Aˇ dahˬ 35:16 - Akha

¹⁶ Yaˬkoˆ hawˇ-eu aˬ yawꞈ-euˬ tsawˇ haˬ deuˬ, Beˬdeˬlaˇ meuˬ-ahˇ neh mehˬ hu paw paˇ iˇ gʼeh-awˇ, Eˇpaˬlaˇ meuˬ-ahˇ maˬ kaˬ maˬ kaˇ-ehˇ jaˆ-eu jawˇ duˬ-ahˇ iˇ keuˆ ngeh, Laˬkeˬlaˇ aˬ nyiˇ ciˬ-eu aˇ yamˬ tsaˬ laˇ-awˇ, uˬ maˆ naˇ dui dui laˇ-euˬ meh.

Aˇ dahˬ 35:16 ပူးပေါင်းရင်းမြစ်များ

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

Aˇ dahˬ 48:7

Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

2 Sahˬpaˬ 5:19

Kʼoeˇ naˇ, “Nui saˇ oꞈ-eu laꞈ kʼoeˇ gʼoꞈ leˇ-awˬ” lehˇ Eˇliˇshehˇ ehˇ ngeh, Neˬmaˬ doˆ-iˇ-euˬ meh. Neˬmaˬ ui cuiˆ iˇ kaˬ ngeh,

1 Laˬsaˬbaˬ 2:19

Aˬzuˇbaˬ shiˇ ngeh jawˇ, Eˇpaˬlaˇ-ahˇ Gaˬlehˆ sheuˬ-awˇ, Huˇyaˆ lehˇ myahˇ-euˬ aˬ li tiˬ li jawˇ le-euˬ meh.

Jaceuq 132:6

Behˬlehˬhehˬ meuˬ laꞈ kʼoeˇ, Dawˬ ma saˇ jaˇ Bahˬ keuˆ gaˇ kawˆ aˬ dui ya gaˬ-awˇ, Yeˬlmˬ deh ga laꞈ kʼoeˇ, Bahˬ keuˆ kʼoeˇ mawˇ-euˬ ma.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maꞈtehˬ 2:1

Sahˬ paˬ Heˬloˆ uˆ lahˇ luꞈ-eu aˇ yamˬ laꞈ kʼoeˇ, Yuˇdaˆ miˇ kʼahˬ Behˬlehˬhehˬ meuˬ-ahˇ Yeˬsuˇ dehꞈ le-euˬ meh. Kʼoeˇ ngeh, aˬ guiˇ gaˇ kawˆ siˬ nya-eu zaˬ siˬ tsawˇ gahˇ ahˇ-eu deuˬ, nahˇ ma doˆ kʼehˬ paw neh Yeˬluˇsaˬlehˬ meuˬ-ahˇ laˇ-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:18

“Tsawˇ ngoeˇ ngoeˇ dui dui-eu teˇ saˇ, Laˬmahˇ meuˬ-ahˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Zaˬ bi shiˇ byoˆ jiˇ-euˬ miˇ neh, maˬ muˇ taˬ nya ni ngoeˇ luꞈ meh.”

1 Tiˆmoˇseˬ 2:15

Ehˇ kʼawꞈ, zaˬ miˬ zaˬ tiˬ gʼaˬ nui nahˬ nui yu ahˇ-eu laꞈ kʼoeˇ, jah-eu jeˬ, gʼoeˇ-eu gaˬ-eu jeˬ hawˇ-eu, muiˬ-eu shawˇ-eu jeˬ laꞈ kʼoeˇ ziꞈ luꞈ naˇ, zaˬ ciˬ zaˬ cu mˇ-eu baˬ da neh ka kʼoꞈ-eu jeˬ za nya tehꞈ-a.

