Aˇ dahˬ 37:20 - Akha

²⁰ “Yuꞈ maˆ maˆ-eu gʼaˬ oe luꞈ ngaˇ. Nymˬ-mˇ poˆ jawˇ aˬ dui maꞈ aˬ yawꞈ-ahˇ sehꞈ-awˇ, gui coˇ ni gʼeh-eu lah duˬ duˬ tsoeˬ kʼoeˇ duˬ-ahˇ biˬ ahˇ ma. Bawˇ tsahˬ jeˬ zaˬ yaw haiˬ deuˬ neh aˬ yawꞈ-ahˇ kawꞈ sehꞈ-euˬ bi geuꞈ tehꞈ-a. Nymˬ-mˇ poˆ jawˇ-aˬ, aˬ yawꞈ neh yuꞈ maˆ maˆ-euˬ aˬ joˆ-ehˇ pyeuꞈ laˇ nga lehˇ bi haw law.”

Aˇ dahˬ 37:20 ပူးပေါင်းရင်းမြစ်များ

Aˇ dahˬ 37:19

Aˬ yawꞈ maꞈ tiˬ gʼaˬ tiˇ gʼaˬ ehˇ-eu,

Aˇ dahˬ 37:26

Kʼoeˇ ngeh, aˬ yawꞈ ha mehˇ nmˇ deuˬ-ahˇ Yuˇdaˆ ehˇ nehˬ-eu, “Aˬ dui mehˇ nmˇ aˬ dui-euˬ aˬ nyiˇ-ahˇ diˬ sehꞈ kʼoeˬ-awˇ laˆ zaꞈ-eu aˬ jeˬ gaˇ dahˇ tsoeˬ ta.

Aˇ dahˬ 37:32

Pehˇ kʼahˬ kʼoeˇ kahˇ aˬ yawꞈ ha mehˇ nmˇ-euˬ aˬ da jawˇ gaˇ yuˇ kʼoꞈ gʼeh-awˇ, “Pehˇ kʼahˬ heu kahˇ ga-eu nga maꞈ mawˇ-euˬ ma. Nawˬ li-euˬ pehˇ kʼahˬ maˬ ngeuˇ nga loˇ lehˇ haw duˬ sheˇ” lehˇ ehˇ nehˬ-euˬ meh.

Aˇ dahˬ 37:33

Pehˇ kʼahˬ kʼoeˇ kahˇ-ahˇ Yaˬkoˆ ya mawˇ ngeh, aˬ yawꞈ aˬ li-euˬ pehˇ kʼahˬ nga lehˇ tiˬ poˆ tehꞈ-ehˇ haw siˬ-awˇ, “Ngeuˇ ngaˇ. Ngaˬ li-euˬ pehˇ kʼahˬ ngaˇ. Ngaˬ li-aˬ, bawˇ tsahˬ jeˬ zaˬ neh bi laˆ sehꞈ-euˬ nga. Ngaˬ li Yoˇsehˆ-aˬ, bawˇ tsahˬ jeˬ zaˬ neh bi cehˬ pyaˬ bi cehˬ shaˇ jiˇ-euˬ nga” lehˇ ehˇ-eu meh.

Aˇ dahˬ 45:3

“Ngaˇ Yoˇsehˆ ma. Ngaˬ da yaw dehꞈ dehꞈ luꞈ-a siˬ loˇ” lehˇ, aˬ ha mehˇ nmˇ-ahˇ Yoˇsehˆ ehˇ nehˬ-euˬ meh. Ehˇ kʼawꞈ, dawˬ kʼoeˇ dawˬ-ahˇ aˬ ha mehˇ nmˇ ya gaˬ ngeh, guˆ dui dui-eu laꞈ kʼoeˇ tsoˆ leˇ jiˇ-awˇ, tiˬ gʼaˬ-iˬ dawˬ maˬ ngehˬ doˆ nya-a.

