Aˇ dahˬ 35:20 - Akha

²⁰ Laˬkeˬlaˇ-ahˇ noeˬ keuˆ-eu gʼaˇ duˬ, jawˇ duˬ kʼoeˇ tsahˇ-ahˇ, Yaˬkoˆ kʼaˬ lo tiˬ siˬ kʼahˬ tuˇ-euˬ meh. Iˬ nah keuˆ ni, Laˬkeˬlaˇ-euˬ lmˬ bymˇ kʼoeˇ maˬ byoˆ-iˇ ni jaˆ luꞈ-eu meh.

Aˇ dahˬ 35:20 ပူးပေါင်းရင်းမြစ်များ

Aˇ dahˬ 35:14

Jawˇ duˬ kʼoeˇ tsahˇ-ahˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ noeˬ keuˆ-eu gʼaˇ duˬ, kʼaˬ lo tiˬ siˬ Yaˬkoˆ kʼahˬ tuˇ-awˇ, aˬ gaꞈ dzaˇ uiˇ hawˇ-eu saˬ loˬ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Aˇ dahˬ 35:9

Maˬsoˬpoˬtaˬmiˇ miˇ kʼahˬ-ahˇ neh Yaˬkoˆ paˇ gʼoꞈ doˆ laˇ ngeh, aˬ yawꞈ-euˬ mehˬ shi Miˬyehˇ tiˬ poˆ paˇ doˆ le-awˇ, aˬ yawꞈ-ahˇ guiˬ lahˬ biꞈ le-euˬ meh.

Aˇ dahˬ 48:7

Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

1 Saˬmeuˬlaˆ 10:2

Iˬ nah, ngaˇ jawˇ gaˇ neh nawˇ gʼoꞈ-iˇ ngeh, Beˬyaˬmiˬ miˇ kʼahˬ Zeˬlaˬzahˬ meuˬ meuˬ dzeˇ jaˆ-eu Laˬkeˬlaˇ-euˬ lmˬ bymˇ dawˬ peh, tsawˇ haˬ nyiˬ gʼaˬ-ahˇ nawˇ ya tahˬ puˬ tehꞈ-a. Nawˇ poˆ luꞈ-eu mahˬ tahˬ laˆ kʼoeˇ deuˬ-ahˇ mawˇ kʼoꞈ gʼaˬ-euˬ miˇ neh, mahˬ tahˬ laˆ kʼoeˇ deuˬ gaˇ kawˆ nawˬ da maˬ paˇ noeˬ shaˬ-ehˇ, nawˬ-euˬ gʼaˇ duˬ kʼahˬ lahˇ-eu laꞈ kʼoeˇ, “Ngaˬ li-ahˇ aˬ joˆ-ehˇ jahˇ-awˇ poˆ mawˇ paˬ nga” lehˇ ehˇ luꞈ-eu gaˇ kawˆ, tsawˇ haˬ kʼoeˇ nyiˬ gʼaˬ nawˬ-ahˇ ehˇ nehˬ laꞈ tehꞈ-a.