Aˇ dahˬ 36:24 - Akha

²⁴ Aˬiˇyaˬ hawˇ-eu Aˇnahˬ lehˇ myahˇ-euˬ Ziˇbyoˬ-euˬ aˬ li nyiˬ li jawˇ-eu meh. Bawˇ tsahˬ bawˇ dahˇ-ahˇ aˬ yawꞈ aˬ da-euˬ mahˬ tahˬ laˆ bo luꞈ ngeh, cuˬ tiˬ cuˬ mawˇ-euˬ gʼaˬ-aˬ, Aˇnahˬ meh.

Aˇ dahˬ 36:24 ပူးပေါင်းရင်းမြစ်များ

Aˇ dahˬ 36:2

Iˇsawˇ-aˬ, Kaˬnaˬ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ meh. Aˬ yawꞈ-euˬ miˬ zaˬ kʼoeˇ deuˬ-aˬ, Heˬtaˆ tsawˇ jeuˬ Eˇloˬ-euˬ aˬ buˇ Aˬdaˇ, Hiˇbiˇ tsawˇ jeuˬ Ziˇbyoˬ-euˬ aˬ li Aˇnahˬ-euˬ aˬ buˇ Oˬhoˬliˇbaˬmaˇ hawˇ-eu,

Aˇ dahˬ 36:23

Shawˇbaˬlaˇ-aˬ, Aˬlaˬbaˬ aˇ jeuˬ, Maˬnaˬhaˇ aˇ jeuˬ, Eˇbaˬlaˇ aˇ jeuˬ, Sheˬpoˬ aˇ jeuˬ, Awˇnaˬ aˇ jeuˬ, heu deuˬ-euˬ aˬ da yaw dzahˇ pyeuꞈ-eu meh.

Aˇ dahˬ 36:25

Aˇnahˬ-euˬ zaˬ deuˬ-aˬ, aˬ yawꞈ-euˬ aˬ li Diˇshoˬ hawˇ-eu, aˬ yawꞈ-euˬ aˬ buˇ Oˬhoˬliˇbaˬmaˇ meh.

2 Saˬmeuˬlaˆ 13:29

Aˬbaˇsaˬloˬ neh mehˬ nehˬ taˬ-euˬ loꞈ-ehˇ, aˬ yawꞈ-euˬ zaˬ kʼaˆ deuˬ neh Aˬmaˬnoˬ-ahˇ sehꞈ-euˬ meh. Kʼoeˇ ngeh, Daˬbiˇ-euˬ aˬ li dawˬ tawˆ luꞈ, yawˬ ha-euˬ mahˬ tahˬ laˆ-ahˇ yawˬ ha biˬ dziˬ-awˇ cehˆ jiˇ-euˬ meh.

2 Saˬmeuˬlaˆ 18:9

Daˬbiˇ-euˬ tsawˇ haˬ tiˬ paˆ na deuˬ-ahˇ, Aˬbaˇsaˬloˬ ja pyuˬ ni ya tahˬ puˬ-euˬ meh. Aˬbaˇsaˬloˬ mahˬ shaˆ lawˬ dziˬ luꞈ-awˇ, mahˬ shaˆ lawˬ kʼoeˇ mawˇ tsuiꞈ kaˆ aˇ bawˇ uˬ moˆ coeˬ uˇ gʼeh ngeh, aˬ yawꞈ-euˬ uˬ duˬ tsuiꞈ kaˆ aˇ bawˇ uˬ laꞈ-ahˇ coeˬ tehˬ-awˇ, mahˬ shaˆ lawˬ kʼoeˇ mawˇ coeˬ doˆ gʼeh-eu nehˬ-ehˇ, Aˬbaˇsaˬloˬ tsuiꞈ kaˆ aˇ bawˇ uˬ laꞈ-ahˇ ngeuˬ yaꞈ-euˬ meh.

