Aˇ dahˬ 33:5 - Akha

⁵ Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Aˇ dahˬ 33:5 ပူးပေါင်းရင်းမြစ်များ

Aˇ dahˬ 30:2

Kʼoeˇ ngeh, Yaˬkoˆ nui ma pehˇ laˇ-awˇ, “Ngaˇ Miˬyehˇ-euˬ dah zaˇ mˇ dah nya ta loˇ. Nawˬ-ahˇ zaˬ maˬ bi jawˇ le ni jahˇ nehˬ-euˬ gʼaˬ Miˬyehˇ maˬ ngeuˇ-a loˇ” lehˇ ehˇ nehˬ-euˬ meh.

Aˇ dahˬ 33:6

Kʼoeˇ naˇ, ma nyiˇ kʼoeˇ nyiˬ gʼaˬ, aˬ yawꞈ nyaꞈ-euˬ zaˬ deuˬ sheuˬ-awˇ, awˆ byaˆ-eu laꞈ kʼoeˇ, Iˇsawˇ-ahˇ yaw zeu baw nehˬ-euˬ meh.

Aˇ dahˬ 48:9

“Aˬ li heu nyiˬ li-aˬ, Iˇjiˇtuˆ miˇ kʼahˬ laꞈ kʼoeˇ Miˬyehˇ neh ngaˬ-ahˇ biꞈ laꞈ-euˬ ngaˬ-euˬ zaˬ deuˬ ma” lehˇ, Yoˇsehˆ ehˇ kʼoꞈ nehˬ-euˬ meh. “Aˬ yawꞈ nyaꞈ nmˇ-ahˇ ngaˇ jawˇ gaˇ sheuˬ laꞈ-awˬ. Ngaˇ dawˬ ngehˬ gʼeh nehˬ la” lehˇ Yaˬkoˆ ehˇ-eu meh.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

HeˬByehˇ 2:13

“Ngaˇ Miˬyehˇ-ahˇ gʼoe-awˇ jah ma” lehˇ aˬ yawꞈ ehˇ-eu meh. “Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ ma” lehˇ kʼawꞈ ehˇ-eu meh.

Luˇta 4:13

Kʼoeˇ naˇ, Luˇta-ahˇ aˬ yawꞈ-euˬ nymˇ-ahˇ Bawˇza sheuˬ kʼoꞈ gʼeh-awˇ, aˬ yawꞈ-euˬ miˬ zaˬ pyeuꞈ laˇ-euˬ meh. Luˇta-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ miˇ neh, aˬ nyiˇ pi leˇ-awˇ, aˬ li tiˬ li ciˬ-euˬ meh.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.