Aˇ dahˬ 38:24 - Akha

²⁴ Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

Aˇ dahˬ 38:24 ပူးပေါင်းရင်းမြစ်များ

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 20:7

Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Aˇ dahˬ 34:31

Aˬ yawꞈ nyaꞈ nmˇ ehˇ-eu, “Aˬ dui pehˬ-euˬ zaˬ miˬ-ahˇ, ciˇ piˇ ciˇ leuˆ loꞈ-ehˇ sawˇ-awˇ, kʼaˇ jahˇ mawꞈ-eu bi jahˇ nya ta loˇ.”

Aˇ dahˬ 38:23

Kʼoeˇ ngeh Yuˇdaˆ ehˇ-eu, “Ngaˬ-euˬ mˇ myawˬ kʼoeˇ deuˬ zaˬ miˬ zaˬ kʼoeˇ gʼaˬ jawˇ gaˇ ehˬ-ehˇ jaˆ luꞈ-uˇ. Aˬ dui-euˬ myaˆ pyawˬ naˇ mehˇ cawˆ laˇ gaˇ ya yahˇ nga. Ngaˇ nawˬ-ahˇ aˬ yawꞈ jawˇ gaˇ bi iˇ-euˬ kʼawꞈ, aˬ yawꞈ-ahˇ nawˇ maˬ poˆ mawˇ nya-eu miˇ neh, tiˬ jeˬ-iˬ maˬ paˇ gʼeh nya ngaˇ.”

2 Saˬmeuˬlaˆ 12:5

Kʼoeˇ ngeh, smˇ muiˬ smˇ baw kʼoeˇ gʼaˬ-ahˇ Daˬbiˇ nui ma pehˇ dui dui laˇ-awˇ ehˇ-eu, “Kʼoeˇ naˆ naˆ-ehˇ doeˇ-eu jeˬ mˇ-eu tsawˇ haˬ kʼoeˇ gʼaˬ shiˇ-eu tsaˬ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ kamˬ-eu ma.

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

Dawˬ tsoˆ 7:26

Shiˇ-eu jeˬ naˆ maˬ tseˇ doeˇ dui dui-eu tiˬ jeˬ ngaˇ mawˇ taˬ-euˬ ma. Kʼoeˇ-aˬ, zaˬ miˬ zaˬ meh. Aˬ yawꞈ-euˬ nui gaˬ lahˇ ju kʼmˇ gaˇ duˇ-awˇ, nawˬ-ahˇ byaˇ cuꞈ-eu aˬ yawꞈ-euˬ aˬ laꞈ shmˇ caˆ paꞈ gaˇ duˇ-eu meh. Miˬyehˇ-euˬ nui kʼahˇ poˆ-eu tsawˇ haˬ cehˆ dzeuˇ nya kʼawꞈ, iˬ baˇ mˇ-eu deuˬ paꞈ leˇ-eu meh.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬsaˬgeˬlaˇ 16:15

“Ehˇ kʼawꞈ, nawˇ aˇ gʼehˇ muiˬ-awˇ tsawˇ myahˇ doˆ dui dui miˇ-a lehˇ noeˬ noeˬ-ehˇ, kʼaˇ puˬ kʼaˇ mawˇ le-eu tsawˇ haˬ nehˬ-ehˇ yuꞈ-euˬ meh.

Yeˬsaˬgeˬlaˇ 16:25

Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.

Yeˬsaˬgeˬlaˇ 16:26

Nawˬ-ahˇ miˇ kaˬ taꞈ-eu kʼaˬ miˬ sheu gaˇ cehˇ gʼa-eu Iˇjiˇtuˆ tsawˇ haˬ deuˬ-ahˇ nawˇ sheuˬ yuꞈ-awˇ, ngaˇ nui ma bi pehˇ-eu lehˇ, nawˇ meh maˬ laˇ geuꞈ dzaˬ luꞈ-eu meh.

Yeˬsaˬgeˬlaˇ 16:28

“Aˬ cawˬ kʼoeˇ myaˆ ni gʼeh-eu nehˬ-ehˇ yuꞈ-euˬ nawˇ nui kʼahˇ maˬ shiˇ-eu miˇ neh, Aˬshuˇliˆ tsawˇ haˬ deuˬ-euˬ mehˬ nah nawˇ caw teh-eu meh. Kʼoeˇ deuˬ nehˬ-ehˇ paˇ yuꞈ gʼaˬ-euˬ kʼawꞈ, nawˇ nui kʼahˇ maˬ shiˇ-a siˬ.

Yeˬsaˬgeˬlaˇ 16:41

Aˬ yawꞈ maꞈ nawˬ-euˬ nymˇ-ahˇ miˬ dzaˬ dzah puiˆ dzeh-awˇ, zaˬ miˬ zaˬ deuˬ baˬ maꞈ puˇ jeˬ-ehˇ jawˇ-eu mehˬ shi nawˬ-ahˇ kʼehˬ nehˬ kʼaˆ nehˬ tehꞈ-a. Nawˇ meh maˬ laˇ maˬ paˇ geuꞈ ni maˬ ehˇ, nawˇ mawꞈ leˇ-eu deuˬ-ahˇ nawˇ laꞈ sawˬ maˬ paˇ biꞈ ni maˬ ehˇ, ngaˇ jahˇ ma.

