Aˇ dahˬ 35:2 - Akha

² Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

Aˇ dahˬ 35:2 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:30

Nawˇ iˇ kahˇ-ahˇ aˇ dzehˬ dzeuˇ ni gʼoꞈ-iˇ mawꞈ-eu miˇ neh cehˆ-euˬ nga lehˇ, ngaˇ siˬ nya ma. Ehˇ kʼawꞈ, ngaˬ-euˬ nymˇ jiˇ uˬ duˬ tahˬ luꞈ-eu tahˬ pahˬ aˬ ma mawˇ kawˇ deuˬ-ahˇ, aˬ jeˬ miˇ neh nawˇ kʼoeˬ teˬ.”

Aˇ dahˬ 31:34

Tahˬ pahˬ aˬ ma mawˇ kawˇ kʼoeˇ deuˬ-ahˇ Laˬkeˬlaˇ yuˇ-awˇ, law taw kʼaˆ daˬ laꞈ kʼoeˇ nmꞈ zaꞈ-awˇ, kʼaˆ daˬ kʼoeˇ taˆ nuiˇ luꞈ-eu meh. Laˬkeˬlaˇ-euˬ sehˬ gʼawˆ gʼawˆ lah-ehˇ Laˬbaˬ goˬ doe jiˇ-euˬ kʼawꞈ, tahˬ pahˬ aˬ ma mawˇ kawˇ kʼoeˇ deuˬ-ahˇ maˬ goˬ mawˇ nya-a.

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

2 Saˬmeuˬlaˆ 7:23

Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, aˬ cawˬ tsawˇ jeuˬ-euˬ zaˬ kʼaˆ geuꞈ luꞈ ngeh nawˬ neh ka kʼoꞈ nehˬ laꞈ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ tiˬ jeuˬ-iˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ, huiˬ dui dui-eu gaˇ deuˬ hawˇ-eu, zahˬ leˇ paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˬ-euˬ tsawˇ myahˇ doˆ luꞈ meh. Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ tsawˇ haˬ deuˬ mehˬ hu paw laˇ luꞈ ngeh, aˬ cawˬ tsawˇ jeuˬ hawˇ-eu aˬ yawꞈ maꞈ-euˬ miˬyehˇ deuˬ-ahˇ nawˇ teh dzeh-euˬ meh.

2 Sahˬpaˬ 17:29

Ehˇ kʼawꞈ, Saˬmaˬliˆ meuˬ-ahˇ jawˇ-eu tsawˇ haˬ deuˬ-aˬ, aˬ yawꞈ maꞈ uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ tehˆ-awˇ, Iˇsaˬleˬlaˆ tsawˇ haˬ deuˬ neh tsoˆ taˬ-euˬ uˬ duˬ tahˬ nymˇ deuˬ laꞈ kʼoeˇ bi jaˆ-euˬ meh. Tsawˇ jeuˬ aˬ yawꞈ jeuˬ yawꞈ, yawˬ ha kʼaˇ jawˇ-eu meuˬ laꞈ kʼoeˇ tahˬ pahˬ aˬ ma mawˇ kawˇ tehˆ-euˬ meh.

2 Sahˬpaˬ 5:10

Neˬmaˬ jawˇ gaˇ Eˇliˇshehˇ zaˬ kʼaˆ tiˬ gʼaˬ pyehˬ gʼeh-awˇ, “Yawˇdaˬ lawˇ baˬ-ahˇ iˇ-awˇ, iˇ cuꞈ shiꞈ poˆ dzuiꞈ-iˇ-awˬ. Nawˬ-euˬ naˇ gawˇ taˬ leˇ tehꞈ-a” lehˇ bi ehˇ gaˬ-iˇ-euˬ meh.

