Aˇ dahˬ 33:8 - Akha

⁸ “Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 33:8 ပူးပေါင်းရင်းမြစ်များ

Aˇ dahˬ 32:5

Ngaˇ-aˬ, mawˇ neˇ, mahˬ tahˬ laˆ, yawˇ, ciꞈ myehꞈ deuˬ jawˇ-awˇ, zaˬ kʼaˆ deuˬ kʼawꞈ cu taˬ-euˬ ma. Nawˇ ngaˬ-ahˇ gʼawˬ shaˬ gaˬ nehˬ laꞈ-awˇ, bi gʼoꞈ jawˇ le tehꞈ-a lehˇ noeˬ tmˬ dui dui-eu laꞈ kʼoeˇ, heu loꞈ-ehˇ tsaꞈ ahˇ leꞈ-euˬ ma.”

Aˇ dahˬ 32:6

Dawˬ tsaꞈ bi tsaꞈ-iˇ-euˬ deuˬ gʼoꞈ keuˆ laˇ-awˇ ehˇ-eu, “Nawˬ-euˬ aˇ doˆ Iˇsawˇ jawˇ gaˇ nga maꞈ iˇ keuˆ yaꞈ-euˬ ma. Nawˬ-ahˇ tahˬ puˬ laˇ-eu lehˇ, tsawˇ haˬ oeˬ yaˇ gʼaˬ sheuˬ-awˇ aˬ yawꞈ laˇ luꞈ meh.” Kʼoeˇ ngeh, Yaˬkoˆ noeˬ shaˬ-awˇ guˆ-euˬ meh.

Aˇ dahˬ 33:7

Kʼoeˇ deuˬ-euˬ jeˬ nah, Leˇaˬ hawˇ-eu aˬ yawꞈ-euˬ zaˬ deuˬ oe-awˇ, awˆ byaˆ-eu laꞈ kʼoeˇ, Iˇsawˇ-ahˇ yaw zeu baw nehˬ-euˬ meh. Laˬkeˬlaˇ hawˇ-eu Yoˇsehˆ aˬ nyaꞈ ma zaˬ aˬ cawˬ jeˬ nah nah saˬ oe-awˇ, awˆ byaˆ-eu laꞈ kʼoeˇ, Iˇsawˇ-ahˇ yaw zeu baw nehˬ-euˬ meh.

Aˇ dahˬ 39:5

Iˇjiˇtuˆ tsawˇ haˬ kʼoeˇ gʼaˬ-euˬ nymˇ jiˇ-ahˇ Yoˇsehˆ haw pyaˆ dahˬ beh ngeh nah neh, Yoˇsehˆ baˬ da neh nymˇ kʼoeˇ nymˇ-ahˇ Sahˬpaˬ Miˬyehˇ guiˬ lahˬ biꞈ-eu loꞈ-ehˇ, nymˇ laꞈ kʼoeˇ laꞈ nyiˇ kʼaˇ jaˆ-eu tsawˇ haˬ kʼoeˇ gʼaˬ-euˬ pyuˇ shuiˇ myawˬ gahˬ deuˬ myaˬ laˇ luꞈ-eu meh.

Iˇsaˬtaˆ 2:17

Zaˬ miˬ aˬ buˇ zaˬ guˬ dawˬ tawˆ luꞈ laꞈ kʼoeˇ, aˬ yawꞈ-ahˇ sahˬ paˬ mawꞈ dzehˬ leˇ-awˇ, dawˬ tawˆ luꞈ naˆ maˬ tseˇ aˬ yawꞈ-ahˇ gaˬ dzehˬ-euˬ meh. Aˬ yawꞈ-euˬ uˬ duˬ-ahˇ sahˬ paˬ miˬ zaˬ kʼoˆ-eu shuiˇ uˬ kʼoˆ nyehꞈ kʼoˆ nehˬ-awˇ, Baˬshaˬtiˇ-euˬ dah zaˇ sahˬ paˬ miˬ zaˬ bi geuꞈ-euˬ meh.