Aˇ dahˬ 38:20 - Akha

²⁰ Zaˬ miˬ zaˬ kʼoeˇ gʼaˬ jawˇ gaˇ ciꞈ myehꞈ bi tsahˇ ha-iˇ-awˇ, aˬ yawꞈ neh biꞈ dah taˬ yaꞈ-euˬ myawˬ kʼoeˇ deuˬ bi yuˇ kʼoꞈ laˬ-iˇ-eu gʼaˇ duˬ, aˬ yawꞈ-euˬ cawˬ Hiˇlahˬ-ahˇ Yuˇdaˆ pyehˬ gʼeh-euˬ meh. Ehˇ kʼawꞈ, zaˬ miˬ zaˬ kʼoeˇ gʼaˬ-ahˇ Hiˇlahˬ maˬ poˆ mawˇ nya-a.

Aˇ dahˬ 38:20 ပူးပေါင်းရင်းမြစ်များ

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Aˇ dahˬ 38:1

Aˇ nah aˇ yamˬ kʼoeˇ yamˬ laꞈ kʼoeˇ, Yuˇdaˆ gʼaˬ aˬ yawꞈ-euˬ mehˇ nmˇ deuˬ-ahˇ byehˇ yaꞈ-awˇ, Aˬduˬlamˬ meuˬ-ahˇ jawˇ-eu Hiˇlahˬ lehˇ myahˇ-euˬ tsawˇ haˬ tiˬ gʼaˬ nehˬ-ehˇ jawˇ-iˇ-eu lehˇ doˆ-iˇ-euˬ meh.

Aˇ dahˬ 38:19

Taˬmaˬ iˇ kahˇ gʼoꞈ-iˇ-awˇ, aˬ yawꞈ-euˬ myaˆ pyawˬ-ahˇ dehˬ kaˬ-euˬ paˇ jeh gʼeu lehˆ-awˇ, miˬ coeˬ miˬ ma-euˬ mehˬ tsoeˬ paˇ dm paˇ-awˇ jawˇ-euˬ meh.

Aˇ dahˬ 38:21

“Gaˇ ma-ahˇ jawˇ-awˇ gʼawˇ mawˇ ahˬ dzaˬ-eu zaˬ miˬ zaˬ kʼoeˇ gʼaˬ aˬ gaˇ iˇ taˬ” lehˇ, Eˬneˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ naˇ haˬ ngeh, “Heu gaˇ gʼawˇ mawˇ ahˬ dzaˬ-eu zaˬ miˬ zaˬ tiˬ gʼaˬ-iˬ maˬ jawˇ-a” lehˇ, tsawˇ haˬ kʼoeˇ deuˬ aˬ yawꞈ-ahˇ ehˇ kʼoꞈ nehˬ-euˬ meh.

2 Saˬmeuˬlaˆ 13:3

Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ lehˇ myahˇ-euˬ Aˬmaˬnoˬ-euˬ cawˬ tiˬ gʼaˬ jawˇ-eu meh.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Luˇkaꞈ 23:12

Kʼoeˇ ngeh nah, sahˬ paˬ Heˬloˆ hawˇ-eu sahˬ paˬ Piˇlaˆ aˬ nyaꞈ gʼoeˇ leˇ-euˬ meh. Dzeuˇ laˇ ngeh aˬ yawꞈ nyaꞈ tiˬ gʼaˬ tiˇ gʼaˬ muiˇ-euˬ meh.

Yaˇ kʼaˬ daˇ 14:20

Kʼoeˇ naˇ, pyeuꞈ laˇ-euˬ gaˇ kawˆ kʼoeˇ baˬ da neh nui ma pehˇ dui dui-eu laꞈ kʼoeˇ, iˇ kahˇ-ahˇ gʼoꞈ leˇ-euˬ meh. Kʼoeˇ ngeh, Saˬsoˬ-euˬ miˬ zaˬ-ahˇ, oeˇ mˇ baˇ ngeh Saˬsoˬ nehˬ-ehˇ bi nuiˇ caw-euˬ gʼaˬ-ahˇ bi mˇ dzaˬ-iˇ-euˬ meh.