Aˇ dahˬ 38:14 - Akha

¹⁴ Kʼoeˇ ngeh, Taˬmaˬ-aˬ, aˬ yawꞈ dm luꞈ-eu miˬ coeˬ miˬ ma deuˬ dm-eu mehˬ tsoeˬ lehˆ dzeh-awˇ, aˬ yawꞈ-euˬ myaˆ pyawˬ-ahˇ paˇ jeh dehˬ kaˬ-awˇ, Tmˇnahˬ meuˬ-ahˇ iˇ-eu gaˇ ma-ahˇ jaˆ-eu Eˬneˬ meuˬ-euˬ lahˇ kʼehˬ-ahˇ nuiˇ-awˇ loꞈ-euˬ meh. Aˬ jeˬ miˇ neh ehˇ naˇ, Sheˬlahˬ huiˬ loˆ laˇ-awˇ, zaˬ daꞈ daꞈ laˇ-euˬ gaˇ aˬ yawꞈ ya mawˇ-euˬ kʼawꞈ, aˬ yawꞈ-ahˇ maˬ bi sheuˬ le-eu miˇ neh, aˬ yawꞈ kʼoeˇ loꞈ-ehˇ jahˇ-euˬ meh.

Aˇ dahˬ 38:14 ပူးပေါင်းရင်းမြစ်များ

Aˇ dahˬ 24:65

“Deh ga paw neh aˬ dui maꞈ jawˇ paw laˇ luꞈ-eu tsawˇ haˬ kʼoeˇ gʼaˬ aˬ suˇ gʼaˬ-a” lehˇ, Aˬbyaˬhaˬ-euˬ zaˬ kʼaˆ-ahˇ aˬ yawꞈ naˇ haˬ ngeh, “Ngaˬ-euˬ baw leˬ meh” lehˇ, zaˬ kʼaˆ kʼoeˇ gʼaˬ ehˇ kʼoꞈ nehˬ-euˬ meh. Kʼoeˇ ngeh, Leˬbehˇkaꞈ paˇ jeh yuˇ doˆ-awˇ, yawˬ ha-euˬ myaˆ pyawˬ-ahˇ dehˬ kaˬ-euˬ meh.

Aˇ dahˬ 38:15

Taˬmaˬ-ahˇ Yuˇdaˆ ya mawˇ ngeh, gʼawˇ mawˇ ahˬ dzaˬ-eu zaˬ miˬ zaˬ tiˬ gʼaˬ nga lehˇ noeˬ-euˬ meh. Gʼawˇ mawˇ ahˬ dzaˬ-eu deuˬ jahˇ-eu loꞈ-ehˇ, Taˬmaˬ-euˬ myaˆ pyawˬ-ahˇ paˇ jeh dehˬ kaˬ taˬ-euˬ miˇ neh, aˬ yawꞈ kʼoeˇ loꞈ-ehˇ noeˬ-euˬ meh.

Aˇ dahˬ 38:19

Taˬmaˬ iˇ kahˇ gʼoꞈ-iˇ-awˇ, aˬ yawꞈ-euˬ myaˆ pyawˬ-ahˇ dehˬ kaˬ-euˬ paˇ jeh gʼeu lehˆ-awˇ, miˬ coeˬ miˬ ma-euˬ mehˬ tsoeˬ paˇ dm paˇ-awˇ jawˇ-euˬ meh.

Aˇ dahˬ 38:26

Myawˬ kʼoeˇ deuˬ-ahˇ Yuˇdaˆ ya mawˇ ngeh, aˬ yawꞈ-euˬ myawˬ pyeuꞈ-eu tiˬ poˆ tehꞈ-ehˇ haw siˬ-awˇ, “Zaˬ miˬ zaˬ heu gʼaˬ maˬ lehˬ-a. Ngaˇ aˬ yawꞈ-ahˇ mˇ nehˬ paˬ-ehˇ gʼeh-eu jeˬ maˬ mˇ nehˬ-euˬ miˇ neh, ngaˬ-ahˇ neh ahˇ-eu meh. Ngaˇ aˬ yawꞈ-ahˇ ngaˬ li Sheˬlahˬ nehˬ-ehˇ bi sheuˬ dahˬ dzaˬ paˬ-ehˇ gʼeh-eu meh” lehˇ ehˇ-eu meh. Kʼoeˇ naˇ, zaˬ miˬ zaˬ kʼoeˇ gʼaˬ nehˬ-ehˇ Yuˇdaˆ tiˬ jawˇ-iˬ maˬ paˇ yuꞈ taꞈ ni jawˇ-euˬ meh.

Dawqdaq 7:10

Meh maˬ laˇ-euˬ mehˬ tsoeˬ dm-awˇ, yaw haiˬ jeˬ mˇ-eu lehˇ shaˇ noeˬ luꞈ-eu zaˬ miˬ zaˬ kʼoeˇ gʼaˬ, aˬ yawꞈ-ahˇ tahˬ puˬ le-euˬ meh.

Dawqdaq 7:12

Tiˬ kʼehˬ ngeuˇ naˇ gaˇ ma doe ni cah-eu ya mawˇ, tiˬ kʼehˬ ngeuˇ naˇ lehˆ lehˆ kawˆ-ahˇ cah-eu ya mawˇ-awˇ, gaˇ ma gaˇ tsmˇ kʼaˇ ngeuˇ gaˇ yawꞈ-awˇ loꞈ-eu meh.

Yeˬlaˬmiˇ 3:2

Gawˬ duˇ aˬ yawꞈ duˇ yawꞈ-ahˇ haw gʼeh sheˇ. Nawˬ neh kʼaˬ miˬ maˬ sheu doe-euˬ aˬ gaˇ jaˆ ta. Aˬlaˆ tsawˇ haˬ bawˇ tsahˬ-ahˇ tahˇ joe deh-eu loꞈ luꞈ-eu loꞈ-ehˇ, nawˬ nehˬ-ehˇ kʼaˬ miˬ sheu taꞈ-euˬ tsawˇ haˬ deuˬ-ahˇ, gaˇ ma gaˇ dzeˇ doe ni nawˇ loꞈ-eu meh. Nawˇ meh maˬ laˇ geuꞈ-awˇ dehꞈ doeˇ-eu baˬ da neh, miˇ tsaˬ tahˬ kʼawˇ jawꞈ dui dui-iˇ-euˬ meh.

Yeˬsaˬgeˬlaˇ 16:25

Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.