Aˇ dahˬ 4:19 - Akha

¹⁹ Laˬmehˇ-aˬ, Aˬdaˇ hawˇ-eu Ziˇlahˬ lehˇ myahˇ-euˬ miˬ zaˬ nyiˬ gʼaˬ jawˇ-eu meh.

Aˇ dahˬ 4:19 ပူးပေါင်းရင်းမြစ်များ

Aˇ dahˬ 2:18

Kʼoeˇ naˇ, “Tsawˇ haˬ zaˬ tiˬ gʼaˬ tehꞈ-ehˇ jawˇ-eu maˬ muiˬ-a. Aˬ yawꞈ-ahˇ bi caw ba-eu gʼaˇ duˬ, aˬ yawꞈ-ahˇ geuˇ-eu cawˬ tiˬ gʼaˬ ngaˇ beh nehˬ ma” lehˇ, Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Aˇ dahˬ 4:18

Iˇnawˆ-euˬ aˬ li-aˬ, Iˇlaˆ meh. Iˇlaˆ-euˬ aˬ li-aˬ, Maˬhuˇyeˬlaˇ meh. Maˬhuˇyeˬlaˇ-euˬ aˬ li-aˬ, Maˬtuˇsheˬlaˇ meh. Maˬtuˇsheˬlaˇ-euˬ aˬ li-aˬ, Laˬmehˇ meh.

Aˇ dahˬ 4:20

Aˬdaˇ gʼaˬ o neh Yaˬbaˬlaˇ lehˇ myahˇ-euˬ aˬ li tiˬ li jawˇ le-euˬ meh. Yaˬbaˬlaˇ-aˬ, bawˇ tsahˬ-ahˇ sehˬ gʼawˆ gʼawˆ-awˇ jeˬ zaˬ kʼaˇ cu dzaˬ-eu tsawˇ haˬ deuˬ-euˬ aˬ da yaw dzahˇ meh.

Aˇ dahˬ 4:23

Laˬmehˇ-aˬ, aˬ yawꞈ-euˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬdaˇ hawˇ-eu Ziˇlahˬ-oˇ, ngaˇ ehˇ gaˇ tiˬ poˆ naˇ haˬ sheˇ. Ngaˬ-ahˇ dawꞈ laˇ-euˬ zaˬ guˬ tiˬ gʼaˬ-ahˇ ngaˇ sehꞈ-euˬ ma.

2 Laˬsaˬbaˬ 24:3

Yeˬhawˇyaˬdaˬ neh Yawˇshaˆ-ahˇ miˬ zaˬ nyiˬ gʼaˬ poˆ nehˬ-awˇ, kʼoeˇ nyiˬ gʼaˬ o neh aˬ buˇ aˬ li gʼawˬ mya ni jawˇ le-euˬ meh.

Maꞈtehˬ 19:8

Yeˬsuˇ ehˇ-eu, “Naw maꞈ nui ma gʼahˇ-awˇ naˬ bawˇ tuˇ-eu miˇ neh, Moˇseˬ naw maꞈ-ahˇ miˬ zaˬ kʼoꞈ-eu aˬ kawˬ-aˬ biꞈ-euˬ meh. Ehˇ kʼawꞈ, mˬ beh miˇ beh ngeh maˇ diˇ-aˬ, kʼoeˇ loꞈ-ehˇ maˬ ngeuˇ-a.