Aˇ dahˬ 39:17 - Akha

¹⁷ Kʼaˬ dzeˇ zaˬ gʼaˬ gʼoꞈ keuˆ laˇ ngeh, heu loꞈ-ehˇ dzawˇ nehˬ-euˬ meh. “Nawˬ neh sheuˬ ahˇ laꞈ-euˬ Heˬbyehˇ tsawˇ haˬ kʼoeˇ gʼaˬ, ngaˬ-ahˇ yehˬ bawˬ sehˇ lu-ehˇ jahˇ-eu lehˇ, ngaˇ yuꞈ luꞈ-eu kuˆ lawˆ-ahˇ uˇ laˇ-euˬ meh.

Aˇ dahˬ 39:17 ပူးပေါင်းရင်းမြစ်များ

Aˇ dahˬ 39:14

Kʼoeˇ ngeh, zaˬ miˬ zaˬ kʼoeˇ gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Heu gaˇ haw sheˇ. Ngaˬ-euˬ kʼaˬ dzeˇ zaˬ neh sheuˬ ahˇ laꞈ-euˬ Heˬbyehˇ tsawˇ haˬ kʼoeˇ gʼaˬ, aˬ dui-ahˇ yehˬ bawˬ sehˇ lu-ehˇ jahˇ-eu lehˇ gʼeh-eu meh. Ngaˇ yuꞈ-eu kuˆ lawˆ laꞈ kʼoeˇ aˬ yawꞈ uˇ laˇ-awˇ, ngaˬ nehˬ-ehˇ yuꞈ taꞈ-eu lehˇ leh jeh-eu miˇ neh, ngaˇ yaw kʼaˆ-ehˇ guˇ-euˬ ma.

Aˇ dahˬ 39:16

Aˬ yawꞈ-euˬ kʼaˬ dzeˇ zaˬ gʼoꞈ laˇ ngeh keuˆ ni, pehˇ kʼahˬ kʼoeˇ kahˇ-ahˇ zaˬ miˬ zaˬ kʼoeˇ gʼaˬ neh yuˇ taˬ-awˇ bi jaˆ-euˬ meh.

Aˇ dahˬ 39:18

Ehˇ kʼawꞈ, ngaˇ yaw kʼaˆ-ehˇ guˇ-eu miˇ neh, aˬ yawꞈ-euˬ pehˇ kʼahˬ ngaˬ-euˬ dawˬ peh byehˇ dzeh yaꞈ-awˇ, laꞈ nyiˇ coeˬ doˆ gʼeh-euˬ meh.”

1 Sahˬpaˬ 18:17

Eˇliˇyaˆ-ahˇ aˬ yawꞈ tahˬ puˬ ngeh, “Iˇsaˬleˬlaˆ miˇ kʼahˬ-ahˇ laˆ suˬ saˬ-eu nawˇ heu gaˇ jawˇ law hawˇ ngaˬ tawˇ laˬ” lehˇ ehˇ nehˬ-euˬ meh.

Jaceuq 37:14

Yaw tsaˬyaw dawˇtsawˇhaˬhawˇ-eu, shaˬzaˬzahˬzaˬ-ahˇ sehꞈ-eu lehˇ, yaw haiˬdeuˬ mi cehˇgʼawˇdoˆ-awˇ, kaˆngoꞈdaˆ-awˇ lehˬhmˬ-eu meh.

Jaceuq 55:3

Muiˇ-eu deuˬ laˆ guˆ laˇ-eu miˇ neh, nui saˇ tiˬ pawꞈ-iˬ maˬ oꞈ nya. Haiˬ-eu tsawˇ haˬ deuˬ kʼehˬ nehˬ kʼaˆ nehˬ laꞈ-eu miˇ neh, shaˬ zahˬ naꞈ dui dui miˇ-a. Aˬ yawꞈ maꞈ ngaˬ-ahˇ laˆ shaˬ laˆ zahˬ nehˬ laꞈ-eu meh. Ngaˬ-ahˇ nui ma pehˇ-awˇ bye-eu meh.

Doˆ-iˇ 20:16

“Aˬ cawˬ gʼaˇ duˬ, maˬ tsaˬ maˬ dawˇ-eu saˇ kiˇ, nawˇ maˬ ya kamˬ-a.

Doˆ-iˇ 23:1

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

Dawqdaq 12:19

Jaˬ myawꞈ myawꞈ-eu uˬ kʼawˇ deuˬ-awˇ, dawˬ muiˬ tmˇ-eu ziˇ baw-eu meh.

Dawqdaq 19:5

Tsawˇ kaˬ yaw lehˬ guiˇ oꞈ-awˇ, jaˬ myawꞈ dawˬ lehˬ maˬ zaꞈ byoˆ nya-a.

Dawqdaq 19:9

Tsawˇ kaˬ yaw lehˬ guiˇ oꞈ-awˇ, jaˬ myawꞈ dawˬ lehˬ maˬ zaꞈ byoˆ nya-a.

Dawqdaq 26:28

Aˬ cawˬ-ahˇ nawˇ mehˇ shuiˇ shuiˇ-awˇ yaw doeˇ jahˇ nehˬ mawꞈ naˇ, nawˬ-euˬ laꞈ kʼoeˇ aˬ yawꞈ-ahˇ bye-eu nui ma jeˬ huˬ ya bi ahˇ-eu meh. Jaˬ myawꞈ myawꞈ-eu jeˬ-aˬ, yaw cawˆ jeˬ tehꞈ-ehˇ bi doˆ laˇ-eu meh.

Maꞈtehˬ 26:65

Dawˬ kʼoeˇ dawˬ-ahˇ ya gaˬ ngeh, Piˇ ma Yaw huiˬ gʼaˬ yawˬ ha dm luꞈ-eu mehˬ tsoeˬ gʼeu pyaˬ-awˇ ehˇ-eu, “Tsawˇ haˬ heu gʼaˬ Miˬyehˇ-ahˇ yehˬ bawˬ sehˇ lu-ehˇ ehˇ-euˬ meh. Saˇ kiˇ yawˬ jeˬ yawˬ maˬ paˇ loˬ meh. Aˬ yawꞈ Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ-euˬ naw maꞈ ya gaˬ-euˬ meh.