Aˇ dahˬ 41:26 - Akha

²⁶ Muiˬ dui tsuˇ dui dui-eu mawˇ neˇ mawˇ ma shiꞈ ma hawˇ-eu, maˇ dui dui-eu cehˇ cehˇ nmˇ shiꞈ nmˇ-euˬ dawˬ tsuiꞈ tiˬ gaˇ duˇ-awˇ, aˇ kʼoꞈ shiꞈ kʼoꞈ-ahˇ ehˇ mawꞈ-eu meh.

Aˇ dahˬ 41:26 ပူးပေါင်းရင်းမြစ်များ

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Aˇ dahˬ 40:12

Yoˇsehˆ ehˇ-eu, “Nawˬ neh yuꞈ maˆ maˆ mawˇ-euˬ dawˬ tsuiꞈ heu loꞈ-ehˇ meh. Uˬ pyaˬ smˇ pyaˬ kʼoeˇ-aˬ, aˇ nah smˬ nah-ahˇ ehˇ mawꞈ-eu meh.

Aˇ dahˬ 40:18

Yoˇsehˆ ehˇ-eu, “Nawˬ neh yuꞈ maˆ maˆ mawˇ-euˬ dawˬ tsuiꞈ heu loꞈ-ehˇ meh. Kʼaˆ puˬ kʼoeˇ smˇ puˬ-aˬ, aˇ nah smˬ nah-ahˇ ehˇ mawꞈ-eu meh.

Aˇ dahˬ 41:2

Niˬlaˇ lawˇ baˬ dawˬ peh aˬ yawꞈ yawꞈ luꞈ ngeh, muiˬ dui tsuˇ dui dui-eu mawˇ neˇ mawˇ ma shiꞈ ma lawˇ baˬ laꞈ kʼoeˇ neh doˆ laˇ-awˇ, yaˇ moꞈ tseuˆ dzaˬ luꞈ-eu meh.

Aˇ dahˬ 41:25

Sahˬ paˬ kʼoeˇ gʼaˬ-ahˇ Yoˇsehˆ ehˇ nehˬ-eu, “Yuꞈ maˆ nyiˬ hmˬ luꞈ dawˬ tsuiꞈ tiˬ kawˆ meh. Miˬyehˇ mˇ-eu lehˇ lehˬ hmˬ taˬ-euˬ jeˬ, nawˬ-ahˇ pah mehˬ nehˬ laꞈ-euˬ meh.

Aˇ dahˬ 41:27

Jeˬ nah doˆ laˇ-euˬ mawˇ neˇ mawˇ ma yaw jeh kʼoeˇ shiꞈ ma hawˇ-eu, kʼaˇ shuiꞈ deh paw neh baw gʼeh leꞈ-euˬ jaˬ lehˇ zaw leˇ-euˬ miˇ neh cehˇ kʼawꞈ kʼawꞈ-iˇ-euˬ cehˇ nmˇ kʼoeˇ shiꞈ nmˇ-euˬ dawˬ tsuiꞈ-aˬ, shiꞈ kʼoꞈ keuˆ ni mehꞈ-eu shuꞈ-eu jeˬ keuˆ le gaˇ ehˇ mawꞈ-eu meh.

Aˇ dahˬ 41:29

Iˇjiˇtuˆ miˇ kʼahˬ laꞈ kʼoeˇ, maˬ dzaˬ maˬ dawˇ jiˇ coeˇ ngeh keuˆ ni baw le za le-eu aˇ kʼoꞈ shiꞈ kʼoꞈ jaˆ tehꞈ-a. Kʼoeˇ jiˇ naˇ, mehꞈ dui shuꞈ dui dui-eu aˇ kʼoꞈ shiꞈ kʼoꞈ paˇ keuˆ le tehꞈ-a.

Aˇ dahˬ 41:47

Baw le za le-eu shiꞈ kʼoꞈ aˇ yamˬ laꞈ kʼoeˇ, dzaˬ la gʼo cehˇ gʼawˬ mya ni mˇ za-euˬ meh.

