Aˇ dahˬ 37:34 - Akha

³⁴ Yaˬkoˆ-aˬ, noeˬ shaˬ dui dui-eu miˇ neh, aˬ yawꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-awˇ, noeˬ shaˬ ngeh dm-eu guˬ daˇ pehˇ zeuˇ mehˬ tsoeˬ dm-awˇ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ meh.

Aˇ dahˬ 37:34 ပူးပေါင်းရင်းမြစ်များ

Aˇ dahˬ 37:29

Lah duˬ-ahˇ Luˇbeˬ haw-iˇ ngeh, Yoˇsehˆ-ahˇ maˬ paˇ ya mawˇ-euˬ miˇ neh, noeˬ shaˬ dui dui-eu laꞈ kʼoeˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 44:13

Kʼoeˇ ngeh, aˬ ha mehˇ nmˇ noeˬ shaˬ dui dui-eu laꞈ kʼoeˇ, aˬ yawꞈ maꞈ dm luꞈ-eu mehˬ tsoeˬ cehˬ pyaˬ cehˬ shaˇ jiˇ-euˬ meh. Kʼoeˇ naˇ, mahˬ tahˬ laˆ kʼaˆ daˬ baꞈ daˆ-awˇ, mehˬ nah paw paˇ gʼoꞈ-iˇ-euˬ meh.

2 Saˬmeuˬlaˆ 1:11

Kʼoeˇ ngeh, Daˬbiˇ noeˬ shaˬ dui dui-eu laꞈ kʼoeˇ, yawˬ ha dm luꞈ-eu mehˬ tsoeˬ cehˬ pyaˬ-euˬ meh. Aˬ yawꞈ-euˬ tsawˇ haˬ dawˬ tawˆ luꞈ kʼawꞈ, kʼoeˇ loꞈ-ehˇ jahˇ-euˬ meh.

2 Saˬmeuˬlaˆ 3:31

Kʼoeˇ naˇ, “Yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, guˬ daˇ pehˇ zeuˇ mehˬ tsoeˬ dm-awˇ, Aˬbaˬnaˬ gʼaˇ duˬ tsawˇ ngoeˇ ngoeˇ-awˬ” lehˇ, Yoˇbaˬ hawˇ-eu aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-euˬ meh. Aˬbaˬnaˬ-ahˇ baꞈ pahˬ-iˇ ngeh, sahˬ paˬ Daˬbiˇ gʼaˬ mawˇ dmˬ-euˬ mehˬ nah cah-euˬ meh.

1 Sahˬpaˬ 20:31

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ jawˇ gaˇ iˇ-awˇ ehˇ-eu, “Iˇsaˬleˬlaˆ sahˬ paˬ deuˬ gʼawˬ shaˬ gaˬ-eu siˬ nya meh lehˇ ehˇ-eu nga maꞈ gaˬ haw-euˬ ma. Nga maꞈ-euˬ joꞈ-ahˇ guˬ daˇ pehˇ zeuˇ dm-awˇ, nga maꞈ-euˬ kawˬ lahˇ-ahˇ aˇ caˆ sheu lahˇ-awˇ, Iˇsaˬleˬlaˆ sahˬ paˬ jawˇ gaˇ bi le laꞈ-awˬ. Aˬ yawꞈ nawˬ-ahˇ maˬ sehꞈ ni taˬ nehˬ laꞈ-eu baw tehꞈ-a.”

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

2 Sahˬpaˬ 19:1

Gaˇ kawˆ kʼoeˇ sahˬ paˬ Heˬsaˬgiˇ ya gaˬ ngeh, noeˬ shaˬ-eu laꞈ kʼoeˇ aˬ yawꞈ dm luꞈ-eu mehˬ tsoeˬ cehˬ pyaˬ-awˇ, guˬ daˇ pehˇ zeuˇ mehˬ tsoeˬ dm paˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ le-euˬ meh.

2 Sahˬpaˬ 2:12

Kʼoeˇ loꞈ-ehˇ sheuˬ kʼoꞈ daˆ gʼeh luꞈ gaˇ Eˇliˇshehˇ ya mawˇ-awˇ, Eˇliˇyaˆ-ahˇ, “Ngaˬ da-oˇ, Iˇsaˬleˬlaˆ miˇ kʼahˬ-ahˇ haw piˇ-eu gʼaˬ pyeuꞈ-eu baoˬ huiˬ-eu ngaˬ da-oˇ, nawˇ ngaˬ-ahˇ taꞈ yaꞈ-euˬ ma loˇ” lehˇ, guˇ guˇ-ehˇ ehˇ-eu meh. Kʼoeˇ ngeh neh naˇ, Eˇliˇyaˆ-ahˇ aˬ yawꞈ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Eˇliˇshehˇ noeˬ shaˬ-eu laꞈ kʼoeˇ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, nyiˬ paˆ cehˬ paˆ doˆ gʼeh-euˬ meh.

2 Sahˬpaˬ 22:11

Zahˇ dawˬ kʼoꞈ dawˬ sahˬ boꞈ gui mehˬ nehˬ gaˇ sahˬ paˬ ya gaˬ ngeh, nui ma-ahˇ zaw leˇ-awˇ, aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh.