1 Laˬsaˬbaˬ 16:26

Aˬ cawˬ tsawˇ jeuˬ-euˬ miˬ yehˇ deuˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui Sahˬpaˬ Miˬyehˇ, mˬ beh beh-euˬ mˬ sahˇ gʼaˬ meh.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Jaceuq 51:7

Ngaˇ shawˇ laˇ ni ngaˬ-euˬ iˬ baˇ yuˇ dzeh nehˬ laꞈ-awˬ. Saˬ laˬ saˬ behˆ naˆ maˬ tseˇ pyuˇ laˇ ni, ngaˬ-ahˇ tsiˬ shawˇ nehˬ laꞈ-awˬ.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Doˆ-iˇ 19:14

Kʼoeˇ naˇ, Moˇseˬ gawˬ jawˬ kʼoeˇ taˆ neh yaꞈ ka le-awˇ, uˬ duˬ tahˬ-eu gʼaˇ duˬ lehˬ hmˬ dah-awˬ lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-euˬ meh. Kʼoeˇ ngeh, tsawˇ haˬ kʼoeˇ deuˬ yawˬ ha-euˬ dm gʼaˬ dm lmˇ deuˬ lehˬ tsiˬ-euˬ meh.

Doˆ-iˇ 23:13

“Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼaˇ ehˇ nehˬ-eu jeˬ-ahˇ, naw maꞈ naˇ haˬ geuꞈ-awˬ. Miˬyehˇ nui gʼaˬ-ahˇ naw maꞈ uˬ duˬ maˬ ya tahˬ shaˇ-a. Aˬ yawꞈ-euˬ tsawˇ myahˇ-ahˇ tehꞈ-ehˇ kʼawꞈ maˬ ya kuˇ-a.

Dawˬ tsoˆ 5:1

Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Iˇsaˬyaˇ 1:16

Yawˬ haˇ yawˬ ha tsiˬ shawˇ-awˬ. Yawˬ haˇ yawˬ ha mˇ shawˇ-awˬ. Ngaˬ-euˬ mehˬ shi naw maꞈ kʼaˇ mˇ-euˬ yaw haiˬ jeˬ, dawˬ tawˆ luꞈ byehˇ dzeh-awˬ. Yaw haiˬ jeˬ maˬ mˇ ni dehꞈ paˇ-awˬ.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Yeˬlaˬmiˇ 16:20

Tsawˇ haˬ zaˬ yawˬ ha-euˬ miˬ yehˇ tehˆ nya ta loˇ. Maˬ tehˆ nya-aˇ. Paˇ tehˆ nya lawˬ naˇ kʼawꞈ, miˬ yehˇ maˇ maˇ ni maˬ paˇ ngeuˇ-aˇ.”

Yeˬlaˬmiˇ 5:7

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-ahˇ aˬ jeˬ miˇ neh ngaˇ iˬ baˇ ya pyehˬ ta. Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ maˬ ngeuˇ-eu deuˬ-ahˇ uˬ duˬ tahˬ-euˬ meh. Ngaˬ-euˬ tsawˇ haˬ deuˬ-ahˇ ngaˇ bi dzaˬ dehˆ-euˬ kʼawꞈ, aˬ cawˬ-euˬ zaˬ miˬ zaˬ yo-ahˇ bahˬ-awˇ, meh maˬ laˇ deuˬ nehˬ-ehˇ aˇ yamˬ laˆ jiˇ-euˬ meh.

Yeˬsaˬgeˬlaˇ 18:31

Naw maꞈ kʼaˇ mˇ kʼaˇ shaˇ luꞈ-eu yaw haiˬ jeˬ byehˇ dzeh jiˇ-awˇ, nui ma yaw shuiꞈ paˇ-awˬ. Naw maꞈ Iˇsaˬleˬlaˆ tsawˇ haˬ deuˬ aˬ jeˬ miˇ neh shiˇ mawꞈ-eu nya.