Luˇta 1:2

Tsawˇ haˬ kʼoeˇ gʼaˬ-euˬ tsawˇ myahˇ Aˬliˇmaˬlehˇ pyeuꞈ-awˇ, aˬ yawꞈ-euˬ nymˇ dahˬ-aˬ, Nawˇmi meh. Aˬ yawꞈ-euˬ aˬ li nyiˬ gʼaˬ-aˬ, Maˬhaˬloˬ hawˇ-eu, Ciˇlahˬ meh. Aˬ yawꞈ maꞈ-aˬ, Eˇpaˬlaˇ aˇ jeuˬ aˇ ca pyeuꞈ-eu meh. Mawˇbaˆ miˇ kʼahˬ-ahˇ aˬ yawꞈ maꞈ iˇ-awˇ jawˇ-euˬ meh.

Luˇta 4:11

Aˬ yuiꞈ aˬ tsu kʼoeˇ deuˬ hawˇ-eu, kʼoeˇ gaˇ jawˇ luꞈ-eu tsawˇ haˬ deuˬ ehˇ-eu, “Ngeuˇ ma. Nga maꞈ saˇ kiˇ pyeuꞈ-eu ma. Nawˬ-euˬ nymˇ-ahˇ jawˇ uˇ le-euˬ zaˬ miˬ zaˬ heu gʼaˬ-ahˇ, Sahˬpaˬ Miˬyehˇ gʼawˬ shaˬ gaˬ nehˬ-awˇ, Yaˬkoˆ gʼaˇ duˬ zaˬ gʼawˬ mya ni bi jawˇ le-euˬ Laˬkeˬlaˇ hawˇ-eu Leˇaˬ loꞈ-ehˇ bi pyeuꞈ laˇ luꞈ-uˇ. Eˇpaˬlaˇ aˇ jeuˬ aˇ ca deuˬ laꞈ kʼoeˇ, nawˇ-aˬ, smˇ muiˬ muiˬ dui dui laˇ-awˇ, Behˬlehˬhehˬ meuˬ laꞈ kʼoeˇ tsawˇ myahˇ doˆ luꞈ-uˇ.

1 Saˬmeuˬlaˆ 10:2

Iˬ nah, ngaˇ jawˇ gaˇ neh nawˇ gʼoꞈ-iˇ ngeh, Beˬyaˬmiˬ miˇ kʼahˬ Zeˬlaˬzahˬ meuˬ meuˬ dzeˇ jaˆ-eu Laˬkeˬlaˇ-euˬ lmˬ bymˇ dawˬ peh, tsawˇ haˬ nyiˬ gʼaˬ-ahˇ nawˇ ya tahˬ puˬ tehꞈ-a. Nawˇ poˆ luꞈ-eu mahˬ tahˬ laˆ kʼoeˇ deuˬ-ahˇ mawˇ kʼoꞈ gʼaˬ-euˬ miˇ neh, mahˬ tahˬ laˆ kʼoeˇ deuˬ gaˇ kawˆ nawˬ da maˬ paˇ noeˬ shaˬ-ehˇ, nawˬ-euˬ gʼaˇ duˬ kʼahˬ lahˇ-eu laꞈ kʼoeˇ, “Ngaˬ li-ahˇ aˬ joˆ-ehˇ jahˇ-awˇ poˆ mawˇ paˬ nga” lehˇ ehˇ luꞈ-eu gaˇ kawˆ, tsawˇ haˬ kʼoeˇ nyiˬ gʼaˬ nawˬ-ahˇ ehˇ nehˬ laꞈ tehꞈ-a.

1 Saˬmeuˬlaˆ 4:20

Aˬ yawꞈ shiˇ leˇ luꞈ ngeh, aˬ yawꞈ aˬ nyiˇ ciˬ gaˇ caw ba le-euˬ zaˬ miˬ zaˬ kʼoeˇ gʼaˬ aˬ yawꞈ-ahˇ, “Nui ma kʼaˬ duˬ ni taˬ-awˬ. Nawˇ aˬ li tiˬ li ciˬ gʼaˬ-euˬ meh” lehˇ ehˇ nehˬ kʼawꞈ, aˬ yawꞈ-ahˇ gaˬ leˇ gaˇ maˬ duˇ ni, ciˬ cuˇ ni jawˇ-eu meh.