Aˇ dahˬ 36:6 - Akha

⁶ Iˇsawˇ-aˬ, aˬ yawꞈ-euˬ miˬ sawˇ zaˬ dawˬ tawˆ luꞈ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ yawꞈ-euˬ jeˬ zaˬ dawˬ tawˆ luꞈ teh-awˇ, Kaˬnaˬ miˇ kʼahˬ-ahˇ jawˇ ngeh aˬ yawꞈ neh kʼaˇ mˇ kʼaˇ shaˇ za-euˬ pyuˇ shuiˇ myawˬ gahˬ dawˬ tawˆ luꞈ kʼawꞈ yuˇ-awˇ, Yaˬkoˆ jawˇ gaˇ neh gaˇ mahˇ kaˬ-eu miˇ kʼahˬ-ahˇ jawˇ-iˇ-eu lehˇ doˆ-iˇ-euˬ meh.

Aˇ dahˬ 36:6 ပူးပေါင်းရင်းမြစ်များ

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 13:11

Kʼoeˇ naˇ, Lawˇtaˬ gʼaˬ Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ geuꞈ ma lehˇ tsaˬ-awˇ, nahˇ ma doˆ kʼehˬ paw jawˇ-iˇ-euˬ meh. Kʼoeˇ gaˇ neh naˇ, aˬ nyaꞈ uiˬ zaˬ tiˬ gʼaˬ tiˬ paw jawˇ gʼawˬ-euˬ meh.

Aˇ dahˬ 13:6

Aˬ nyaꞈ uiˬ zaˬ jeˬ zaˬ aˇ dzehˬ myaˬ dzeuˇ-eu miˇ neh, nyiˬ gʼaˬ luꞈ tiˬ gaˇ tehꞈ-ehˇ jawˇ-eu gʼaˇ duˬ, jeˬ zaˬ jawˇ kʼahˬ maˬ jeˇ-a.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 25:23

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 36:5

Oˬhoˬliˇbaˬmaˇ gʼaˬ o neh dehꞈ le-euˬ deuˬ-aˬ, Yuˇshaˆ, Yaˬlmˬ, Kawˇlaˆ, aˬ ha smˬ mehˇ nmˇ meh. Iˇsawˇ-euˬ aˬ li heu deuˬ dawˬ tawˆ luꞈ, Kaˬnaˬ miˇ kʼahˬ laꞈ kʼoeˇ dehꞈ le-euˬ meh.

Yeˬsaˬgeˬlaˇ 27:13

Giˇliˇ meuˬ, Tuˇbaˬlaˇ meuˬ, Meˬshehˆ meuˬ heu deuˬ nehˬ-ehˇ nawˇ jeˬ gaꞈ taˬ-awˇ, nawˬ-euˬ myawˬ gahˬ deuˬ neh, zaˬ kʼaˆ deuˬ hawˇ-eu guiˬ shuiˇ neh jahˇ-euˬ mˇ myawˬ deuˬ nawˇ paˇ doˆ geuꞈ-euˬ meh.

Panmaeq 18:13

cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.