Aˇ dahˬ 41:23 - Akha

²³ Kʼoeˇ naˇ, kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh maˬ maˇ leˇ nya-eu cehˇ cehˇ kʼawꞈ shiꞈ nmˇ-ahˇ ngaˇ paˇ ya mawˇ-euˬ ma.

Aˇ dahˬ 41:23 ပူးပေါင်းရင်းမြစ်များ

Aˇ dahˬ 41:22

Ngaˇ tiˬ poˆ paˇ yuꞈ kʼaˆ-awˇ, yuꞈ maˆ paˇ maˆ-eu laꞈ kʼoeˇ, cehˇ cehˇ kahˬ tiˬ kahˬ-ahˇ tehꞈ-ehˇ, myah laˇ-awˇ maˇ dui dui-eu cehˇ nmˇ shiꞈ nmˇ tsoꞈ luꞈ gaˇ ya mawˇ-euˬ ma.

Aˇ dahˬ 41:24

Kʼoeˇ ngeh, cehˇ cehˇ kʼawꞈ kʼoeˇ shiꞈ nmˇ neh, cehˇ cehˇ maˇ kʼoeˇ shiꞈ nmˇ-ahˇ myoꞈ ahˇ jiˇ-euˬ meh. Ngaˬ neh yuꞈ maˆ maˆ mawˇ-euˬ kʼoeˇ, nyiˇ paˬ shaˆ ma deuˬ-ahˇ dzawˇ nehˬ kʼawꞈ, aˬ yawꞈ maꞈ tiˬ gʼaˬ-iˬ ngaˬ-ahˇ dawˬ tsuiꞈ maˬ yuˇ doˆ nehˬ laꞈ nya-a.”

Aˇ dahˬ 41:6

Kʼoeˇ naˇ, nahˇ ma doˆ kʼehˬ paw jaˆ-eu kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh, maˬ maˇ leˇ nya-eu cehˇ cehˇ kʼawꞈ shiꞈ nmˇ paˇ doˆ laˇ-euˬ meh.

2 Sahˬpaˬ 19:26

Meuˬ kʼoeˇ deuˬ-ahˇ jawˇ-eu tsawˇ haˬ deuˬ gʼaˬ maˬ ahˇ-a. Aˬ yawꞈ maꞈ guˆ dui dui-awˇ zahˬ leˇ taˬ-euˬ meh. Aˬ yawꞈ maꞈ-aˬ, nahˇ ma doˆ kʼehˬ paw neh baw gʼeh laꞈ-euˬ lahˇ dui dui-eu jaˬ lehˇ zaw leˇ-awˇ nyoeˬ-iˇ jiˇ-euˬ, deh ga-ahˇ dehꞈ-eu daˬ yawˬ hawˇ-eu nymˇ mˬ kʼoeˇ taˆ dehꞈ-eu jaˆ gaˆ-ahˇ duˇ-eu meh.

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Hawˇseˬ 9:16

Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”