Aˇ dahˬ 39:4 - Akha

⁴ Yoˇsehˆ-ahˇ Pawˇtiˇpaˬ nui kʼahˇ shiˇ-eu miˇ neh, aˬ yawꞈ-euˬ nymˇ hawˇ-eu aˬ yawꞈ kʼaˇ jaˆ-eu jeˬ dawˬ tawˆ luꞈ-ahˇ haw-eu pyaˆ-eu gʼaˬ bi geuꞈ-euˬ meh.

Aˇ dahˬ 39:4 ပူးပေါင်းရင်းမြစ်များ

Aˇ dahˬ 15:2

Ehˇ kʼawꞈ, Sahˬpaˬ Miˬyehˇ-ahˇ Aˬbyaˬ ehˇ kʼoꞈ nehˬ-eu, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ zaˬ maˬ jawˇ. Ngaˬ-euˬ jeˬ biˇ-ahˇ za paˬ-ehˇ gʼeh-eu tsawˇ haˬ-aˬ, Daˬmaˬsehˇ meuˬ-ahˇ neh oe-euˬ Eˇliˇzaˬ tiˬ gʼaˬ jawˇ-eu tehꞈ ma.

Aˇ dahˬ 18:3

“Yaw huiˬ yaw mahˇ deuˬ-oˇ, ngaˬ-euˬ nymˇ-ahˇ maˬ naˬ ni taˬ iˇ dzeuˇ nehˬ laꞈ. Ngaˇ naw maꞈ-ahˇ yaw muiˬ paˬ-ehˇ lehˬ hmˬ-awˇ ha-eu ma.

Aˇ dahˬ 19:19

Naw maꞈ ngaˬ-ahˇ gʼawˬ shaˬ gaˬ dui dui-eu miˇ neh heu loꞈ-ehˇ bi buˬ-iˇ laꞈ-eu meh lehˇ ngaˇ siˬ nya ma. Ehˇ kʼawꞈ, gawˬ jawˬ kʼoeˇ jawˬ aˇ dzehˬ-ehˇ kaˬ dzeuˇ-eu miˇ neh, kʼoeˇ gaˇ maˬ cehˆ keuˆ mi naˆ-ehˇ, laˆ luˬ laˆ seˇ-eu jeˬ ngaˬ-euˬ kʼoeˇ taˆ keuˆ le-eu ngaˇ.

Aˇ dahˬ 24:2

Aˬ yawꞈ-euˬ zaˬ kʼaˆ deuˬ laꞈ kʼoeˇ, aˬ cawˬ naˆ maˬ tseˇ aˇ kʼoꞈ kʼawˆ dzehˬ-awˇ, aˬ yawꞈ-euˬ myawˬ gahˬ dawˬ tawˆ luꞈ a nehˬ-awˇ bi haw bi pyaˆ-euˬ gʼaˬ-ahˇ, aˬ yawꞈ heu loꞈ-ehˇ ehˇ nehˬ-euˬ meh. “Ngaˬ-euˬ shaˬ pyaˬ yaw kaˬ-ahˇ nawˬ-euˬ aˬ laꞈ cawˬ ahˇ-awˇ saˇ jaˇ dzaˬ-awˬ.

Aˇ dahˬ 32:5

Ngaˇ-aˬ, mawˇ neˇ, mahˬ tahˬ laˆ, yawˇ, ciꞈ myehꞈ deuˬ jawˇ-awˇ, zaˬ kʼaˆ deuˬ kʼawꞈ cu taˬ-euˬ ma. Nawˇ ngaˬ-ahˇ gʼawˬ shaˬ gaˬ nehˬ laꞈ-awˇ, bi gʼoꞈ jawˇ le tehꞈ-a lehˇ noeˬ tmˬ dui dui-eu laꞈ kʼoeˇ, heu loꞈ-ehˇ tsaꞈ ahˇ leꞈ-euˬ ma.”

Aˇ dahˬ 33:10

Yaˬkoˆ paˇ ehˇ-eu, “Heu loꞈ-ehˇ taˬ ehˇ nehˬ laꞈ. Nawˇ ngaˬ-ahˇ ha geuꞈ mawꞈ ma lehˇ ngeuˇ naˇ, ngaˬ neh nawˬ-ahˇ kʼaˇ biꞈ-euˬ jeˬ yuˇ-awˬ. Nawˬ-euˬ myaˆ pyawˬ-ahˇ ya mawˇ-eu-aˬ, Miˬyehˇ-euˬ myaˆ pyawˬ-ahˇ ya mawˇ gaˇ duˇ miˇ-a. Nawˇ ngaˬ-ahˇ laˬ kʼaˬ cehˇ taˆ ni ha geuꞈ nehˬ laꞈ-eu miˇ neh, ngaˇ laˬ kʼaˬ cehˇ dui dui miˇ-a.

