Aˇ dahˬ 35:22 - Akha

²² Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Aˇ dahˬ 35:22 ပူးပေါင်းရင်းမြစ်များ

Aˇ dahˬ 35:18

Ehˇ kʼawꞈ, Laˬkeˬlaˇ shiˇ leˇ-awˇ, maˬ shiˇ tsehˆ mi naˆ-ehˇ aˬ li kʼoeˇ li-ahˇ Beˬnoˇniˆ lehˇ myahˇ nehˬ yaꞈ-euˬ meh. Aˬ da gʼaˬ neh, aˬ li kʼoeˇ li-ahˇ, Beˬyaˬmiˬ lehˇ myahˇ nehˬ-euˬ meh.

2 Saˬmeuˬlaˆ 13:21

Kʼoeˇ loꞈ-ehˇ pyeuꞈ laˇ-euˬ gaˇ kawˆ sahˬ paˬ Daˬbiˇ-ahˇ gaˬ leˇ ngeh nui ma pehˇ dui dui-euˬ meh.

2 Saˬmeuˬlaˆ 20:3

Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ hawˇ nymˇ-ahˇ Daˬbiˇ gʼoꞈ keuˆ leˇ ngeh, aˬ yawꞈ-euˬ nymˇ bi loꞈ yaꞈ-euˬ ma nyiˇ kʼoeˇ tseˇ gʼaˬ-ahˇ yaw muiˬ paˬ-ehˇ haw piˇ nehˬ-awˇ bi jawˇ-euˬ meh. Aˬ yawꞈ maꞈ kʼaˇ loˬ-eu jeˬ aˬ yawꞈ caw ba nehˬ-euˬ meh. Ehˇ kʼawꞈ, aˬ yawꞈ maꞈ nehˬ-ehˇ aˬ yawꞈ maˬ yuꞈ taꞈ-a. Aˬ yawꞈ maꞈ ziˇ dehꞈ jiˇ ngeh keuˆ ni, kʼoeˇ loꞈ-ehˇ ka lahˇ taˬ-awˇ, miˬ coeˬ miˬ ma loꞈ-ehˇ bi jawˇ-euˬ meh.

1 Laˬsaˬbaˬ 5:1

Heu-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-euˬ zaˬ deuˬ uˆ deuˬ meh. (Luˇbeˬ-aˬ, aˬ yawꞈ aˬ da-euˬ ma nyiˇ tiˬ gʼaˬ nehˬ-ehˇ joe-euˬ miˇ neh, aˬ li aˬ yuiꞈ yuiꞈ saˬ gʼaˬ-euˬ aˇ yaˬ maˬ za-ehˇ, aˇ yaˬ kʼoeˇ Yoˇsehˆ-ahˇ biꞈ-euˬ meh.

Doˆ-iˇ 2:1

Aˇ yamˬ kʼoeˇ yamˬ laꞈ kʼoeˇ, Leˬbiˇ tsawˇ haˬ kʼaˬ dzeˇ zaˬ tiˬ gʼaˬ hawˇ-eu, Leˬbiˇ tsawˇhaˬ zaˬ miˬ zaˬ tiˬ gʼaˬ sheuˬ dahˬ dzaˬ-eu meh.

Uˬ duˬ 18:8

Yawˬ ha aˬ da-euˬ ma nyiˇ deuˬ nehˬ-ehˇ yuꞈ taꞈ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ ma ya gʼeh-a.

Bawˇtsahˬ 10:14

Aˬ yawꞈ maꞈ kʼaˇ luˆ-iˇ ngeh, yawˬ ha jawˇ duˬ tsaˬ ni jawˇ-awˇ, doˆ-iˇ-eu meh. Aˬmiˇnaˬdehˇ-euˬ aˬ li Naˬshoˬ uˆ lahˇ-eu Yuˇdaˆ tsawˇ jeuˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, guiˇ maꞈ tiˬ maꞈ saˇ-iˬ tiˬ maꞈ aˬ cawˬ mehˬ hu doˆ-iˇ-euˬ meh.

