Aˇ dahˬ 39:7 - Akha

⁷ Aˇ yamˬ ui cuiˆ myahˇ laˇ ngeh jawˇ, Yoˇsehˆ-ahˇ cu luꞈ-eu yaw huiˬ yaw mahˇ kʼoeˇ gʼaˬ-euˬ miˬ zaˬ Yoˇsehˆ-ahˇ mawꞈ dui dui leˇ-eu miˇ neh, Ngaˬ nehˬ-ehˇ yuꞈ kaˇ-euˇ lehˇ, Yoˇsehˆ-ahˇ cawˬ-euˬ meh.

Aˇ dahˬ 39:7 ပူးပေါင်းရင်းမြစ်များ

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

2 Saˬmeuˬlaˆ 13:11

Aˬ yawꞈ kaˬ muˇ kʼoeˇ ciˬ gʼeh nehˬ ngeh, Aˬmaˬnoˬ aˬ yawꞈ-ahˇ gʼeu tehˬ-awˇ, “Ngaˬ nehˬ-ehˇ yuꞈ laˇ-awˬ” lehˇ ehˇ nehˬ-euˬ meh.

Yawˇbaˆ 31:1

Zaˬ miˬ aˬ buˇ-ahˇ mehˇ juiˇ juiˇ-eu myaˆ nuiˆ neh maˬ paˇ haw ma lehˇ, nymˬ-mˇ ngaˇ ziˇ tsehˆ-eu ma.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Dawqdaq 1:10

Ngaˬ li-oˇ, iˬ baˇ mˇ-eu deuˬ nawˬ-ahˇ muˇ juˇ juˇ ngeh, aˬ yawꞈ maꞈ-ahˇ mehˬ bawˬ taˬ gm.

Dawqdaq 2:16

Dawˬ ja nya-awˇ mehˇ shuiˇ bym-eu, haiˬ-eu zaˬ miˬ-euˬ tsawˇ gahˇ-ahˇ, nawˇ dehꞈ dzeuˇ nya tehꞈ-a.

Dawqdaq 5:9

Nawˇ maˬ yahˇ pawˇ naˇ, nawˬ-euˬ myaˆ pyawˬ naˇ mehˇ aˬ cawˬ laꞈ-ahˇ ahˇ leˇ-awˇ, gʼawˬ shaˬ gaˬ-eu maˬ siˬ nya-euˬ deuˬ-euˬ laꞈ-ahˇ, nawˇ ziˇ ya jiˇ tehꞈ-a.

Dawqdaq 6:26

Meh maˬ laˇ-ahˇ kaˬ muˇ tiˬ siˬ biꞈ-awˇ ja juˬ nya kʼawꞈ, aˬ cawˬ aˬ ma nawˬ-euˬ uˬ kʼawˇ poeˬ gaˇ taˬ ngehˇ.

Dawqdaq 7:13

Zaˬ guˬ kʼoeˇ gʼaˬ-ahˇ aˬ yawꞈ byaˇ cuꞈ-awˇ mehˬ cuˇ cuˇ-awˇ, myaˆ pyawˬ-ahˇ haw tsoˆ taˬ-awˇ heu loꞈ-ehˇ ehˇ nehˬ-eu meh.

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Yeˬsaˬgeˬlaˇ 16:25

Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.

Yeˬsaˬgeˬlaˇ 16:32

Yawˬ ha-euˬ kʼaˬ dzeˇ zaˬ-ahˇ maˬ gaˬ ni, aˬ cawˬ nehˬ-ehˇ joe-eu zaˬ miˬ zaˬ-ahˇ nawˇ duˇ-eu meh.

Yeˬsaˬgeˬlaˇ 16:34

Nawˇ-aˬ, aˬ cawˬ-ahˇ maˬ duˇ-eu meh maˬ laˇ meh. Aˬ cawˬ neh guˆ tsiˬ nyehꞈ-awˇ nawˬ-ahˇ meh maˬ laˇ bi geuꞈ-euˬ maˬ ngeuˇ-a. Aˬ cawˬ nawˬ-ahˇ pyuˇ biꞈ-euˬ maˬ ngeuˇ-a. Nawˇ aˬ cawˬ-ahˇ pyuˇ biꞈ-awˇ geuꞈ luꞈ-eu meh. Ngeuˇ meh. Nawˇ-aˬ, aˬ cawˬ-ahˇ maˬ duˇ-eu meh maˬ laˇ meh.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

1 Yoˇhaˬ 2:16

Miˇ tsaˬ heu kʼoeˇ taˆ jaˆ-eu jeˬ pyeuꞈ-eu, shiˬ shaˬ jiˇ nui kʼahˇ, myaˆ nuiˆ-euˬ nui kʼahˇ, huiˬ mawꞈ mahˇ mawꞈ-eu nui ma, heu deuˬ dawˬ tawˆ luꞈ Aˬda Miˬyehˇ jawˇ gaˇ neh doˆ le-euˬ jeˬ maˬ ngeuˇ-a. Miˇ tsaˬ heu kʼoeˇ taˆ jaˆ-eu jeˬ pyeuꞈ-eu meh.