Aˇ dahˬ 35:11 - Akha

¹¹ Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 35:11 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 17:16

Ngaˇ aˬ yawꞈ-ahˇ guiˬ lahˬ biꞈ-awˇ, nawˬ-euˬ gʼaˇ duˬ aˬ li tiˬ li bi ciˬ ma. Aˬ yawꞈ-ahˇ ngaˇ dawˬ ngehˬ gʼeh nehˬ-awˇ, tsawˇ jeuˬ dawˬ tawˆ luꞈ-euˬ aˬ ma ma dzahˇ bi pyeuꞈ laˇ ma. Aˬ yawꞈ-euˬ zaˬ deuˬ uˆ deuˬ laꞈ kʼoeˇ sahˬpaˬ deuˬ kʼawꞈ doˆ laˇ tehꞈ-a.”

Aˇ dahˬ 17:4

“Ngaˇ nawˬ nehˬ-ehˇ heu loꞈ-ehˇ dawˬ ma saˇ jaˇ dzaˬ-eu ma. Nawˇ-aˬ, tsawˇ jeuˬ gʼawˬ mya jeuˬ-euˬ aˬ da yaw dzahˇ ya pyeuꞈ laˇ tehꞈ-a lehˇ, ngaˇ saˇ jaˇ biꞈ-eu ma.

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Aˇ dahˬ 18:18

Aˬ yawꞈ-euˬ zaˬ deuˬ uˆ deuˬ-aˬ, tsawˇ myahˇ doˆ-awˇ baoˬ huiˬ-eu tsawˇ jeuˬ pyeuꞈ laˇ tehꞈ-a. Aˬ yawꞈ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 28:14

Nawˬ-euˬ zaˬ nawˬ-euˬ uˆ deuˬ, miˇ tsaˬ kʼoeˇ taˆ jaˆ-eu kʼaˬ lehˇ loꞈ-ehˇ myaˬ dui dui laˇ tehꞈ-a. Miˇ tsaˬ heu yawˬ paw yawˬ na luꞈ aˬ yawꞈ maꞈ jawˇ byah jiˇ tehꞈ-a. Nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 32:12

Ngaˬ-euˬ zaˬ ngaˬ-euˬ uˆ deuˬ-ahˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deuˬ loꞈ-ehˇ, tsawˇ haˬ tiˬ gʼaˬ-iˬ maˬ gui jiˇ coeˇ ni bi jeuˬ bi o le-awˇ, ngaˬ-ahˇ yaw muiˬ-ehˇ haw piˇ nehˬ ma lehˇ, nawˬ neh ehˇ taˬ-euˬ dawˬ-ahˇ taˬ ngehˇ nehˬ laꞈ.”

Aˇ dahˬ 36:31

Iˇsaˬleˬlaˆ miˇ kʼahˬ laꞈ kʼoeˇ sahˬ paˬ maˬ jawˇ mi naˆ-ehˇ, Eˬdoˬ miˇ kʼahˬ-ahˇ tiˬ gʼaˬ saˇ-iˬ tiˬ gʼaˬ uˆ lahˇ ka leꞈ-euˬ sahˬ paˬ deuˬ-aˬ, heu deuˬ meh.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 47:27

Iˇsaˬleˬlaˆ tsawˇ haˬ deuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Goˬsheˬ lehˇ kuˇ-eu jawˇ duˬ-ahˇ jawˇ-awˇ, smˇ muiˬ muiˬ dui dui laˇ-euˬ uˬ taꞈ, tsawˇ haˬ behˇ laˇ tehˇ tehˬ luꞈ-eu meh.

Aˇ dahˬ 9:1

Noˇaˬ hawˇ-eu aˬ yawꞈ-euˬ aˬ li deuˬ-ahˇ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ-euˬ meh. “Miˇ tsaˬ kʼoeˇ taˆ naw maꞈ-euˬ zaˬ deuˬ dehꞈ byah jawˇ byah jiˇ ngeh keuˆ ni jeuˬ le o le-awˬ.

Aˇ dahˬ 9:7

Naw maꞈ zaˬ myaˬ laˇ-awˇ, naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ tehꞈ-a” lehˇ ehˇ nehˬ-euˬ meh.

1 Laˬsaˬbaˬ 16:16

Aˬbyaˬhaˬ-ahˇ dzaˬ-euˬ saˇ jaˇ, Iˇtsaˆ-ahˇ biꞈ-euˬ saˇ jaˇ kʼoeˇ, mˬ maˬ maˬ byaˆ zaˇ ziˇ taˬ ngehˇ.

1 Laˬsaˬbaˬ 16:17

Mˬ maˬ maˬ byaˆ ziꞈ-euˬ saˇ jaˇ, Yaˬkoˆ hawˇ-eu Sahˬpaˬ Miˬyehˇ, dzaˬ taꞈ yaꞈ-euˬ jaˆ luꞈ-eu meh.

1 Laˬsaˬbaˬ 16:18

“Kaˬnaˬ miˇ kʼahˬ nawˬ-ahˇ biꞈ-awˇ, nawˬ-euˬ bi pyeuꞈ tsehˆ-euˬ ma” lehˇ, dzaˬ taˬ-euˬ saˇ jaˇ jaˆ-eu meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Uˬ duˬ 26:42

Yaˬkoˆ, Iˇtsaˆ, Aˬbyaˬhaˬ aˬ ha maꞈ-ahˇ ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-awˇ, miˇ kʼahˬ kʼoeˇ kʼahˬ ngaˬ-euˬ tsawˇ haˬ deuˬ-ahˇ biꞈ ma lehˇ, ngaˬ neh ehˇ tsehˆ taˬ-euˬ loꞈ-ehˇ, yaw shuiꞈ shuiꞈ-ehˇ ngaˇ paˇ noeˬ paˇ ma.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”