Aˇ dahˬ 35:8 - Akha

⁸ Leˬbehˇkaꞈ-ahˇ bo saˆ-eu gʼaˬ pyeuꞈ-eu Diˬboˇlaˬ shiˇ-awˇ, Beˬdeˬlaˇ meuˬ-euˬ laꞈ oˆ paw pyawˬ-ahˇ jaˆ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ nehˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ, “Tsawˇ ngoeˇ ngoeˇ-euˬ tsuiꞈ kaˆ aˇ bawˇ” lehˇ kuˇ-euˬ meh.

Aˇ dahˬ 35:8 ပူးပေါင်းရင်းမြစ်များ

Aˇ dahˬ 24:59

Kʼoeˇ miˇ neh, Leˬbehˇkaꞈ hawˇ-eu aˬ yawꞈ-ahˇ bo saˆ-eu zaˬ miˬ zaˬ zaˬ kʼaˆ-ahˇ, Aˬbyaˬhaˬ-euˬ zaˬ kʼaˆ hawˇ-eu aˬ yawꞈ-euˬ tsawˇ haˬ deuˬ nehˬ-ehˇ bi iˇ gʼeh-euˬ meh.

1 Laˬsaˬbaˬ 10:12

nui ma kʼaˬ dui dui-eu tsawˇ haˬ deuˬ iˇ-awˇ, Sawˇluˆ hawˇ-eu aˬ yawꞈ-euˬ aˬ li deuˬ-euˬ gʼawˇ mawˇ deuˬ, Jaˬbehˆ meuˬ-ahˇ baꞈ kʼoꞈ laꞈ-euˬ meh. Kʼoeˇ naˇ, tsuiꞈ kaˆ aˇ bawˇ tiˬ bawˇ dawˬ pehˬ-ahˇ duˬ pahˬ nehˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

Yaˇ kʼaˬ daˇ 2:1

Sahˬpaˬ Miˬyehˇ-euˬ mˬ taˆ gʼaˬ kʼehˇ Giˇlaˇgaˬlaˇ meuˬ-ahˇ neh Bawˇcmˇ meuˬ-ahˇ oe-awˇ, Iˇsaˬleˬlaˆ tsawˇ haˬ deuˬ-ahˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ naw maꞈ-ahˇ sheuˬ laꞈ-euˬ ma. Ngaˇ heu loꞈ-ehˇ ehˇ taˬ-euˬ ma. ‘Naw maꞈ nehˬ-ehˇ dzaˬ taˬ-euˬ ngaˬ-eu dawˬ ma saˇ jaˇ-ahˇ tiˬ jawˇ-iˬ ngaˇ maˬ puiˬ.’

Yaˇ kʼaˬ daˇ 2:5

Kʼoeˇ miˇ neh, jawˇ duˬ kʼoeˇ tsahˇ-ahˇ Bawˇcmˇ lehˇ kuˇ-euˬ meh. Kʼoeˇ tsahˇ-ahˇ, Sahˬpaˬ Miˬyehˇ-ahˇ lawˇ-eu shehˇ-eu jeˬ aˬ yawꞈ maꞈ mˇ-euˬ meh.

Yaˇ kʼaˬ daˇ 4:5

Eˇpaˬleˬ miˇ kʼahˬ gawˬ jawˬ gawˬ duˇ-ahˇ, Laˬmahˬ meuˬ hawˇ-eu Beˬdeˬlaˇ meuˬ yaw kaˬ-ahˇ jaˆ-eu daoˇ aˇ bawˬ tiˬ bawˬ dawˬ pehˬ-ahˇ aˬ yawˬ jawˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ le-awˇ yaˇ kʼaˬ bi daˇ-euˬ meh.

1 Saˬmeuˬlaˆ 10:3

Kʼoeˇ gaˇ neh mehˬ hu paw nawˇ paˇ iˇ gʼeh-awˇ, Taˬbawˬ meuˬ-ahˇ jaˆ-eu muiˬ-eu shawˇ-eu aˇ bawˇ-ahˇ nawˇ iˇ keuˆ ngeh, Beˬdeˬlaˇ meuˬ-ahˇ Miˬyehˇ-ahˇ lawˇ nehˬ leˇ-eu gʼaˇ duˬ laˇ luꞈ-eu tsawˇ haˬ smˇ gʼaˬ-ahˇ nawˇ paˇ ya tahˬ puˬ tehꞈ-a. Tsawˇ haˬ kʼoeˇ smˇ gʼaˬ laꞈ kʼoeˇ, ciꞈ myehꞈ smˬ mawˇ tiˬ gʼaˬ tsahˇ luꞈ-awˇ, kaˬ muˇ smˇ siˬ tiˬ gʼaˬ pi luꞈ-awˇ, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ gʼaˬ pi luꞈ tehꞈ-a.

1 Saˬmeuˬlaˆ 31:13

Kʼoeˇ naˇ, shaˬ yoeˬ deuˬ yuˇ doˆ-awˇ, meuˬ kʼoeˇ meuˬ-ahˇ jaˆ-eu miˬ shuˬ paꞈ muˆ aˇ bawˇ dawˬ pehˬ-ahˇ baꞈ pahˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.