Aˇ dahˬ 37:24 - Akha

²⁴ Kʼoeˇ naˇ, aˬ yawꞈ-ahˇ nyehꞈ-awˇ, iˇ cuꞈ gui-iˇ-euˬ lah duˬ duˬ tsoeˬ laꞈ kʼoeˇ biˬ ahˇ-euˬ meh.

Aˇ dahˬ 37:24 ပူးပေါင်းရင်းမြစ်များ

Aˇ dahˬ 37:23

Aˬ yawꞈ-euˬ aˇ doˆ deuˬ jawˇ gaˇ Yoˇsehˆ iˇ keuˆ ngeh, aˬ yawꞈ dm luꞈ-eu haw muiˬ dui dui-eu pehˇ kʼahˬ pehˇ mahˇ kʼoeˇ kahˇ-ahˇ aˬ yawꞈ maꞈ nyehꞈ lehˆ-euˬ meh.

Aˇ dahˬ 37:25

Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.

Aˇ dahˬ 42:21

Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

Jaceuq 35:7

Ngaˬneh mˇbahˬ-euˬmaˬjaˆgaˇ, yaw zaꞈ-ahˇbaw gʼaꞈkʼmˇle-awˇ, ngaˇbi ga ahˇ-awˇnyehꞈ-eu lehˇ, yawꞈmaꞈshaˬduˬduˬtaˬ-euˬmeh.

Jaceuq 40:2

Shaˬzahˬguˆgaˆmyaˬdui dui-eu, lah yaˬlah shiˇkʼahˬnaꞈlaꞈkʼoeˇ, aˬyawꞈngaˬ-ahˇgʼeu doˆle-awˇ, kʼaˬlo kʼoeˇtaˆciˬdaˆlaꞈ-awˇ, ziꞈdah ni bi yawꞈlaꞈ-euˬmeh.

Jaceuq 88:6

Naꞈ dui dui-eu lmˬ bymˇ lo kʼahˬ laꞈ kʼoeˇ, zahˇ tsui ni gʼeh-eu duˬ kʼahˬ laꞈ kʼoeˇ, ngaˬ-ahˇ nawˇ biˬ ahˇ-euˬ meh.

Jaceuq 88:8

Ngaˬ-euˬ cawˬ deuˬ ngaˬ-ahˇ byehˇ dzeh ni nawˇ jahˇ-euˬ meh. Aˬ yawꞈ maꞈ ngaˬ-ahˇ nui ma naˇ ni nawˇ jahˇ-euˬ meh. Ngaˇ laꞈ coeˇ-ahˇ tehˬ leˇ taˬ-awˇ, buˬ-iˇ-eu gaˇ ma maˬ dahˇ nya. Shaˬ zahˬ naꞈ-eu miˇ neh myaˆ nuiˆ maˬ paˇ gahˇ miˇ-a.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Zaˬkaˬliˇ 9:11

Sahˬpaˬ Miˬyehˇ ehˇ-eu, “Ngaˬ neh naw maꞈ-ahˇ dzaˬ taˬ-euˬ, dawˬ ma saˇ jaˇ shiˬ baˬ da neh, duˬ kʼahˬ naꞈ gaˇ bi paꞈ taˬ-euˬ, naw maꞈ tsawˇ haˬ ngaˇ puiˇ pyehˬ ma.