Aˇ dahˬ 38:7 - Akha

⁷ Iˇlehˆ-aˬ, Sahˬpaˬ Miˬyehˇ nui ma maˬ tsaˬ-eu maˬ muiˬ maˬ jaˬ-eu jeˬ mˇ-eu miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-euˬ meh.

Aˇ dahˬ 38:7 ပူးပေါင်းရင်းမြစ်များ

Aˇ dahˬ 13:13

Sawˇdoˬ meuˬ laꞈ kʼoeˇ jawˇ-eu tsawˇ haˬ deuˬ-aˬ, Sahˬpaˬ Miˬyehˇ mehˬ shi iˬ baˇ mˇ-awˇ, haiˬ-eu tsawˇ haˬ deuˬ tehꞈ-ehˇ pyeuꞈ luꞈ-eu meh.

Aˇ dahˬ 19:13

Aˬ jeˬ miˇ neh ehˇ naˇ, jawˇ duˬ heu tsahˇ-ahˇ nga nyaꞈ laˆ cawˆ-eu lehˇ gʼeh-eu ma. Heu gaˇ jawˇ luꞈ-eu tsawˇ haˬ heu deuˬ huiˬ dui dui-eu iˬ baˇ mˇ luꞈ-eu gaˇ kawˆ, Sahˬpaˬ Miˬyehˇ ya gaˬ-euˬ miˇ neh, meuˬ heu meuˬ-ahˇ laˆ cawˆ-eu gʼaˇ duˬ nga nyaꞈ-ahˇ pyehˬ leꞈ-euˬ meh.”

Aˇ dahˬ 38:6

Yuˇdaˆ-aˬ, aˬ yawꞈ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Iˇlehˆ-ahˇ, Taˬmaˬ lehˇ myahˇ-euˬ zaˬ miˬ aˬ buˇ tiˬ gʼaˬ nehˬ-ehˇ bi sheuˬ dahˬ dzaˬ-euˬ meh.

Aˇ dahˬ 46:12

Yuˇdaˆ hawˇ-eu aˬ yawꞈ-euˬ aˬ li deuˬ pyeuꞈ-eu Sheˬlahˬ, Paˬyehˆ, Zeˬlahˬ. (Yuˇdaˆ-euˬ aˬ li deuˬ pyeuꞈ-eu Iˇlehˆ hawˇ-eu Awˇnaˬ aˬ nyaꞈ nmˇ-aˬ, Kaˬnaˬ miˇ kʼahˬ-ahˇ shiˇ yaꞈ-euˬ meh. Paˬyehˆ-euˬ aˬ li deuˬ pyeuꞈ-eu Heˬzaˬloˬ hawˇ-eu Haˬmuˇlaˬ.

Aˇ dahˬ 6:8

Ehˇ kʼawꞈ, Noˇaˬ gʼaˬ-ahˇ-aˬ, Sahˬpaˬ Miˬyehˇ nui kʼahˇ shiˇ-eu meh.

1 Sahˬpaˬ 17:20

Kʼoeˇ naˇ, yaw kʼaˆ-ehˇ guˇ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ jeˬ miˇ neh miˬ coeˬ miˬ ma heu gʼaˬ kʼoeˇ taˆ heu loꞈ-ehˇ gʼeh-eu shaˬ zahˬ bi keuˆ le te. Aˬ yawꞈ ngaˬ-ahˇ yaw muiˬ paˬ-ehˇ ha-awˇ bo saˆ nehˬ laꞈ-euˬ meh. Ehˇ kʼawꞈ, nymˬ-mˇ poˆ jawˇ aˬ yawꞈ-euˬ aˬ li-ahˇ nawˇ bi shiˇ-euˬ nga.”

1 Laˬsaˬbaˬ 2:3

Yuˇdaˆ-aˬ, aˬ li dawˬ tawˆ luꞈ ngaˬ li jawˇ-eu meh. Kaˬnaˬ tsawˇ jeuˬ zaˬ miˬ zaˬ pyeuꞈ-eu Baˬshawˇ gʼaˬo neh smˬ li jawˇ-eu meh. Kʼoeˇ smˬ li-aˬ, Iˇlehˆ, Awˇnaˬ, Sheˬlahˬ aˬ ha smˬ mehˇ nmˇ meh. Aˬ li aˬ yuiꞈ yuiꞈ saˬ gʼaˬ pyeuꞈ-eu Iˇlehˆ-aˬ, haiˬ dui dui-eu miˇ neh, Sahˬpaˬ Miˬyehˇ neh bi shiˇ-euˬ meh.

2 Laˬsaˬbaˬ 33:6

Aˬ yawꞈ-euˬ aˬ li deuˬ-ahˇ Hiˬnoˬ deh kʼawꞈ laꞈ kʼoeˇ miˬ dzaˬ dzah puiˆ-awˇ lawˇ-euˬ meh. Ja maw maw-eu jeˬ hawˇ-eu mah loˬ loˬ-eu jeˬ aˬ yawꞈ mˇ-awˇ, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ Miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Bawˇtsahˬ 26:19

Yuˇdaˆ tsawˇ jeuˬ-aˬ, Sheˬlahˬ aˇ jeuˬ, Paˬyehˆ aˇ jeuˬ, Zeˬlahˬ aˇ jeuˬ, Heˬzaˬloˬ aˇ jeuˬ hawˇ-eu Haˬmuˇlaˬ aˇ jeuˬ heu deuˬ meh. (Yuˇdaˆ-euˬ aˬ li Iˇlehˆ hawˇ-eu Awˇnaˬ aˬ nyaꞈ nmˇ Kaˬnaˬ miˇ kʼahˬ-ahˇ shiˇ yaꞈ-euˬ meh.)

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.