1 Sahˬpaˬ 1:38

Kʼoeˇ naˇ, piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ gʼeh-awˇ, Sawˇlaˬmoˬ-ahˇ sahˬ paˬ Daˬbiˇ-euˬ mahˬ shaˆ lawˬ bi dziˬ-awˇ, Giˇhoˬ lawˇ gawˆ-ahˇ sheuˬ gʼeh-euˬ meh.

1 Sahˬpaˬ 1:44

Piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ-ahˇ aˬ yawꞈ pyehˬ gʼeh-awˇ, Sawˇlaˬmoˬ-ahˇ bi sheuˬ gʼeh-euˬ meh. Aˬ yawꞈ maꞈ neh Sawˇlaˬmoˬ-ahˇ sahˬ paˬ-euˬ mahˬ shaˆ lawˬ bi dziˬ-euˬ meh.

1 Sahˬpaˬ 4:28

Miˇ kʼahˬ kʼahˬ zaˬ kʼoeˇ deuˬ kʼoeˇ taˆ haw luꞈ pyaˆ luꞈ-eu sahˬ paˬ sahˬ ma aˬ yawꞈ gʼaˬ yawꞈ, yawˬ ha-ahˇ kʼaˇ daˇ-eu loꞈ-ehˇ, laˆ lawˬ gʼeu-eu mahˬ deuˬ hawˇ-eu mahˬ nui deuˬ bi dzaˬ-eu gʼaˇ duˬ, kʼaˇ loˬ-eu tsahˇ-ahˇ lawˬ loeˇ hawˇ-eu gʼoˆ yoeˬ tawˬ ha nehˬ-euˬ meh.

1 Laˬsaˬbaˬ 27:29

Shaˬloˬ meuˬ-ahˇ jawˇ-eu Shiˇtaˬyehˇ-aˬ, Shaˬloˬ deh ga-ahˇ cu taˬ-euˬ jeˬ zaˬ deuˬ-ahˇ haw-eu pyaˆ-eu gʼaˬ geuꞈ-euˬ meh. Aˬdaˬlehˇ-euˬ aˬ li Shaˬpaˇ-aˬ, deh kʼawꞈ doe ni cu taˬ-euˬ jeˬ zaˬ deuˬ-ahˇ haw-eu pyaˆ-eu gʼaˬ geuꞈ-euˬ meh.

Uˬ duˬ 19:19

“Ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˇ jeuˬ maˬ duˇ leˇ-eu jeˬ zaˬ yaw kaˬ, zaˬ taˬ bi caw taꞈ. Yaˇ tiˬ kawˬ laꞈ kʼoeˇ, maˬ duˇ leˇ-eu siˬ yoeˬ nuiˆ yoeˬ nyiˬ jeˬ taˬ ka keuˬ. Saˬ kahˇ hawˇ-eu yawˇ zaˬ caꞈ hm zaꞈ keuˬ-awˇ, mehˬ tsoeˬ taˬ guꞈ dm.

Zaˬkaˬliˇ 14:15

Guˆ dui dui laˇ paˬ-ehˇ gʼeh-eu naˇ gawˇ deuˬ, mahˬ deuˬ, mahˬ shaˆ lawˬ deuˬ, law taw deuˬ hawˇ-eu, mahˬ tahˬ laˆ deuˬ kʼoeˇ taˆ keuˆ le tehꞈ-a. Muiˇ-eu deuˬ-euˬ sehˬ gʼawˆ laꞈ kʼoeˇ kʼaˇ jawˇ-eu jeˬ zaˬ dawˬ tawˆ luꞈ kʼoeˇ taˆ, naˇ gawˇ kʼoeˇ keuˆ le tehꞈ-a.

Dawˬmehˬ 2:10

(Aˇlaˆ meuˬ laꞈ kʼoeˇ, gʼaˬ kʼaˆ-awˇ, huiˬ-eu goˇ-eu Eˇmiˬ lehˇ kuˇ-eu tsawˇ haˬ deuˬ jawˇ-eu meh. Aˬ yawꞈ maꞈ-aˬ, huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ naˆ ni goˇ-eu meh.