Aˇ dahˬ 33:4 - Akha

⁴ Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

Aˇ dahˬ 33:4 ပူးပေါင်းရင်းမြစ်များ

Aˇ dahˬ 29:11

Kʼoeˇ naˇ, Laˬkeˬlaˇ-ahˇ mehˬ cuˇ cuˇ nehˬ gʼaˬ-awˇ, laˬ kʼaˬ cehˇ dui dui-eu miˇ neh, guˇ guˇ-ehˇ ngoeˇ-euˬ meh.

Aˇ dahˬ 29:13

Laˬbaˬ-aˬ, aˬ yawꞈ-euˬ zaˬ oeˇ oe keuˆ-euˬ gaˇ kawˆ ya gaˬ ngeh, cehˆ gʼeh-awˇ ha laˬ-iˇ-euˬ meh. Yaˬkoˆ-ahˇ aˬ yawꞈ byaˇ cuꞈ-awˇ, mehˬ cuˇ cuˇ nehˬ gʼaˬ-awˇ , iˇ kahˇ-ahˇ sheuˬ kʼoꞈ laꞈ-euˬ meh. Kʼoeˇ naˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, Laˬbaˬ-ahˇ Yaˬkoˆ dzawˇ nehˬ-euˬ meh,

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 43:30

Kʼoeˇ ngeh, aˬ ha mehˇ nmˇ jawˇ gaˇ neh Yoˇsehˆ tiˬ poˆ tehꞈ-ehˇ doˆ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ nui ma laꞈ kʼoeˇ aˬ ha mehˇ nmˇ-ahˇ gʼawˬ shaˇ shaˬ-ehˇ gʼeh-euˬ meh.

Aˇ dahˬ 43:34

Yoˇsehˆ-euˬ hawˬ jeh kʼoeˇ taˆ jaˆ-eu dzaˇ deuˬ aˬ ha mehˇ nmˇ-ahˇ kuˬ ahˇ nehˬ-awˇ bi dzaˬ-euˬ meh. Beˬyaˬmiˬ gʼaˬ-ahˇ-aˬ, aˬ yawꞈ-euˬ aˇ doˆ deuˬ-ahˇ naˆ maˬ tseˇ, ngaˬ poˆ keuˆ ni kuˬ lahˬ nehˬ-euˬ meh. Aˬ yawꞈ maꞈ dzaˬ yehꞈ dawˇ yehꞈ jiˇ ngeh keuˆ ni, tiˬ kawˆ loꞈ-ehˇ dzaˬ taꞈ dawˇ taꞈ-euˬ meh.

Aˇ dahˬ 45:2

Aˬ yawꞈ yaw kʼaˆ-ehˇ guˇ-awˇ ngoeˇ-eu miˇ neh, Iˇjiˇtuˆ tsawˇ haˬ deuˬ-ahˇ gaˬ leˇ-awˇ, gaˇ kawˆ kʼoeˇ sahˬpaˬ jawˇ gaˇ keuˆ ni gaˬ keuˆ leˇ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

2 Saˬmeuˬlaˆ 14:33

Sahˬ paˬ Daˬbiˇ jawˇ gaˇ Yoˇbaˬ le-awˇ, Aˬbaˇsaˬloˬ neh kʼaˇ bi ehˇ-euˬ jeˬ dzawˇ nehˬ leˇ-euˬ meh. Kʼoeˇ ngeh, sahˬ paˬ neh Aˬbaˇsaˬloˬ-ahˇ bi kuˇ laˬ-iˇ-awˇ, Aˬbaˇsaˬloˬ laˇ-awˇ, sahˬ paˬ-euˬ mehˬ shi miˇ tsa awˆ byaˆ-eu laꞈ kʼoeˇ, yaw zeu baw nehˬ-euˬ meh. Aˬbaˇsaˬloˬ-ahˇ sahˬ paˬ mehˬ cuˇ cuˇ-awˇ ha geuꞈ nehˬ-euˬ meh.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Jaceuq 34:4

SahˬpaˬMiˬyehˇ-ahˇngaˇpoˆngeh, aˬyawꞈngaˬ-ahˇoˬtoˬlaꞈ-awˇ, guˆ-eu jeˬdawˬtawˆluꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.