Aˇ dahˬ 40:20 - Akha

²⁰ Smˬ nah byah laˇ ngeh, sahˬ paˬ dehꞈ le-euˬ bawˬ-iˬ jahˇ-eu aˇ nah paˇ keuˆ laˇ-euˬ miˇ neh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ kuˇ uiˬ-awˇ, bawˬ-iˬ gʼeh-eu laꞈ kʼoeˇ dzaˬ taꞈ dawˇ taꞈ-euˬ meh. Kʼoeˇ ngeh, aˬ yawꞈ gʼaˇ duˬ aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, kaˬ muˇ jahˇ-eu paw aˬ yuiꞈ geuꞈ-eu gʼaˬ-ahˇ pyehˬ doˆ-awˇ, yaw huiˬ yaw mahˇ deuˬ-euˬ mehˬ shi bi sheuˬ laꞈ-euˬ meh.

Aˇ dahˬ 40:20 ပူးပေါင်းရင်းမြစ်များ

Aˇ dahˬ 21:8

Aˬ li kʼoeˇ li ui cuiˆ huiˬ laˇ-awˇ aˬ coeˇ gʼawˬ ngeh nah, Aˬbyaˬhaˬ huiˬ-eu hawˬ byawˇ tiˬ byawˇ lawˇ-euˬ meh.

Aˇ dahˬ 40:13

Smˬ nah laꞈ kʼoeˇ sahˬ paˬ nawˬ-ahˇ pyehˬ doˆ-awˇ, yaw beh nawˬ neh kʼaˇ mˇ-euˬ gaˇ paˇ bi mˇ laꞈ tehꞈ-a. Nawˇ aˬ yawꞈ-ahˇ aˬ gaꞈ dzaˇ uiˇ jahˇ nehˬ-eu aˬ yuiꞈ geuꞈ ngeh, aˬ yawꞈ-ahˇ kʼmˬ maˬ ciˬ miˇ nehˬ-awˇ bi dawˇ haw-euˬ loꞈ-ehˇ, gʼawˬ myahˇ maˬ gʼeh-ehˇ, kʼmˬ maˬ paˇ ya ciˬ miˇ nehˬ tehꞈ-a.

Aˇ dahˬ 40:19

Smˬ nah laꞈ kʼoeˇ, sahˬ paˬ nawˬ-ahˇ pyehˬ doˆ-awˇ, nawˬ-euˬ uˬ duˬ toˆ tsehˆ-awˇ, nawˬ-euˬ gʼawˇ mawˇ-ahˇ aˇ bawˇ tiˬ bawˇ kʼoeˇ taˆ paꞈ gʼeu taˬ tehꞈ-a. Kʼoeˇ ngeh, aˇ jiˇ deuˬ oe-awˇ, nawˬ-euˬ shaˬ jiˇ-ahˇ toˆ dzaˬ tehꞈ-a.”

1 Sahˬpaˬ 3:15

Sawˇlaˬmoˬ uˬ noeˬ noeˬ laˇ ngeh, yuꞈ maˆ maˆ-eu laꞈ kʼoeˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ kawˆ siˬ duˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ iˇ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi yawꞈ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-euˬ lawˇ-eu jeˬ, Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼaˇ duˬ, aˬ yawꞈ bawˬ-iˬ gʼeh nehˬ-euˬ meh.

2 Sahˬpaˬ 25:27

Eˇbiˇlaˆmeˬyawˇdaˆ gʼaˬ Baˬbuˇloˬ sahˬ paˬ pyeuꞈ laˇ ngeh kʼoꞈ, Yuˇdaˆ sahˬ paˬ Yeˬhawˇyaˬciˬ-ahˇ aˬ yawꞈ gʼawˬ shaˬ gaˬ-awˇ, paꞈ kuˆ laꞈ kʼoeˇ neh pyehˬ doˆ nehˬ-euˬ meh. Yeˬhawˇyaˬciˬ-ahˇ paꞈ kuˆ laꞈ kʼoeˇ nyehꞈ ahˇ taˬ-euˬ smˬ tseˇ shiꞈ kʼoꞈ tiˬ kʼoꞈ, ba la tseˇ nyiꞈ siˬ tiˬ siˬ nyiˬ tseˇ shiꞈ nah-ahˇ, kʼoeˇ loꞈ-ehˇ pyehˬ doˆ nehˬ-euˬ meh.

Iˇsaˬtaˆ 1:3

Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh.

Yawˇbaˆ 3:1

Kʼoeˇ naˇ, Yawˇbaˆ dawˬ ngehˬ doˆ laˇ-awˇ, aˬ yawꞈ dehꞈ le-euˬ aˇ nah kʼoeˇ nah-ahˇ yaˬ kʼehˇ yaˬ-euˬ meh.

Jaceuq 105:19

Aˬ kaˇ pyeuꞈ laˇ-eu gaˇ kawˆ aˬ yawꞈ neh kʼaˇ ehˇ-euˬ loꞈ-ehˇ, maˇ jawˆ ni maˬ pyeuꞈ laˇ kʼoeˇ keuˆ ni, kʼoeˇ loꞈ-ehˇ bi daˬ-euˬ meh. Sahˬpaˬ Miˬyehˇ-euˬ dawˬ saˇ kiˇ kamˬ-eu laꞈ kʼoeˇ, aˬ yawꞈ tsaˬ-eu gaˇ kawˆ bi duˬ laˇ-euˬ meh.

Yeˬlaˬmiˇ 52:31

Iˇbiˇlaˆmeˬyawˇdaˆ Baˬbuˇloˬ sahˬ paˬ pyeuꞈ laˇ ngeh kʼoꞈ, Yuˇdaˆ sahˬ paˬ Yeˬhawˇyaˬciˬ-ahˇ aˬ yawꞈ gʼawˬ shaˬ gaˬ nehˬ-awˇ, paꞈ kuˆ laꞈ kʼoeˇ neh pyehˬ doˆ nehˬ-euˬ meh. Yeˬhawˇyaˬciˬ-ahˇ nyehꞈ ka gʼeh-euˬ smˬ tseˇ shiꞈ kʼoꞈ tiˬ kʼoꞈ, ba la tseˇ nyiꞈ siˬ tiˬ siˬ, nyiˬ tseˇ ngaˬ nah tiˬ nah-ahˇ, kʼoeˇ loꞈ-ehˇ pyehˬ nehˬ-euˬ meh.

Maꞈtehˬ 14:6

Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Maꞈtehˬ 25:19

“Aˇ nah aˇ yamˬ myahˇ laˇ ngeh, zaˬ kʼaˆ kʼoeˇ deuˬ-euˬ baw leˬ gʼaˬ gʼoꞈ keuˆ laˇ-awˇ, zaˬ kʼaˆ kʼoeˇ deuˬ nehˬ-ehˇ pyuˇ sawˇ tsaˬ-euˬ meh.

Maˬkuˆ 6:21

Aˇ saˬ saˬ laˇ ngeh, Heˬloˇdiˇ Yoˇhaˬ-ahˇ sehꞈ-eu yehꞈ laˇ-euˬ meh. Kʼoeˇ-aˬ, Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ jahˇ ngeh nah meh. Kʼoeˇ ngeh nah, sahˬ paˬ sahˬ ma geuꞈ luꞈ-eu yaw huiˬ yaw mahˇ deuˬ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Gaˬliˬlehˇ miˇ kʼahˬ laꞈ kʼoeˇ myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ-ahˇ hawˬ byawˇ lawˇ nehˬ-euˬ meh.