Yeˬsaˬgeˬlaˇ 20:7

Aˬ yawꞈ maꞈ nui kʼahˇ jaˆ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ biˬ dzeh jiˇ-awˇ, Iˇjiˇtuˆ miˬyehˇ deuˬ-ahˇ uˬ duˬ tahˬ-eu laꞈ kʼoeˇ yawˬ haˇ yawˬ ha maˬ shawˇ-ehˇ pyeuꞈ-iˇ ni taˬ paˇ jahˇ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Aˬ jeˬ miˇ neh ehˇ naˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Daˬyeˬlaˇ 5:4

Aˬ yawꞈ maꞈ aˬ gaꞈ dzaˇ uiˇ dawˇ dawˇ-ehˇ, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh.

Uˬ duˬ 15:5

Aˬ yawꞈ-euˬ yuꞈ zaˇ-ahˇ kʼaˇ toeˬ ciˆ leˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 17:16

Aˬ yawꞈ kʼoeˇ loꞈ-ehˇ maˬ jahˇ naˇ, kʼaˇ pyeuꞈ laˇ-euˬ jeˬ ya daˬ meh.

Bawˇtsahˬ 31:24

Shiꞈ nah tiˬ nah-ahˇ, naw maꞈ yawˬ ha-euˬ mehˬ tsoeˬ ya lehˬ tsiˬ shawˇ meh. Kʼoeˇ naˇ, naw maꞈ shawˇ laˇ-awˇ, pu-ahˇ gʼoꞈ uˇ laˇ nya meh.”

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

1 Gawˇliˬtu 10:7

Aˬ yawꞈ maꞈ tiˬ paˆ na deuˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ loꞈ-ehˇ aˬ dui maˬ ya tahˬ ni dzaw geuꞈ duˬ pyeuꞈ-eu meh. “Tsawˇ haˬ kʼoeˇ deuˬ nuiˇ-awˇ dzaˬ boˆ dawˇ boˆ boˆ-awˇ, tuˇ-awˇ gaˇ nyeh nyeh nyeh-ehˇ byawˬ gʼa mo gʼa-euˬ meh” lehˇ Jaˇliꞈ laꞈ kʼoeˇ boꞈ taˬ-euˬ meh.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 4:8

Dzeuˇ laˇ ngeh, naw maꞈ Miˬyehˇ-ahˇ maˬ siˬ nya kʼoeˇ keuˆ ni, Miˬyehˇ maˬ ngeuˇ-eu yaw sahˇ deuˬ-euˬ zaˬ kʼaˆ geuꞈ-euˬ meh.

Dawˬmehˬ 11:28

Ehˇ kʼawꞈ, zahˇ dawˬ kʼoꞈ dawˬ heu deuˬ-ahˇ maˬ naˇ haˬ geuꞈ ni byehˇ dzeh yaꞈ-awˇ, naw maꞈ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ uˬ duˬ tahˬ naˇ, yaˬ kʼehˇ yaˬ-eu jeˬ-ahˇ naw maꞈ za tehꞈ-a.

Dawˬmehˬ 32:16

Miˬyehˇ nui deuˬ jawˇ paw pyawˇ-awˇ, aˬ yawꞈ myaˆ naˆ ni mˇ-euˬ meh. Jawꞈ dui dui-eu jeˬ mˇ mehˬ-awˇ, aˬ yawꞈ nui ma bi pehˇ-euˬ meh.

Dawˬmehˬ 5:7

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Dawˬmehˬ 6:14

Miˬyehˇ nui gʼaˬ-ahˇ uˬ duˬ taˬ tahˬ. Naw maꞈ jawˇ-eu jawˬ jawˬ-ehˇ jawˇ luꞈ-eu tsawˇ jeuˬ deuˬ-euˬ miˬyehˇ deuˬ-ahˇ uˬ duˬ taˬ tahˬ.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.