1 Laˬsaˬbaˬ 21:16

Mˬ taˆ gʼaˬ kʼehˇ kʼoeˇ gʼaˬ mi cehˇ tuˆ tehˬ taˬ-awˇ, Yeˬluˇsaˬlehˬ meuˬ-ahˇ laˆ cawˆ nehˬ-eu gʼaˇ duˬ lehˬ hmˬ dah-awˇ, jaˬ lehˇ kʼoeˇ taˆ yawꞈ luꞈ gaˇ Daˬbiˇ ya mawˇ-euˬ meh. Kʼoeˇ ngeh, Daˬbiˇ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, baˬ ba miˇ tsa tuˆ ni awˆ byaˆ-euˬ meh. Aˬ yawꞈ maꞈ dawˬ tawˆ luꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

1 Laˬsaˬbaˬ 7:22

Aˬ da gʼaˬ pyeuꞈ-eu Eˇpaˬleˬ-aˬ, aˬ nyaꞈ nmˇ gʼaˇ duˬ gʼawˬ mya nah tsawˇ ngoeˇ ngoeˇ-awˇ, aˬ yawꞈ-euˬ mehˇ nmˇ deuˬ aˬ yawꞈ-ahˇ gʼaˬ biꞈ nehˬ laˇ-euˬ meh.

Neˬhaˬmiˇ 9:1

Ba la kʼoeˇ siˬ nyiˬ tseˇ oeˬ nah tiˬ nah-ahˇ Iˇsaˬleˬlaˆ tsawˇ haˬ deuˬ maˬ dzaˬ maˬ dawˇ ni tiˬ gaˇ uiˬ leˇ-awˇ, aˬ yawꞈ maꞈ noeˬ shaˬ dui dui-eu jeˬ bi siˬ bi mawˇ-eu gʼaˇ duˬ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, yawˬ ha-euˬ uˬ duˬ-ahˇ kʼaˬ lehˇ tawˆ daˆ-euˬ meh.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Yawˇbaˆ 16:15

Ngaˇ ngoeˇ ngoeˇ-ehˇ guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ nuiˇ pahˬ taˬ-euˬ ma.

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Jaceuq 69:11

Noeˬ shaˬ-eu deuˬ dm-eu guˬ daˇ pehˇ zeuˇ mehˬ tsoeˬ ngaˇ dm ngeh, aˬ yawꞈ maꞈ ngaˬ-ahˇ uiˇ-eu meh.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 36:22

Kʼoeˇ naˇ, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ noeˬ shaˬ dui dui-eu laꞈ kʼoeˇ, yawˬ ha dm luꞈ-eu mehˬ tsoeˬ cehˬ pyaˬ-awˇ, Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ neh ehˇ-euˬ dawˬ deuˬ, sahˬ paˬ Heˬsaˬgiˇ-ahˇ tsaꞈ gaˬ leˇ-euˬ meh.

Yeˬlaˬmiˇ 36:24

Sahˬ boꞈ paˇ yoˆ kʼoeˇ yoˆ gui mehˬ nehˬ gaˇ ya gaˬ-euˬ kʼawꞈ, sahˬ paˬ hawˇ-eu aˬ yawꞈ-euˬ yaw huiˬ yaw mahˇ kʼoeˇ deuˬ, tiˬ gʼaˬ-iˬ guˆ gaˇ maˬ duˇ-a.

Yeˬlaˬmiˇ 48:37

Aˬ yawꞈ maꞈ dawˬ tawˆ luꞈ yawˬ ha-euˬ uˬ duˬ tsehˇ kahˇ hawˇ-eu mehˬ mahˬ jehˆ dzeh jiˇ-euˬ meh. Aˬ yawꞈ maꞈ yawˬ ha-euˬ aˬ laꞈ-ahˇ mi cehˇ neh deuˆ taˆ-awˇ, pehˇ zeuˇ neh mehˬ tsoeˬ guꞈ dm-eu meh.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 26:65

Dawˬ kʼoeˇ dawˬ-ahˇ ya gaˬ ngeh, Piˇ ma Yaw huiˬ gʼaˬ yawˬ ha dm luꞈ-eu mehˬ tsoeˬ gʼeu pyaˬ-awˇ ehˇ-eu, “Tsawˇ haˬ heu gʼaˬ Miˬyehˇ-ahˇ yehˬ bawˬ sehˇ lu-ehˇ ehˇ-euˬ meh. Saˇ kiˇ yawˬ jeˬ yawˬ maˬ paˇ loˬ meh. Aˬ yawꞈ Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ-euˬ naw maꞈ ya gaˬ-euˬ meh.

Gʼaˬkʼehˇ 14:14

Tsawˇ haˬ kʼoeˇ deuˬ kʼoeˇ loꞈ-ehˇ jahˇ-eu lehˇ gʼeh-eu gaˇ kawˆ, Baˬnaˬbaˇ hawˇ-eu Pawˇluˆ aˬ nyaꞈ ya gaˬ ngeh, aˬ yawꞈ nyaꞈ yawˬ ha dm luꞈ-eu mehˬ tsoeˬ gʼeu pyaˬ-awˇ, heu loꞈ-ehˇ guˇ guˇ-ehˇ tsawˇ haˬ aˇ maꞈ yaw kaˬ-ahˇ coeˬ uˇ gʼeh-euˬ meh.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Yaˇ kʼaˬ daˇ 11:35

Aˬ yawꞈ-euˬ aˬ buˇ-ahˇ aˬ yawꞈ ya mawˇ ngeh, noeˬ shaˬ dui dui-eu laꞈ kʼoeˇ yawˬ ha-euˬ meh tsoeˬ cehˬ pyaˬ-awˇ ehˇ-eu, “Ngaˬ buˇ-oˇ, ngaˬ-eu nui ma tsawˬ paˆ-iˇ ni nawˇ jahˇ-euˬ nga. Nawˇ-aˬ, ngaˇ shaˬ zahˬ naꞈ ni jahˇ nehˬ laꞈ-eu tsawˇ haˬ tiˬ gʼaˬ law hawˇ nga. Sahˬpaˬ Miˬyehˇ-ahˇ ngaˇ saˇ jaˇ ziꞈ dah ni dzaˬ gʼaˬ taˬ-euˬ miˇ neh, maˬ paˇ noeˬ paˇ nya meh.”