1 Sahˬpaˬ 13:24

Aˬ yawꞈ mahˬ tahˬ laˆ dziˬ-awˇ gʼoꞈ-iˇ luꞈ ngeh, aˇ laˬ jaˬ shiˇ tiˬ mawˇ tahˬ puˬ-awˇ bi kawꞈ sehꞈ-euˬ meh. Gaˇ ma-ahˇ aˬ yawꞈ yaw shiˇ-ehˇ ga-awˇ, mahˬ tahˬ laˆ hawˇ-eu aˇ laˬ jaˬ shiˇ kʼoeˇ mawˇ aˬ yawꞈ dawˬ peh yawꞈ luꞈ-eu meh.

2 Sahˬpaˬ 2:24

Eˇliˇshehˇ naˇ kʼah ciˬ pyawˇ-awˇ, aˬ yawꞈ maꞈ-ahˇ lmˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ yaˬ kʼehˇ yaˬ nehˬ-euˬ meh. Kʼoeˇ ngeh, kʼaˬ hmˇ aˬ ma nyiˬ mawˇ aˇ bawˇ sahˬ kʼaˆ-ahˇ neh doˆ le-awˇ, aˬ li zaˬ guˬ oeˬ tseˇ nyiꞈ gʼaˬ-ahˇ kawꞈ sehꞈ-euˬ meh.

Jaceuq 64:5

Yaw haiˬ jeˬ mˇ-eu gʼaˇ duˬ tiˬ gʼaˬ tiˇ gʼaˬ gʼaˬ biꞈ-awˇ, tsawˇ haˬ zaˬ-ahˇ lahˇ ju kʼmˇ-eu gʼaˇ duˬ, mehˬ bawˬ mˇ taꞈ-eu laꞈ kʼoeˇ, “Tiˬ gʼaˬ-iˬ maˬ siˬ maˬ mawˇ nya-aˇ” lehˇ ehˇ-eu meh.

Dawqdaq 1:10

Ngaˬ li-oˇ, iˬ baˇ mˇ-eu deuˬ nawˬ-ahˇ muˇ juˇ juˇ ngeh, aˬ yawꞈ maꞈ-ahˇ mehˬ bawˬ taˬ gm.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Dawqdaq 10:18

Bye-eu jeˬ yuˇ zaꞈ taˬ-euˬ tsawˇ haˬ jaˬ myawꞈ myawꞈ-awˇ, yaw doeˇ ja byah-eu tsawˇ haˬ aˬ dzawˬ meh.

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Yoˇhaˬ 3:12

Miˇ tsaˬ heu kʼoeˇ taˆ pyeuꞈ luꞈ-eu gaˇ kawˆ deuˬ ngaˇ ja mehˬ gaˇ naw maꞈ maˬ jah-eu-aˬ, mˬ kʼoeˇ taˆ pyeuꞈ luꞈ-eu gaˇ kawˆ deuˬ ngaˇ ja mehˬ gaˇ naw maꞈ aˬ joˆ-ehˇ paˇ jah coeˇ nmˇ.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

1 Saˬmeuˬlaˆ 24:20

Nawˇ Iˇsaˬleˬlaˆ tsawˇ jeuˬ-euˬ sahˬ paˬ pyeuꞈ laˇ-awˇ, miˇ kʼahˬ heu kʼahˬ-ahˇ ya uˆ lahˇ daˆ leꞈ tehꞈ-a.

1 Saˬmeuˬlaˆ 26:2

Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ guiˇ deuˆ nya-eu yehˇ smˬ heˇ gʼaˬ-ahˇ Sawˇluˆ sheuˬ-awˇ, Ziˇpaˬ bawˇ tsahˬ bawˇ dahˇ laꞈ kʼoeˇ Daˬbiˇ-ahˇ poˆ-iˇ-eu gʼaˇ duˬ, tiˬ poˆ tehꞈ-ehˇ doˆ-iˇ-euˬ meh.