Aˇ dahˬ 37:5 - Akha

⁵ Tiˬ miˇ keuˆ laˇ ngeh, Yoˇsehˆ yuꞈ maˆ maˆ-awˇ, aˬ yawꞈ neh yuꞈ maˆ maˆ mawˇ-euˬ gaˇ kawˆ aˬ yawꞈ-euˬ aˇ doˆ deuˬ-ahˇ dzawˇ nehˬ ngeh, aˬ yawꞈ maꞈ aˬ yawꞈ-ahˇ paˇ bye dzehˬ laˇ-euˬ meh.

Aˇ dahˬ 37:5 ပူးပေါင်းရင်းမြစ်များ

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 28:12

Yuꞈ maˆ maˆ-eu laꞈ kʼoeˇ, mˬ hawˇ-eu miˇ-ahˇ tsoꞈ tawꞈ taˬ-euˬ dawˬ dzm dzm ma tiˬ dzm-ahˇ aˬ yawꞈ ya mawˇ-euˬ meh. Mˬ taˆ gʼaˬ kʼehˇ deuˬ dawˬ dzm kʼoeˇ dzm kʼoeˇ taˆ, mˬ hawˇ-eu miˇ yaw kaˬ-ahˇ yaˇ gaˇ gaˇ tawꞈ luꞈ-eu meh.

Aˇ dahˬ 31:10

“Jeˬ zaˬ deuˬ zaˬ shaˇ-eu aˇ yamˬ keuˆ laˇ ngeh, yaw byaꞈ byaꞈ-ehˇ gʼeh-eu jeˬ zaˬ aˬ buˬ deuˬ hawˇ-eu, yaw kawˆ kawˆ-ehˇ byaꞈ-eu jeˬ zaˬ aˬ buˬ deuˬ zaˬ shaˇ luꞈ gaˇ ngaˇ yuꞈ maˆ maˆ mawˇ-euˬ ma.

Aˇ dahˬ 31:11

Yuꞈ maˆ maˆ-eu laꞈ kʼoeˇ, Miˬyehˇ gʼaˬ kʼehˇ ngaˬ-ahˇ kuˇ le-awˇ, ngaˇ oˬ toˬ nehˬ-euˬ ma.

Aˇ dahˬ 37:4

Aˬ da gʼaˬ Yoˇsehˆ-ahˇ gaˬ dzehˬ gaˇ Yoˇsehˆ-euˬ aˇ doˆ deuˬ ya mawˇ ngeh, Yoˇsehˆ-ahˇ bye-awˇ, dawˬ yaw muiˬ paˬ-ehˇ maˬ ngehˬ cawˬ nehˬ ni jawˇ-euˬ meh.

Aˇ dahˬ 37:6

Yoˇsehˆ ehˇ-eu, “Ngaˬ neh yuꞈ maˆ maˆ-euˬ gaˇ kawˆ ngaˇ dzawˇ gaˇ tiˬ poˆ naˇ haˬ sheˇ.

Aˇ dahˬ 37:8

Aˬ yawꞈ-euˬ aˇ doˆ deuˬ ehˇ-eu, “Aˬ kaˇ nga maꞈ kʼoeˇ taˆ nawˇ sahˬ paˬ ya geuꞈ tehꞈ-a lehˇ noeˬ luꞈ te loˇ.” Aˬ yawꞈ yuꞈ maˆ kʼoeˇ loꞈ-ehˇ maˆ-euˬ miˇ neh maˬ ehˇ, yuꞈ maˆ maˆ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ nehˬ leˇ-euˬ miˇ neh maˬ ehˇ, Yoˇsehˆ-ahˇ aˬ yawꞈ maꞈ paˇ bye dzehˬ laˇ-euˬ meh.

Aˇ dahˬ 40:5

Tiˬ miˇ keuˆ laˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, sahˬ paˬ dzaˬ-eu kaˬ muˇ jahˇ-eu paw aˬ yuiꞈ geuꞈ luꞈ-eu paꞈ kuˆ-ahˇ uˇ-eu tsawˇ haˬ kʼoeˇ nyiˬ gʼaˬ, yuꞈ maˆ tiˬ gʼaˬ tiˬ jeˬ maˆ mawˇ-euˬ meh.

Aˇ dahˬ 41:1

Nyiˬ kʼoꞈ paˇ kaˇ-iˇ ngeh, Iˇjiˇtuˆ sahˬ paˬ heu loꞈ-ehˇ yuꞈ maˆ paˇ maˆ mawˇ-euˬ meh.

Aˇ dahˬ 42:9

Kʼoeˇ ngeh, Yoˇsehˆ-aˬ, aˬ ha mehˇ nmˇ gaˇ kawˆ aˇ hu aˬ yawꞈ neh yuꞈ maˆ maˆ mawˇ-euˬ gaˇ paˇ noeˬ doˆ leˇ-awˇ, “Naw maꞈ kʼoeˬ sho haw le-euˬ tsawˇ haˬ ngaˇ. Nga maꞈ-euˬ miˇ kʼahˬ gʼaˬ baˬ duˬ-ahˇ pyehˆ tseˇ haw le-euˬ ngaˇ” lehˇ, aˬ ha mehˇ nmˇ-ahˇ ehˇ nehˬ-euˬ meh.

Aˇ dahˬ 49:23

Muiˇ-eu deuˬ aˬ yawꞈ-ahˇ beuˆ sehꞈ-eu lehˇ, Kaˆ hawˇ-eu kaˆ myaˬ yuˇ-awˇ, aˬ yawꞈ mehˬ nah teh-eu meh.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Daˬyeˬlaˇ 2:1

Neˬbuˬkaˬneˬzaˬ-aˬ, aˬ yawꞈ sahˬ paˬ geuꞈ-awˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ, yuꞈ maˆ maˆ mawˇ-euˬ meh. Yuꞈ maˆ kʼoeˇ baˬ da neh aˬ yawꞈ noeˬ shaˬ dui dui-awˇ, maˬ yuꞈ kʼaˆ leˇ-a.

Daˬyeˬlaˇ 4:5

Ehˇ kʼawꞈ, ngaˇ yuꞈ kʼaˆ luꞈ ngeh, guˆ laˇ paˬ-ehˇ gʼeh-eu yuꞈ maˆ maˆ-awˇ, guˆ dui dui laˇ paˬ-ehˇ gʼeh-eu jeˬ ya mawˇ-euˬ ma.

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.