Bawˇtsahˬ 13:4

Heu-aˬ, tsawˇ haˬ kʼoeˇ deuˬ-euˬ tsawˇ myahˇ deuˬ meh. Luˇbeˬ tsawˇ jeuˬ laꞈ kʼoeˇ, Zaˬkuˬlaˇ-euˬ aˬ li Shaˬmeuˬ

Gʼaˬkʼehˇ 7:8

Kʼoeˇ naˇ, Miˬyehˇ neh Aˬbyaˬhaˬ-ahˇ baˆ kʼoˆ mehˬ dzaˬ yehˬ-eu zahˇ bi jahˇ-eu laꞈ kʼoeˇ, dawˬ ma saˇ jaˇ dzaˬ-euˬ meh. Kʼoeˇ miˇ neh, Iˇtsaˆ dehꞈ le-awˇ tiˬ jaw byah laˇ ngeh, Aˬbyaˬhaˬ neh aˬ yawꞈ-euˬ aˬ li Iˇtsaˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Kʼoeˇ loꞈ-ehˇ duˇ ni, Iˇtsaˆ gʼeh, aˬ yawꞈ-euˬ aˬ li Yaˬkoˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Yaˬkoˆ gʼeh, aˬ yawꞈ-euˬ aˬ li tseˇ nyiꞈ li-ahˇ baˆ kʼoˆ mehˬ dzaˬ yehˬ nehˬ-euˬ meh. Aˬ li kʼoeˇ tseˇ nyiꞈ liˬ-aˬ, aˬ dui tsawˇ jeuˬ-euˬ tsawˇ myahˇ doˆ-eu aˬ poeˬ deuˬ pyeuꞈ-eu meh.

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

Dawˬmehˬ 27:12

“Naw maꞈ Yawˇdaˬ lawˇ baˬ tsehˆ doˆ gʼaˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ guiˬ lahˬ biꞈ-awˇ dawˬ ngehˬ gʼeh nehˬ ngeh, Suˇmoˬ tsawˇ jeuˬ, Leˬbiˇ tsawˇ jeuˬ, Yuˇdaˆ tsawˇ jeuˬ, Iˇsaˬkaˬ tsawˇ jeuˬ, Yoˇsehˆ tsawˇ jeuˬ hawˇ-eu Beˬyaˬmiˬ tsawˇ jeuˬ heu deuˬ, Geˬlaˬzmˬ gawˬ jawˬ kʼoeˇ taˆ ya yawꞈ meh.

Dawˬmehˬ 27:20

“ ‘Yawˬ ha aˬ da-euˬ miˬ zaˬ tiˬ gʼaˬ na nehˬ-ehˇ bahˬ-eu laꞈ kʼoeˇ, yawˬ ha aˬ da-ahˇ mˇ lehˬ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Panmaeq 21:14

Lahˇ kʼoeˇ lahˇ-aˬ, kʼaˬ lo lo ma tseˇ nyiꞈ siˬ kʼoeˇ taˆ gawˬ taˬ-euˬ meh. Kʼaˬ lo kʼoeˇ deuˬ kʼoeˇ taˆ, Yawˇzaˬ-euˬ gʼaˬ kʼehˇ tseˇ nyiꞈ gʼaˬ-euˬ tsawˇ myahˇ boꞈ taˬ-euˬ meh.

Yaˇ kʼaˬ daˇ 5:14

Eˇpaˬleˬ miˇ kʼahˬ-ahˇ neh deh kʼawꞈ paw, Beˬyaˬmiˬ tsawˇ jeuˬ hawˇ-eu aˬ yawꞈ maꞈ-euˬ tsawˇ haˬ mehˬ nah, aˬ yawꞈ maꞈ oe-euˬ meh. Aˬ yuiꞈ geuꞈ-awˇ uˆ lahˇ-eu deuˬ Maˬkiˬlaˇ-ahˇ neh oe ka-awˇ, yaw huiˬ yaw mahˇ deuˬ Zeˬbuˬluˬ-ahˇ neh oe ka-euˬ meh.

1 Saˬmeuˬlaˆ 2:22

Nymˬ-mˇ poˆ jawˇ, Eˇliˆ tsawˇ mawˬ mawˬ dui dui laˇ taˬ-euˬ meh. Aˬ yawꞈ-euˬ aˬ li deuˬ Iˇsaˬleˬlaˆ tsawˇ haˬ deuˬ-ahˇ aˬ joˆ-ehˇ jahˇ nehˬ luꞈ-eu gaˇ kawˆ hawˇ-eu, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ gaˇ mˇ luꞈ-eu zaˬ miˬ zaˬ deuˬ nehˬ-ehˇ yuꞈ taꞈ gaˇ keuˆ ni aˬ yawꞈ maꞈ dehꞈ cawˆ taˬ-euˬ gaˇ kawˆ-ahˇ, Eˇliˆ maˬ tsehˆ leˇ ni ya gaˬ luꞈ-eu meh.