Aˇ dahˬ 41:33 - Akha

³³ “Teu miˇ neh, zaˬ siˬ tsawˇ gahˇ ahˇ-awˇ nui noeˬ kʼoˆ tsehˆ-eu tsawˇ haˬ deuˬ-ahˇ, nymˬ-mˇ nawˇ tseˇ doˆ-awˇ, nawˬ-euˬ miˇ kʼahˬ kʼoeˇ taˆ bi haw bi pyaˆ-eu tsaˬ meh.

Aˇ dahˬ 41:33 ပူးပေါင်းရင်းမြစ်များ

Aˇ dahˬ 41:34

Kʼoeˇ uˬ taꞈ, nawˬ-euˬ gaˇ bi mˇ-eu yaw huiˬ yaw mahˇ deuˬ kʼawꞈ tseˇ doˆ-awˇ, maˬ dzaˬ maˬ dawˇ jiˇ coeˇ ngeh keuˆ ni baw le za le-eu aˇ kʼoꞈ kʼoeˇ shiꞈ kʼoꞈ laꞈ kʼoeˇ, kʼaˇ mˇ za-euˬ dzaˬ la gʼo cehˇ deuˬ ngaˬ bymˇ tiˬ bymˇ bi taꞈ uiˬ taˬ-awˬ.

Aˇ dahˬ 41:39

Kʼoeˇ ngeh, sahˬ paˬ kʼoeˇ gʼaˬ Yoˇsehˆ-ahˇ ehˇ nehˬ-eu, “Gaˇ kawˆ heu deuˬ dawˬ tawˆ luꞈ, Miˬyehˇ neh nawˬ-ahˇ pah mehˬ nehˬ-euˬ meh. Kʼoeˇ miˇ neh, nawˇ-aˬ, yawˬ gʼaˬ na luꞈ naˆ maˬ tseˇ tsawˇ gahˇ ahˇ-awˇ, noeˬ siˬ noeˬ mawˇ nya dzehˬ-eu yaw duˬ baw meh lehˇ nga maꞈ siˬ nya ma.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Dawˬmehˬ 1:13

Tsawˇ jeuˬ aˬ yawꞈ jeuˬ yawꞈ laꞈ kʼoeˇ zaˬ siˬ tsawˇ gahˇ ahˇ-awˇ noeˬ siˬ noeˬ mawˇ nya-eu uˬ taꞈ, mˇ haw shaˇ haw-euˬ tsawˇ haˬ heu myaˆ gʼaˬ tseˇ doˆ-awˬ. Naw maꞈ kʼoeˇ taˆ aˬ yawꞈ maꞈ-ahˇ aˬ yuiꞈ bi geuꞈ ma lehˇ ngaˇ ehˇ-euˬ ma.