Aˇ dahˬ 34:1 - Akha

¹ Tiˬ nah keuˆ laˇ ngeh, Kaˬnaˬ tsawˇ haˬ zaˬ miˬ zaˬ deuˬ jawˇ gaˇ, Yaˬkoˆ hawˇ-eu Leˇaˬ aˬ nyaꞈ dzeˇ zaˬ-euˬ aˬ buˇ Diˇnaˆ dawˬ deh gʼa leˇ-euˬ meh.

Aˇ dahˬ 34:1 ပူးပေါင်းရင်းမြစ်များ

Aˇ dahˬ 26:34

Iˇsawˇ oeˬ tseˇ kʼoꞈ byah laˇ ngeh, Heˬtaˆ tsawˇ jeuˬ zaˬ miˬ zaˬ nyiˬ gʼaˬ-ahˇ sheuˬ-euˬ meh. Zaˬ miˬ zaˬ kʼoeˇ nyiˬ gʼaˬ-aˬ Beˬliˇ-euˬ aˬ buˇ Juˇdiˆ hawˇ-eu Eˇloˬ-euˬ aˬ buˇ Baˬseˬmaˇ pyeuꞈ-eu meh.

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

Aˇ dahˬ 28:6

Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-awˇ, Maˬsoˬpoˬtaˬmiˇ miˇ kʼahˬ-ahˇ miˬ zaˬ bi sheuˬ leˇ-euˬ gaˇ kawˆ, Iˇsawˇ ya siˬ-euˬ meh. Yaˬkoˆ-ahˇ Iˇtsaˆ dawˬ ngehˬ gʼeh nehˬ ngeh, “Kaˬnaˬ miˇ kʼahˬ-ahˇ jawˇ-eu zaˬ miˬ aˬ buˇ deuˬ-ahˇ taˬ sheuˬ” lehˇ ehˇ nehˬ-euˬ gaˇ kawˆ kʼawꞈ, aˬ yawꞈ ya siˬ-euˬ meh.

Aˇ dahˬ 30:13

Kʼoeˇ ngeh, Leˇaˬ ehˇ-eu, “Ngaˇ laˬ kʼaˬ cehˇ dui dui nya. Aˬ kaˇ naˇ, zaˬ miˬ zaˬ deuˬ ngaˬ-ahˇ Laˬ kʼaˬ cehˇ-eu gʼaˬ” lehˇ kuˇ tehꞈ-a lehˇ ehˇ-awˇ, aˬ li kʼoeˇ li-ahˇ Aˬshaˬ lehˇ myahˇ nehˬ-euˬ meh.

Aˇ dahˬ 30:21

Kʼoeˇ naˇ, aˬ yawꞈ aˬ buˇ tiˬ buˇ paˇ jawˇ le-awˇ, Diˇnaˆ lehˇ myahˇ nehˬ-euˬ meh.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 46:15

Heu deuˬ-aˬ, Maˬsoˬpoˬtaˬmiˇ miˇ kʼahˬ-ahˇ jawˇ ngeh dehꞈ le-euˬ Diˇnaˆ nehˬ-ehˇ tiˬ uˇ pyehˆ zaˬ deuˬ tehꞈ meh. Aˬ yawꞈ maꞈ-aˬ, Yaˬkoˆ-euˬ miˬ zaˬ Leˇaˬ gʼaˬ o neh dehꞈ le-euˬ deuˬ tehꞈ meh. Leˇaˬ o neh dehꞈ le-euˬ zaˬ deuˬ hawˇ-eu oeˬ paˬ deuˬ dawˬ tawˆ luꞈ, zaˬ yo aˬ li tehꞈ-ehˇ smˬ tseˇ smˇ gʼaˬ byah-eu meh.

Yeˬlaˬmiˇ 2:36

Aˬ cawˬ tsawˇ jeuˬ-euˬ miˬ yehˇ deuˬ-ahˇ caw teh-eu laꞈ kʼoeˇ, naw maꞈ yawˬ haˇ yawˬ ha laˆ shaˬ-eu meh. Aˬshuˇliˆ tsawˇ jeuˬ neh myaˆ pyawˬ bi laˆ cawˆ-euˬ loꞈ-ehˇ, Iˇjiˇtuˆ tsawˇ jeuˬ neh paˇ bi laˆ cawˆ gaˇ keuˆ tehꞈ-a.

1 Tiˆmoˇseˬ 5:13

Tiˬ nymˇ saˇ-iˬ tiˬ nymˇ cah cah-ehˇ aˇ yamˬ gʼa jiˇ-eu jeˬ aˬ yawꞈ maꞈ mˇ nya laˇ-eu meh. Kʼoeˇ naˆ maˬ tseˇ doeˇ-eu jeˬ pyeuꞈ-eu, aˬ cawˬ gaˇ kawˆ maˬ ja paˬ-ehˇ gʼeh-eu jeˬ-ahˇ keuˆ ni ja ja-ehˇ cah-eu jeˬ-ahˇ mˇ nya laˇ-eu meh.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.