Yawˇshuˆ 24:14

Kʼoeˇ naˇ, Yawˇshuˆ paˇ ehˇ-eu, “Teu miˇ neh nymˬ-mˇ Sahˬpaˬ Miˬyehˇ-ahˇ taˬ huiˬ taˬ mahˇ-awˇ, yaw tsaˬ yaw dawˇ hawˇ-eu saˇ jaˇ ziꞈ-euˬ laꞈ kʼoeˇ aˬ yawꞈ-ahˇ uˬ duˬ tahˬ-awˬ. Maˬsoˬpoˬtaˬmiˇ miˇ kʼahˬ hawˇ-eu Iˇjiˇtuˆ miˇ kʼahˬ laꞈ kʼoeˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ kʼoeˇ deuˬ-ahˇ byehˇ dzeh-awˇ, Sahˬpaˬ Miˬyehˇ-ahˇ tehꞈ-ehˇ uˬ duˬ tahˬ-awˬ.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

Yawˇshuˆ 24:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Yawˇshuˆ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Aˇ hu ba naw maꞈ-euˬ aˬ poeˬ aˬ bawˇ deuˬ Uˇpaˬlaˇ lawˇ baˬ nui baˬ paw jawˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh. Aˬ poeˬ aˬ bawˇ kʼoeˇ deuˬ laꞈ kʼoeˇ, Aˬbyaˬhaˬ hawˇ-eu Naˬkawˬ aˬ nyaꞈ nmˇ-euˬ aˬ da kʼawꞈ ahˇ-eu meh.

Yawˇshuˆ 24:20

Naw maꞈ aˬ yawꞈ-ahˇ byehˇ dzeh-awˇ, boeˇ miˬ shiˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ naˇ, aˬ yawꞈ naw maꞈ-ahˇ nui ma pehˇ-awˇ, kʼehˬ nehˬ kʼaˆ nehˬ laꞈ tehꞈ-a. Dzeuˇ laˇ ngeh, naw maꞈ kʼoeˇ taˆ aˬ yawꞈ aˇ naˆ ni muiˬ-eu ehˇ kʼawꞈ, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a.”

Yawˇshuˆ 24:23

Yawˇshuˆ ehˇ-eu, “Toˆ-ehˇ maˇ-iˬ, naw maꞈ nehˬ-ehˇ jaˆ luꞈ-eu boeˇ miˬ shiˬ kʼaˬ-euˬ miˬ yehˇ deuˬ-ahˇ byehˇ dzeh-awˇ, Iˇsaˬleˬlaˆ tsawˇ haˬ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ ma lehˇ kamˬ-awˬ.”

Yuˇdaˆ 1:23

Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.

Luˇta 1:15

Nawˇmi ehˇ-eu, “Luˇta-oˇ, nawˬ uiˬ Awˇpaˬ-aˬ, yawˬ ha-euˬ tsawˇ jeuˬ tsawˇ ca hawˇ-eu, yawˬ ha-euˬ Miˬyehˇ jawˇ gaˇ gʼoꞈ-iˇ-euˬ maˬ ngeuˇ-a loˇ. Nawˇ gʼeh aˬ yawꞈ nehˬ-ehˇ gʼoꞈ-iˇ-awˬ.”

1 Saˬmeuˬlaˆ 16:5

Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.

1 Saˬmeuˬlaˆ 7:3

Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ laˇ ehˇ nehˬ-eu, “Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ jawˇ gaˇ gʼoꞈ laˇ ma lehˇ ngeuˇ naˇ, aˬ cawˬ tsawˇ jeuˬ-euˬ miˬ yehˇ dawˬ tawˆ luꞈ hawˇ-eu Aˬshaˇtaˬyoˇ miˬ yehˇ ma-euˬ tahˬ pahˬ aˬ ma mawˇ kawˇ-ahˇ naw maꞈ ya byehˇ dzeh yaꞈ meh. Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ aˬ diˇ aˬ maˇ a nehˬ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Piˇliˇtiˆ tsawˇ haˬ-euˬ aˬ laꞈ laꞈ kʼoeˇ, naw maꞈ-ahˇ aˬ yawꞈ ka kʼoꞈ nehˬ laꞈ tehꞈ-a.”