Aˇ dahˬ 41:5

Aˬ yawꞈ tiˬ poˆ paˇ yuꞈ kʼaˆ-awˇ, heu loꞈ-ehˇ yuꞈ maˆ paˇ maˆ mawˇ-euˬ meh. Cehˇ cehˇ kahˬ tiˬ kahˬ-ahˇ tehꞈ-ehˇ, myah laˇ-awˇ maˇ dui dui-eu cehˇ nmˇ shiꞈ nmˇ tsoꞈ-eu meh.

Aˇ dahˬ 41:53

Iˇjiˇtuˆ miˇ kʼahˬ laꞈ kʼoeˇ baw le za le-eu aˇ yamˬ kʼoeˇ shiꞈ kʼoꞈ dzeuˇ-iˇ-euˬ meh.

Doˆ-iˇ 12:11

Naw maꞈ gaˇ ma doˆ-iˇ-eu gʼaˇ duˬ lehˬ hmˬ taˬ-euˬ tsawˇ haˬ loꞈ-ehˇ, joꞈ paꞈ paꞈ, sehˬ nawˆ nawˆ-awˇ, gawˬ yoeˬ tuˆ tehˬ taˬ-eu laꞈ kʼoeˇ, dzaˇ kʼoeˇ ya dzaˬ meh. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ taˬ huiˬ taˬ mahˇ-eu laꞈ kʼoeˇ jahˇ-eu Baˬsaˬkaˬ Bawˬ-iˬ pyeuꞈ-eu meh.

Doˆ-iˇ 26:6

Saˬ paˇ paˇ dzeh guꞈ tsaꞈ taˬ-euˬ saˬ paˇ kʼoeˇ nyiˬ kahˇ tiˬ gaˇ gʼeu tawꞈ-eu gʼaˇ duˬ, shuiˇ kuˆ seuˬ ngaˬ tseˇ zeuˬ jahˇ-awˬ.

Daˬyeˬlaˇ 2:45

Tsawˇ haˬ neh maˬ laˆ ciˆ-euˬ gaˇ, lo guˇ-ahˇ neh kʼaˬ lo tiˬ siˬ aˬ joˆ-ehˇ poˆ ka leꞈ-awˇ, shmˇ, guiˬ shuiˇ, miˇ tsaˬ, pyuˇ, shuiˇ heu deuˬ neh jahˇ taˬ-euˬ tsawˇ haˬ mawˇ kawˇ-ahˇ aˬ joˆ-ehˇ poˆ deh-euˬ nawˇ mawˇ-euˬ meh. Huiˬ-eu Miˬyehˇ-aˬ, mehˬ hu paw pyeuꞈ laˇ-eu gaˇ kawˆ nawˬ-ahˇ ehˇ mehˬ nehˬ-euˬ meh. Nawˬ neh yuꞈ maˆ kʼaˇ maˆ mawˇ-euˬ loꞈ-ehˇ nawˬ-ahˇ ngaˇ dzawˇ duˬ nehˬ gʼaˬ-awˇ, tsaˬ dui dui-eu dawˬ tsuiꞈ yuˇ doˆ nehˬ gʼaˬ-euˬ ma.”

1 Gawˇliˬtu 10:4

Mˬ taˆ-euˬ iˇ cuꞈ kʼawꞈ tiˬ kawˆ loꞈ-ehˇ dawˇ-euˬ meh. Aˬ yawꞈ maꞈ nehˬ-ehˇ tiˬ kawˆ loꞈ-ehˇ iˇ luꞈ-eu mˬ taˆ-euˬ Kʼaˬ lo-ahˇ neh yoeˇ le-euˬ iˇ cuꞈ aˬ yawꞈ maꞈ dawˇ-euˬ meh. Kʼaˬ lo kʼoeˇ-aˬ, Ka li meh.

1 Yoˇhaˬ 5:7

Gaˇ kawˆ heu-ahˇ saˇ kiˇ kamˬ-eu smˇ jeˬ jaˆ-eu meh.