Aˇ dahˬ 33:8

“Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 39:8

Ehˇ kʼawꞈ, Yoˇsehˆ maˬ tawˆ leˇ-ehˇ, zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Haw sheˇ, ngaˇ heu gaˇ jawˇ luꞈ-eu miˇ neh, ngaˬ-euˬ baw leˬ ngaˬ-ahˇ jah-eu laꞈ kʼoeˇ yawˬ jeˬ na luꞈ a nehˬ laꞈ jiˇ-awˇ, kʼahˇ kʼoꞈ duˬ maˬ jaˆ ni dehꞈ-eu meh.

1 Sahˬpaˬ 16:9

Sahˬ paˬ-euˬ mahˬ laˆ lawˬ tiˬ paˆ paˆ ni-ahˇ haw-eu pyaˆ-eu gʼaˬ bi geuꞈ-euˬ aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Zmˇliˬ-aˬ, ciˬ cuˇ ni aˬ yawꞈ-ahˇ puiˬ-euˬ meh. Tiˬ nah-aˬ, Teuˇzaˬ meuˬ laꞈ kʼoeˇ sahˬ paˬ-euˬ hawˇ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˇ-euˬ nymˇ-ahˇ, Eˇlahˬ dzaˬ yehꞈ dawˇ yehꞈ-awˇ jawˇ-eu meh.

Iˇsaˬtaˆ 2:9

Iˇsaˬtaˆ-ahˇ Heˬgehˇ nui ma tsaˬ-awˇ, yaw muiˬ paˬ-ehˇ ngehˬ gʼeh caw ba nehˬ-euˬ meh. Iˇsaˬtaˆ-euˬ gʼawˇ mawˇ bi muiˬ dzehˬ laˇ-eu gʼaˇ duˬ, dzaˬ dzaˬ dawˇ dawˇ laˆ saˆ nehˬ-eu hawˇ-eu jaˆ gʼaˬ lehꞈ nehˬ-eu gaˇ-ahˇ, aˇ yamˬ maˬ bi smˬ-iˇ ni aˬ yawꞈ mˇ-euˬ meh. Sahˬ paˬ-euˬ zaˬ miˬ zaˬ deuˬ jawˇ-eu jawˇ duˬ kʼaˇ muiˬ dzehˬ-eu tsahˇ-ahˇ Iˇsaˬtaˆ-ahˇ bi jawˇ-awˇ, sahˬ paˬ-euˬ nymˇ laꞈ kʼoeˇ jawˇ-eu zaˬ miˬ aˬ buˇ shiꞈ gʼaˬ tseˇ doˆ-awˇ bi bo saˆ-euˬ meh.

Dawqdaq 14:35

Tsawˇ gahˇ ahˇ-eu zaˬ kʼaˆ-ahˇ sahˬ paˬ laˬ kʼaˬ cehˇ-awˇ, daˬ ga-eu zaˬ kʼaˆ-ahˇ sahˬ paˬ kʼehˬ-eu meh.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Dawqdaq 17:2

Tsawˇ gahˇ ahˇ-eu zaˬ kʼaˆ, daˬ ga-eu aˬ li maˬ tseˇ tawˬ-awˇ, jeˬ biˇ tiˬ paˆ za-eu yaw duˬ baw meh.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Dawqdaq 27:18

Siˬ guˬ aˇ bawˇ-ahˇ haw piˇ naˇ, siˬ guˬ aˇ siˬ ya dzaˬ-eu loꞈ-ehˇ, baw leˬ-ahˇ mˇ cu nya-eu zaˬ kʼaˆ-ahˇ taˬ huiˬ taˬ mahˇ nehˬ tehꞈ-a.

Dawqdaq 3:4

Nawˇ kʼoeˇ loꞈ-ehˇ jahˇ naˇ, Miˬyehˇ nawˬ-ahˇ nui kʼahˇ shiˇ-awˇ, tsawˇ haˬ zaˬ nawˬ-ahˇ nui ma tsaˬ tehꞈ-a.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Luˇta 2:6

Tsawˇ haˬ kʼoeˇ gʼaˬ ehˇ-eu, “Aˬ yawꞈ-aˬ, Mawˇbaˆ miˇ kʼahˬ-ahˇ neh Nawˇmi mehˬ nah caw teh laꞈ-euˬ boeˇ miˬ shiˬ kʼaˬ tiˬ gʼaˬ meh.

1 Saˬmeuˬlaˆ 16:22

“Daˬbiˇ-ahˇ ngaˇ nui kʼahˇ shiˇ dui dui nya. Teu miˇ neh ngaˬ-euˬ gaˇ mˇ-awˇ ngaˬ nehˬ-ehˇ bi jawˇ ma” lehˇ, Yeˬshehˇ-ahˇ bi tsaꞈ gaˬ-iˇ-euˬ meh.

1 Saˬmeuˬlaˆ 2:26

Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.