Yeˬsaˬgeˬlaˇ 23:19

Aˬ yawꞈ yaw nyiˇ gʼeh ngeh neh Iˇjiˇtuˆ miˇ kʼahˬ-ahˇ meh maˬ laˇ geuꞈ laꞈ-euˬ loꞈ-ehˇ, meh maˬ laˇ geuꞈ-eu tiˬ jawˇ saˇ-iˬ tiˬ jawˇ kʼaˬ dzehˬ laˇ-euˬ meh.

Yeˬsaˬgeˬlaˇ 23:44

Meh maˬ laˇ kʼoeˇ nyiˬ gʼaˬ jawˇ gaˇ aˬ yawꞈ maꞈ tiˬ kʼehˬ maˬ taˬ ni iˇ poˆ-eu meh. Cawˆ dui dui-eu zaˬ miˬ zaˬ pyeuꞈ-eu Oˬhoˬlaˬ hawˇ-eu Oˬhoˬliˇbaˬ aˬ nyaꞈ jawˇ gaˇ, aˬ yawꞈ maꞈ paˇ iˇ poˆ-eu meh.

Yeˬsaˬgeˬlaˇ 23:5

Oˬhoˬlaˬ gʼaˬ ngaˬ nehˬ-ehˇ jawˇ luꞈ ngeh neh meh maˬ laˇ geuꞈ-awˇ, Aˬshuˇliˆ tsawˇ haˬ deuˬ nehˬ-ehˇ kʼaˬ miˬ sheu-euˬ meh.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Hawˇseˬ 3:3

Meh maˬ laˇ maˬ geuꞈ ni ya dehꞈ-eu uˬ taꞈ, aˬ cawˬ nehˬ-ehˇ maˬ bahˬ ni ngaˬ-ahˇ gʼawˬ myahˇ ni ya dawˬ meh lehˇ, zaˬ miˬ zaˬ kʼoeˇ gʼaˬ-ahˇ ngaˇ ehˇ nehˬ-euˬ ma. Ngaˇ kʼawꞈ, aˇ yamˬ kʼoeˇ myah ni aˬ yawꞈ-ahˇ dawˬ ma lehˇ ehˇ nehˬ-euˬ ma.

Hawˇseˬ 4:15

“Naw maꞈ Iˇsaˬleˬlaˆ miˇ kʼahˬ, ngaˬ-ahˇ saˇ jaˇ puiˬ-awˇ dehꞈ kʼawꞈ, Yuˇdaˆ miˇ kʼahˬ kʼoeˇ loˇ maˬ ngeuˇ. Giˇlaˇgaˬlaˇ meuˬ-ahˇ taˬ le. Behˬdaˬbeˬ meuˬ-ahˇ jiˇ taˬ le. Sahˬpaˬ Miˬyehˇ tsawˇ myahˇ gʼoe-awˇ, kamˬ tsehˆ ehˇ tsehˆ-eu dawˬ taˬ ngehˬ.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Uˬ duˬ 21:9

Piˇ ma-euˬ aˬ buˇ tiˬ gʼaˬ na meh maˬ laˇ pyeuꞈ-iˇ naˇ, aˬ yawꞈ-euˬ aˬ da-ahˇ aˬ yawꞈ yehˬ bawˬ sehˇ lu-ehˇ gʼeh-eu meh. Miˬ dzaˬ-ahˇ dzah puiˆ-awˇ sehꞈ nehˬ gaˇ aˬ yawꞈ ya daˬ tehꞈ-a.

Lormav 14:22

Gaˇ kawˆ heu-ahˇ taꞈ leˇ-awˇ, yawˬ ha neh kʼaˇ jah duˬ taˬ-euˬ jeˬ yawˬ ha hawˇ-eu Miˬyehˇ yaw kaˬ-ahˇ jaˆ-eu meh. Yawˬ ha neh tsaˬ ma lehˇ noeˬ-euˬ jeˬ kʼaˬ duˬ ni mˇ-eu tsawˇ haˬ-aˬ, laˬ kʼaˬ cehˇ-eu jeˬ oꞈ-eu meh.

Dawˬmehˬ 24:16

“Zaˬ deuˬ-euˬ iˬ baˇ baˬ da neh, aˬ ma aˬ da deuˬ-ahˇ maˬ ya sehꞈ-a. Kʼoeˇ loꞈ-ehˇ duˇ ni, aˬ ma aˬ da deuˬ-euˬ iˬ baˇ baˬ da neh, zaˬ deuˬ-ahˇ kʼawꞈ maˬ ya sehꞈ-a. Tsawˇ haˬ aˬ geu gʼaˬ maˬ kaˬ, yawˬ ha-euˬ iˬ baˇ baˬ da neh tehꞈ-ehˇ sehꞈ-eu jeˬ-ahˇ ya daˬ meh.

Yaˇ kʼaˬ daˇ 19:2

Ma nyiˇ kʼoeˇ gʼaˬ aˬ yawꞈ-ahˇ nui ma pehˇ-awˇ, Behˬlehˬhehˬ meuˬ-ahˇ jaˆ-eu aˬ yawꞈ aˬ da-euˬ nymˇ-ahˇ cehˆ gʼoꞈ-euˬ meh.