Aˇ dahˬ 39:12 - Akha

¹² Kʼoeˇ ngeh, aˬ yawꞈ-euˬ baw leˬ-euˬ miˬ zaˬ kʼoeˇ gʼaˬ aˬ yawꞈ-euˬ pehˇ kʼahˬ-ahˇ gʼeu tehˬ-awˇ, Ngaˬ nehˬ-ehˇ yuꞈ zaˇ-ahˇ yuꞈ laˇ-awˬ lehˇ cawˬ-euˬ meh. Ehˇ kʼawꞈ, Yoˇsehˆ-aˬ, zaˬ miˬ zaˬ kʼoeˇ gʼaˬ-euˬ aˬ laꞈ laꞈ kʼoeˇ aˬ yawꞈ-euˬ pehˇ kʼahˬ behˇ lehˆ ahˇ yaꞈ-awˇ, nymˇ laꞈ nyiˇ paw coeˬ doˆ gʼeh-euˬ meh.

Aˇ dahˬ 39:12 ပူးပေါင်းရင်းမြစ်များ

Aˇ dahˬ 39:10

Zaˬ miˬ zaˬ kʼoeˇ gʼaˬ, Yoˇsehˆ-ahˇ aˬ yawꞈ nehˬ-ehˇ bi yuꞈ taꞈ-eu gʼaˇ duˬ, mehˇ shuiˇ shuiˇ kʼawꞈ maˬ shuiˇ tawˆ nya-a.

Aˇ dahˬ 39:11

Tiˬ nah keuˆ laˇ ngeh, Yoˇsehˆ gaˇ mˇ-eu lehˇ iˇ kahˇ laꞈ kʼoeˇ uˇ leˇ-euˬ meh. Aˇ yamˬ kʼoeˇ yamˬ-ahˇ, iˇ kahˇ laꞈ kʼoeˇ tsawˇ haˬ tiˬ gʼaˬ-iˬ maˬ jawˇ-a.

Aˇ dahˬ 39:13

Yoˇsehˆ-euˬ pehˇ kʼahˬ aˬ yawꞈ-euˬ aˬ laꞈ laꞈ kʼoeˇ lehˆ ahˇ yaꞈ-euˬ gaˇ zaˬ miˬ zaˬ kʼoeˇ gʼaˬ ya mawˇ-euˬ meh.

Aˇ dahˬ 39:8

Ehˇ kʼawꞈ, Yoˇsehˆ maˬ tawˆ leˇ-ehˇ, zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Haw sheˇ, ngaˇ heu gaˇ jawˇ luꞈ-eu miˇ neh, ngaˬ-euˬ baw leˬ ngaˬ-ahˇ jah-eu laꞈ kʼoeˇ yawˬ jeˬ na luꞈ a nehˬ laꞈ jiˇ-awˇ, kʼahˇ kʼoꞈ duˬ maˬ jaˆ ni dehꞈ-eu meh.

2 Saˬmeuˬlaˆ 13:11

Aˬ yawꞈ kaˬ muˇ kʼoeˇ ciˬ gʼeh nehˬ ngeh, Aˬmaˬnoˬ aˬ yawꞈ-ahˇ gʼeu tehˬ-awˇ, “Ngaˬ nehˬ-ehˇ yuꞈ laˇ-awˬ” lehˇ ehˇ nehˬ-euˬ meh.

Dawqdaq 1:15

ngaˬ li-oˇ, kʼoeˇ loꞈ-ehˇ ehˇ-eu deuˬ-euˬ meh nah taˬ caw teh. Aˬ yawꞈ maꞈ-euˬ gaˇ ma-ahˇ taˬ cah.

Dawqdaq 5:8

Kʼoeˇ loꞈ-ehˇ gʼeh-eu zaˬ miˬ zaˬ-ahˇ gaˇ mahˇ kaˬ gaˇ yahˇ pawˇ-awˇ, aˬ yawꞈ-euˬ nymˇ laˇ gʼoˆ dawˬ peh taˬ iˇ.

Dawqdaq 6:5

Saˬ loꞈ loꞈ-eu gʼaˬ-euˬ laꞈ-ahˇ, ciˇ haˬ cehˆ dzeuˇ-eu leh jeh-eu loꞈ-ehˇ, sehˬ toˆ kʼmˇ-eu gʼaˬ-eu mehˬ shi, aˇ jiˇ behˇ lehˆ-eu leh jeh-eu loꞈ-ehˇ, ya buˬ ya law-iˇ ni teuˆ-awˬ.

Dawˬ tsoˆ 7:26

Shiˇ-eu jeˬ naˆ maˬ tseˇ doeˇ dui dui-eu tiˬ jeˬ ngaˇ mawˇ taˬ-euˬ ma. Kʼoeˇ-aˬ, zaˬ miˬ zaˬ meh. Aˬ yawꞈ-euˬ nui gaˬ lahˇ ju kʼmˇ gaˇ duˇ-awˇ, nawˬ-ahˇ byaˇ cuꞈ-eu aˬ yawꞈ-euˬ aˬ laꞈ shmˇ caˆ paꞈ gaˇ duˇ-eu meh. Miˬyehˇ-euˬ nui kʼahˇ poˆ-eu tsawˇ haˬ cehˆ dzeuˇ nya kʼawꞈ, iˬ baˇ mˇ-eu deuˬ paꞈ leˇ-eu meh.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

1 Saˬmeuˬlaˆ 15:27

Kʼoeˇ naˇ, Saˬmeuˬlaˆ doˆ-iˇ-eu lehˇ gʼawˇ pyawˇ ngeh, aˬ yawꞈ-euˬ pehˇ kʼahˬ pehˇ mahˇ-ahˇ Sawˇluˆ gʼeu tehˬ-awˇ, pehˇ kʼahˬ pehˇ mahˇ kʼoeˇ kahˇ pyaˬ-iˇ-euˬ meh.