euˬ meh.

1 Sahˬpaˬ 21:2

Tiˬ nah keuˆ laˇ ngeh, Naˬboˆ-ahˇ Aˬhaˆ heu loꞈ-ehˇ ehˇ nehˬ-euˬ meh. “Nawˬ-euˬ aˬ gaꞈ yaˇ kmˇ ngaˬ-ahˇ biꞈ laꞈ-awˬ. Ngaˬ-euˬ nymˇ dawˬ peh jaˆ-eu miˇ neh, sahˬ lahˬ gʼawˬ daˇ ka dzaˬ-eu gʼaˇ duˬ geuꞈ mawꞈ nya. Yaˇ kmˇ heu kmˇ aˇ poeˬ, heu naˆ maˬ tseˇ muiˬ-eu aˬ gaꞈ yaˇ kmˇ tiˬ kmˇ ngaˇ nawˬ-ahˇ biꞈ ma. Aˇ poeˬ geuꞈ mawꞈ nya lehˇ ngeuˇ naˇ kʼawꞈ, oꞈ-eu geuˇ-eu loꞈ-ehˇ biꞈ ma.”

Jaceuq 105:19

Aˬ kaˇ pyeuꞈ laˇ-eu gaˇ kawˆ aˬ yawꞈ neh kʼaˇ ehˇ-euˬ loꞈ-ehˇ, maˇ jawˆ ni maˬ pyeuꞈ laˇ kʼoeˇ keuˆ ni, kʼoeˇ loꞈ-ehˇ bi daˬ-euˬ meh. Sahˬpaˬ Miˬyehˇ-euˬ dawˬ saˇ kiˇ kamˬ-eu laꞈ kʼoeˇ, aˬ yawꞈ tsaˬ-eu gaˇ kawˆ bi duˬ laˇ-euˬ meh.

Dawqdaq 10:20

Tsawˇ muiˬ-euˬ dawˬ pyuˇ naˆ maˬ tseˇ poeˬ-awˇ, tsawˇ doeˇ-euˬ nui ma aˇ poeˬ maˬ baw-a.

Dawqdaq 25:11

Gaˇ kawˆ shawˇ jehˆ ni ja duˬ ja mawˇ nehˬ nya-eu jeˬ-aˬ, pyuˇ kʼoeˇ taˆ shuiˇ neh aˇ boꞈ aˇ yehˆ yehˆ daˆ taˬ-euˬ gaˇ duˇ tehꞈ-a.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Yawˇshuˆ 22:30

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ kʼoeˇ deuˬ ehˇ-eu dawˬ-ahˇ, piˇ ma Piˇnaˬhaˇ hawˇ-eu aˬ yawꞈ nehˬ-ehˇ oe-euˬ nahˇ ma ga kʼehˬ paw jawˇ-eu Iˇsaˬleˬlaˆ tsawˇ jeuˬ deuˬ kʼoeˇ taˆ aˬ yuiꞈ geuꞈ luꞈ-eu, Iˇsaˬleˬlaˆ tsawˇ haˬ aˇ maꞈ aˇ muˇ-euˬ aˬ yuiꞈ aˬ tsu kʼoeˇ tseˇ gʼaˬ ya gaˬ ngeh, nui kʼahˇ shiˇ-euˬ meh.