Aˇ dahˬ 41:1 - Akha

¹ Nyiˬ kʼoꞈ paˇ kaˇ-iˇ ngeh, Iˇjiˇtuˆ sahˬ paˬ heu loꞈ-ehˇ yuꞈ maˆ paˇ maˆ mawˇ-euˬ meh.

Aˇ dahˬ 41:1 ပူးပေါင်းရင်းမြစ်များ

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 28:12

Yuꞈ maˆ maˆ-eu laꞈ kʼoeˇ, mˬ hawˇ-eu miˇ-ahˇ tsoꞈ tawꞈ taˬ-euˬ dawˬ dzm dzm ma tiˬ dzm-ahˇ aˬ yawꞈ ya mawˇ-euˬ meh. Mˬ taˆ gʼaˬ kʼehˇ deuˬ dawˬ dzm kʼoeˇ dzm kʼoeˇ taˆ, mˬ hawˇ-eu miˇ yaw kaˬ-ahˇ yaˇ gaˇ gaˇ tawꞈ luꞈ-eu meh.

Aˇ dahˬ 29:14

Kʼoeˇ ngeh, “Nawˇ-aˬ, aˬ diˇ aˬ maˇ ngaˬ-euˬ shiˬ shaˬ pyeuꞈ-eu nga” lehˇ, Yaˬkoˆ-ahˇ Laˬbaˬ ehˇ nehˬ-euˬ meh.

Aˇ dahˬ 31:21

Aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ-awˇ, yaw kawˇ-ehˇ doˆ-iˇ-euˬ meh. Uˇpaˬlaˇ lawˇ baˬ tsehˆ doˆ-awˇ, Giˇlaˆ gawˬ jawˬ paw daˆ leˇ-euˬ meh.

Aˇ dahˬ 40:23

Ehˇ kʼawꞈ, aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu kʼoeˇ gʼaˬ-aˬ, Yoˇsehˆ-ahˇ maˬ paˇ noeˬ keuˆ-ehˇ, ngehˇ-awˇ jawˇ-euˬ meh.

Aˇ dahˬ 40:5

Tiˬ miˇ keuˆ laˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, sahˬ paˬ dzaˬ-eu kaˬ muˇ jahˇ-eu paw aˬ yuiꞈ geuꞈ luꞈ-eu paꞈ kuˆ-ahˇ uˇ-eu tsawˇ haˬ kʼoeˇ nyiˬ gʼaˬ, yuꞈ maˆ tiˬ gʼaˬ tiˬ jeˬ maˆ mawˇ-euˬ meh.

Aˇ dahˬ 41:2

Niˬlaˇ lawˇ baˬ dawˬ peh aˬ yawꞈ yawꞈ luꞈ ngeh, muiˬ dui tsuˇ dui dui-eu mawˇ neˇ mawˇ ma shiꞈ ma lawˇ baˬ laꞈ kʼoeˇ neh doˆ laˇ-awˇ, yaˇ moꞈ tseuˆ dzaˬ luꞈ-eu meh.

Iˇsaˬtaˆ 6:1

Uˬ ciꞈ kʼoeˇ miˇ sahˬ paˬ maˬ yuꞈ kʼaˆ leˇ-a. Kʼoeˇ miˇ neh miˇ kʼahˬ-euˬ gaˇ kawˆ boꞈ taˬ-euˬ sahˬ boꞈ bi yuˇ laꞈ-awˇ aˬ yawꞈ-ahˇ gui mehˬ laˇ-awˬ lehˇ aˬ yawꞈ dawˬ biꞈ-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 4:9

Zahˬ leˇ paˬ-ehˇ gʼeh-eu kʼoeˇ nyiˬ jeˬ luꞈ jahˇ mehˬ nehˬ gʼaˬ-euˬ kʼawꞈ, aˬ yawꞈ maꞈ nawˬ-ahˇ maˬ jah-ehˇ nawˬ neh ehˇ nehˬ-euˬ jeˬ-ahˇ maˬ naˇ haˬ geuꞈ naˇ, Niˬlaˇ lawˇ baˬ-ahˇ iˇ cuꞈ ui cuiˆ kʼawꞈ doˆ-awˇ, miˇ tsa shehˆ dzeh mehˬ nehˬ-awˬ. Iˇ cuꞈ kʼoeˇ shiˬ pyeuꞈ-iˇ tehꞈ-a.”

Iˇsaˬyaˇ 19:5

Niˬlaˇ lawˇ baˬ baˬ ma iˇ cuꞈ nyiˇ le-awˇ, aw lawˆ lawˆ-ehˇ gui-iˇ tehꞈ-a.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Dawˬmehˬ 11:10

Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, naw maꞈ neh jawˇ yaꞈ-euˬ Iˇjiˇtuˆ miˇ kʼahˬ-ahˇ maˬ duˇ-a.