Aˇ dahˬ 41:14 - Akha

¹⁴ Yoˇsehˆ-ahˇ sahˬ paˬ neh bi kuˇ doˆ laˬ-iˇ-euˬ miˇ neh, paꞈ kuˆ laꞈ kʼoeˇ neh tiˬ poˆ tehꞈ-ehˇ ya doˆ laˇ-euˬ meh. Aˬ yawꞈ mehˬ mahˬ jehˆ dzeh-awˇ, mehˬ tsoeˬ dm paˇ gʼaˬ miˇ tsa, sahˬ paˬ jawˇ gaˇ le-euˬ meh.

Aˇ dahˬ 41:14 ပူးပေါင်းရင်းမြစ်များ

2 Saˬmeuˬlaˆ 19:24

Kʼoeˇ naˇ, Sawˇluˆ-euˬ oeˬ paˬ Meˬpiˇbawˇshehˆ gʼaˬ, Daˬbiˇ-ahˇ tahˬ puˬ le-eu lehˇ oe-euˬ meh. sahˬ paˬ doˆ-iˇ ngeh tiˬ nah neh, laˬ kʼaˬ tiˬ cehˇ paˇ gʼoꞈ keuˆ laˇ ngeh tiˬ nah keuˆ ni, aˬ yawꞈ aˬ kuiˇ maˬ dzuiꞈ, mehˬ mahˬ maˬ jehˆ-ehˇ, mehˬ tsoeˬ kʼawꞈ maˬ lehˬ tsiˬ dm ni jawˇ-euˬ meh.

2 Sahˬpaˬ 25:29

Yeˬhawˇyaˬciˬ-aˬ, paꞈ kuˆ laꞈ kʼoeˇ uˇ-eu deuˬ dm-eu mehˬ tsoeˬ dzeˇ paˇ paˇ dzeh-awˇ, maˬ shiˇ tiˬ ziˇ Baˬbuˇloˬ sahˬ paˬ nehˬ-ehˇ dzaˬ taꞈ dawˇ taꞈ-eu a kawˬ-aˬ za-euˬ meh.

Iˇsaˬtaˆ 5:1

Iˇsaˬtaˆ-aˬ, aˬ yawꞈ maˬ dzaˬ maˬ dawˇ ni lah-euˬ smˬ nah tiˬ nah keuˆ laˇ ngeh, sahˬ paˬ miˬ zaˬ dm-eu mehˬ tsoeˬ dm-awˇ, dzoeˬ dzaˬ nuiˇ mahˬ jaˆ-eu lawˆ-euˬ mehˬ shi, laꞈ kʼoeˇ lawˆ-ahˇ le-awˇ yawꞈ leˇ-euˬ meh. Sahˬ paˬ-aˬ, laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ laˆ gʼoˆ paw pyawˇ-ehˇ nuiˇ luꞈ-eu meh.

Doˆ-iˇ 10:16

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ yaw kawˇ-ehˇ bi kuˇ laˬ-iˇ-awˇ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ehˇ, naw maꞈ-ahˇ maˬ ehˇ, ngaˇ mˇ lehˬ gʼaˬ-euˬ ma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Daˬyeˬlaˇ 2:25

Aˬliˇoˆ-aˬ, Daˬyeˬlaˇ-ahˇ sahˬ paˬ Neˬbuˬkaˬneˬzaˬ jawˇ gaˇ tiˬ poˆ tehꞈ-ehˇ sheuˬ gʼeh-awˇ, “Sahˬ paˬ-oˇ, Yuˇdaˆ miˇ kʼahˬ-ahˇ neh nyehꞈ laꞈ-euˬ deuˬ laꞈ kʼoeˇ, nawˬ-euˬ yuꞈ maˆ dawˬ tsuiꞈ yuˇ doˆ nehˬ nya-eu tiˬ gʼaˬ ngaˇ mawˇ-euˬ ma” lehˇ ehˇ nehˬ-euˬ meh.