Aˇ dahˬ 35:18 - Akha

¹⁸ Ehˇ kʼawꞈ, Laˬkeˬlaˇ shiˇ leˇ-awˇ, maˬ shiˇ tsehˆ mi naˆ-ehˇ aˬ li kʼoeˇ li-ahˇ Beˬnoˇniˆ lehˇ myahˇ nehˬ yaꞈ-euˬ meh. Aˬ da gʼaˬ neh, aˬ li kʼoeˇ li-ahˇ, Beˬyaˬmiˬ lehˇ myahˇ nehˬ-euˬ meh.

Aˇ dahˬ 35:18 ပူးပေါင်းရင်းမြစ်များ

Aˇ dahˬ 30:1

Laˬkeˬlaˇ-aˬ, Yaˬkoˆ gʼaˇ duˬ zaˬ tiˬ gʼaˬ-iˬ maˬ bi jawˇ le nya-eu miˇ neh aˬ yawꞈ-euˬ aˬ yuiꞈ Leˇaˬ-ahˇ myaˆ naˆ-awˇ, “Ngaˬ-ahˇ zaˬ bi jawˇ le nehˬ laꞈ. Zaˬ maˬ jawˇ le naˇ, shiˇ-eu maˬ ngeuˇ naˇ maˬ paˇ dzeˇ miˇ-a” lehˇ Yaˬkoˆ-ahˇ ehˇ nehˬ-euˬ meh.

Aˇ dahˬ 35:17

Aˬ yawꞈ uˬ maˆ yaw kʼaˆ-ehˇ naˇ luꞈ ngeh, aˬ yawꞈ aˬ nyiˇ ciˬ gaˇ haw nehˬ-eu zaˬ miˬ zaˬ kʼoeˇ gʼaˬ aˬ yawꞈ-ahˇ, “Laˬkeˬlaˇ-oˇ, taˬ guˆ. Aˬ li tiˬ li paˇ dehꞈ le-euˬ nga” lehˇ ehˇ nehˬ-euˬ meh.

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

Aˇ dahˬ 35:24

Laˬkeˬlaˇ o neh jawˇ le-euˬ aˬ li deuˬ-aˬ, Yoˇsehˆ hawˇ-eu Beˬyaˬmiˬ aˬ nyaꞈ nmˇ meh.

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 42:4

Ehˇ kʼawꞈ, Yoˇsehˆ nehˬ-ehˇ tiˬ uˇ pyehˆ zaˬ pyeuꞈ-eu Beˬyaˬmiˬ gʼaˬ-ahˇ, Yaˬkoˆ maˬ bi iˇ-a. Aˬ jeˬ miˇ neh ehˇ naˇ, Beˬyaˬmiˬ-ahˇ tiˬ jeˬ paˬ pyeuꞈ laˇ gaˇ Yaˬkoˆ kʼahˬ lahˇ-eu meh.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 49:27

Beˬyaˬmiˬ-aˬ, smˇ dui dui-eu kʼaˬ yehˇ-ahˇ duˇ-eu meh. Uˬ ciꞈ nah gʼahˇ maˬ tseˇ ni aˬ cawˬ-ahˇ kawꞈ sehꞈ-awˇ, dzaˬ nawˆ nawˆ tehꞈ-a” lehˇ, aˬ ha mehˇ nmˇ-ahˇ Yaˬkoˆ ehˇ nehˬ-euˬ meh.

1 Laˬsaˬbaˬ 4:9

Yaˬbehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-euˬ aˬ yuiꞈ aˬ nyiˇ deuˬ laꞈ kʼoeˇ, aˬ yawꞈ-ahˇ aˬ cawˬ yaw zeu baw dzehˬ-eu meh. Aˬ yawꞈ dehꞈ le ngeh, aˬ yawꞈ-euˬ aˬ ma gʼaˬ uˬ maˆ naˇ dui dui-euˬ miˇ neh, aˬ yawꞈ-euˬ aˬ ma neh Yaˬbehˆ/f 4.9 *‘Yaˬbehˆ’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘gawˇ-eu’ lehˇ ehˇ mawꞈ-euˬ meh.* lehˇ myahˇ nehˬ-euˬ meh.

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Jaceuq 80:17

Nawˬ neh tseˇ doˆ-awˇ bi huiˬ bi mahˇ laˇ-euˬ tsawˇ jeuˬ-ahˇ bo saˆ haw piˇ nehˬ-awˬ.

Doˆ-iˇ 12:7

Jeˬ zaˬ sehꞈ-awˇ dzaˬ-eu lehˇ lehˬ hmˬ taˬ-euˬ nymˇ deuˬ-euˬ nymˇ laˇ gʼoˆ kʼoeˇ dzeˇ heu dzeˇ jaˆ-eu laˇ gʼoˆ bahˬ hawˇ-eu laˇ gʼoˆ-euˬ kʼoeˇ taˆ paw dzaˬ-ahˇ, jeˬ zaˬ-euˬ shiˬ ui cuiˆ aˬ yawꞈ maꞈ ya lehꞈ meh.

Ngoeˇ dawˬ 2:12

Guiˇ bi deuˆ tahˬ-euˬ deuˬ loꞈ-ehˇ, meuˬ-euˬ gʼahˇ ceh gaˇ ma doe ni, myaꞈ leˇ taˬ-awˇ ga luꞈ-eu meh. “Hawˬ bi dzaˬ nehˬ laꞈ-awˬ leˇ” lehˇ, aˬ ma-ahˇ shaˇ-eu zaˬ kʼoeˇ deuˬ, aˬ ma deuˬ-euˬ bawˇ kʼahˇ laꞈ kʼoeˇ, saꞈ gʼawˇ tsehˆ-eu shaˬ luꞈ-eu meh.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.